പ്രമേഹാനുബന്ധ പാദരോഗങ്ങൾ ശ്രദ്ധിക്കണം, ഷാർക്കോട്ട് ഫൂട്ട് രോഗബാധിതർ കൂടുന്നു


മിന്നു വേണുഗോപാൽ

Representative Image| Photo: Canva.com

കൊച്ചി: കേരളത്തിൽ പ്രമേഹാനുബന്ധ പാദരോഗങ്ങൾ വർധിച്ചുവരുന്നതായി ഇന്ത്യൻ ഫൂട്ട് ആൻഡ്‌ ആങ്കിൾ സൊസൈറ്റിയുടെ പഠനം. സംസ്ഥാനത്തെ പ്രമേഹ രോഗികളിൽ 7.5 ശതമാനം പേർക്ക് ഷാർക്കോട്ട് ഫൂട്ട് രോഗ സാധ്യതയുണ്ടെന്ന് സീനിയർ ഫൂട്ട് ആൻഡ്‌ ആങ്കിൾ കൺസൾട്ടന്റ് ഡോ. ഡെന്നിസ് പി. ജോസ് പറഞ്ഞു. കാൽപാദങ്ങളുടെ സ്പർശന ശേഷി നഷ്ടപ്പെടുകയും വേദന തിരിച്ചറിയാൻ സാധിക്കാതിരിക്കുകയും ചെയ്യുന്നവർക്കാണ് ഷാർക്കോട്ട് ഫൂട്ട് രോഗം ബാധിക്കുന്നത്. പ്രമേഹം ഉൾപ്പെടെയുള്ള ജീവിതശൈലീ രോഗങ്ങൾ മൂലം നാഡികൾക്ക് ഹാനി സംഭവിക്കുകയും കാലക്രമേണ പാദങ്ങളിലെ സ്പർശനശേഷി നഷ്ടപ്പെടുകയും ചെയ്യുന്നു. സ്പർശനശേഷി നഷ്ടപ്പെടുന്നതിനാലും വേദന അനുഭവപ്പെടാത്തതിനാലും പാദങ്ങളിലുണ്ടാകുന്ന മുറിവുകളോ പരിക്കുകളോ രോഗികൾ അറിയാതെ പോകുന്നത് ഷാർക്കോട്ട് ഫൂട്ടിന് സാധ്യത കൂട്ടുന്നു. തുടർന്ന് രോഗം സങ്കീർണമാകാനും കാൽപാദം മുറിച്ചുമാറ്റേണ്ട അവസ്ഥയിലേക്ക് എത്താനും കാരണമാകുന്നു.

പാദരോഗ ബോധവത്‌കരണം



രോഗത്തെക്കുറിച്ച് ബോധവത്‌കരിക്കാൻ ഇന്ത്യൻ ഫൂട്ട് ആൻഡ്‌ ആങ്കിൾ സൊസൈറ്റി ബുധനാഴ്ച ദേശീയതലത്തിൽ പാദരോഗ ബോധവത്‌കരണ ദിനമായി (ഫൂട്ട് ആൻഡ്‌ ആങ്കിൾ ഡേ) ആചരിക്കുകയാണ്. ഷാർക്കോട്ട് ഫൂട്ട് രോഗികളുടെയും ചികിത്സ തേടുന്നവരുടെയും കൂട്ടായ്മയ്ക്കും രൂപം നൽകും. മെഡിക്കൽ പി.ജി. വിദ്യാർഥികൾക്ക് പ്രത്യേക ഫൂട്ട് ആൻഡ്‌ ആങ്കിൾ കോഴ്സുകളും പരിശീലനങ്ങളും ഇന്ത്യൻ ഫൂട്ട് ആൻഡ്‌ ആങ്കിൾ സൊസൈറ്റി സംഘടിപ്പിക്കുന്നുണ്ട്.

ഷാർക്കോട്ട് ഫൂട്ട് രോഗം

കടുത്ത പ്രമേഹം നാഡികളെ തകരാറിലാക്കുന്നതോടെ രോഗി വേദന അറിയുകയില്ല. ഡയബറ്റിക് ഫൂട്ട് അൾസർ ആയി വരുന്ന മുറിവുകൾ പെട്ടെന്ന് ഉണങ്ങുകയില്ല. അണുബാധ ജീവനുതന്നെ ആപത്തായെന്നും വരാം. ഇതു തിരിച്ചറിയാതെ പോയാൽ അസ്ഥികൾ ദുർബലപ്പെടുകയും പാദങ്ങൾക്ക് കൂടുതൽ പരിക്കേൽക്കുകയും രൂപമാറ്റം സംഭവിക്കുകയും ചെയ്യും. ഇതാണ് ഷാർക്കോട്ട് ഫൂട്ട് എന്ന അവസ്ഥ. പാദങ്ങളിൽ ഉണങ്ങാത്ത മുറിവോ വീക്കമോ നിറം മാറ്റമോ കണ്ടാൽ ഡോക്ടറുടെ സഹായം തേടുക.

- ഡോ. രാജേഷ് സൈമൺ

ദേശീയ പ്രസിഡന്റ്

ഇന്ത്യൻ ഫൂട്ട് ആൻഡ്‌ ആങ്കിൾ സൊസൈറ്റി

Content Highlights: charcot foot disease, foot health awareness day


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


photo: Getty Images

1 min

മനോഹരം...മെസ്സി.... മാറഡോണയുടെ ഗോള്‍നേട്ടം മറികടന്നു

Dec 4, 2022


argentina vs australia

3 min

ആളിക്കത്തി അര്‍ജന്റീന! ഓസ്‌ട്രേലിയയെ തകര്‍ത്ത് മെസ്സിയും സംഘവും ക്വാര്‍ട്ടര്‍ ഫൈനലില്‍

Dec 4, 2022

Most Commented