മെഡിക്കല്‍ ഓക്‌സിജന്‍ കരുതലോടെ ഉപയോഗിക്കണമെന്ന് സംസ്ഥാനങ്ങളോട് കേന്ദ്രം


പ്രത്യേക ലേഖകന്‍

രാജ്യത്ത് ആവശ്യത്തിന് ഓക്‌സിജന്‍ ശേഖരമുണ്ടെന്ന് ആരോഗ്യമന്ത്രാലയം വ്യക്തമാക്കി

ഫയൽ ഫോട്ടോ: സാജൻ വി. നമ്പ്യാർ

ന്യൂഡല്‍ഹി: രാജ്യത്ത് മെഡിക്കല്‍ ഓക്‌സിജന്റെ ശേഖരം ആവശ്യത്തിനുണ്ടെങ്കിലും അത് യുക്തിസഹമായി ഉപയോഗിക്കണമെന്ന് കേന്ദ്രം സംസ്ഥാനങ്ങളോട് ആവശ്യപ്പെട്ടു. കോവിഡ് ബാധിച്ച് കൂടുതല്‍പേര്‍ ആശുപത്രികളില്‍ പ്രവേശിപ്പിക്കപ്പെട്ടതോടെ മെഡിക്കല്‍ ഓക്‌സിജന്‍ കുറയുകയാണെന്ന ആശങ്ക പലയിടങ്ങളിലുമുണ്ട്. ചിലയിടങ്ങളില്‍ ഓക്‌സിജന്‍ ദൗര്‍ലഭ്യം ഉള്ളതായും വാര്‍ത്തവന്നിരുന്നു. ഈ പശ്ചാത്തലത്തിലാണ് നിര്‍ദേശം. കോവിഡ് മൂര്‍ച്ഛിക്കുന്ന ഘട്ടത്തില്‍ അനിവാര്യമായ ചികിത്സാരീതിയാണ് ഓക്‌സിജന്‍ നല്‍കല്‍.

രാജ്യത്ത് ആവശ്യത്തിന് ഓക്‌സിജന്‍ ശേഖരമുണ്ടെന്ന് ആരോഗ്യമന്ത്രാലയം വ്യക്തമാക്കി. ഉത്പാദനം കൂട്ടുകയും ശേഖരിച്ചുവെക്കുകയും ചെയ്തിട്ടുണ്ട്. 50,000 ടണ്‍ ശേഖരമാണ് ഇപ്പോഴുള്ളത്. ദിവസേന 7127 ടണ്‍ ഉത്പാദിപ്പിക്കാനുള്ള ശേഷിയുണ്ട്. ഇതിനുപുറമേ, ആവശ്യം വരുകയാണെങ്കില്‍ സ്റ്റീല്‍ പ്ലാന്റുകളുടെ പക്കല്‍ അധികമായുള്ള ഓക്‌സിജന്‍ ഉപയോഗപ്പെടുത്താനാവും. മന്ത്രിതലസമിതി ആവശ്യപ്പെട്ടതനുസരിച്ച് ഇപ്പോള്‍ ഉത്പാദനം പരമാവധി ആക്കിയിരിക്കയാണ്.

കഴിഞ്ഞ രണ്ടുദിവസങ്ങളായി ഓക്‌സിജന്റെ ആവശ്യകതയും ഉപയോഗവും കൂടിയിട്ടുണ്ട്. ഏപ്രില്‍ 12-ന് 3842 ടണ്‍ മെഡിക്കല്‍ ഓക്‌സിജനേ വേണ്ടിവന്നിരുന്നുള്ളൂ. അതായത്, ഉത്പാദനശേഷിയുടെ 54 ശതമാനം മാത്രം. ഇപ്പോള്‍ അതിലും കൂടുതലാണ് ആവശ്യം. മഹാരാഷ്ട്ര, ഗുജറാത്ത്, മധ്യപ്രദേശ്, യു.പി., കര്‍ണാടക, തമിഴ്നാട്, ഛത്തീസ്ഗഢ്, പഞ്ചാബ്, രാജസ്ഥാന്‍ എന്നിവിടങ്ങളിലാണ് കോവിഡ് രോഗികള്‍ക്ക് മെഡിക്കല്‍ ഓക്‌സിജന്‍ കൂടുതല്‍ വേണ്ടിവരുന്നത്. ഓക്‌സിജന്റെ ലഭ്യത, താഴെത്തട്ടിലുള്ള വിതരണം, ഉപയോഗം തുടങ്ങിയവയെല്ലാം നിത്യേന നിരീക്ഷിക്കാന്‍ സംവിധാനം കൊണ്ടുവരുന്നുണ്ട്.

ഓക്‌സിജന്‍ അധികമെന്നും ആവശ്യമില്ലാത്ത സംസ്ഥാനങ്ങളില്‍നിന്ന് അത് കൂടുതല്‍വേണ്ട ഇടങ്ങളിലെത്തിക്കുകയാണ് ഇപ്പോഴത്തെ വെല്ലുവിളിയെന്ന് മന്ത്രാലയം വിശദീകരിച്ചു. ദ്രവീകരിച്ച മെഡിക്കല്‍ ഓക്‌സിജന്‍ കൊണ്ടുപോകുന്നത് സുഗമമാക്കാന്‍ കേന്ദ്ര ഗതാഗത മന്ത്രാലയവും സംസ്ഥാന ഗതാഗതവകുപ്പുകളും ഉള്‍പ്പെട്ട ഒരു ഉപസമിതി രൂപവത്കരിച്ചിട്ടുണ്ട്.

നൈട്രജന്‍, ആര്‍ഗോണ്‍ എന്നീ വാതകങ്ങള്‍ കയറ്റിക്കൊണ്ടുപോകുന്ന ടാങ്കറുകളെ ഓക്‌സിജന്‍ ടാങ്കറുകളാക്കി മാറ്റാന്‍ പെട്രോളിയം സേഫ്റ്റി ഓര്‍ഗനൈസേഷന്‍ നിര്‍ദേശം നല്‍കിയിട്ടുണ്ട്. ആവശ്യമായ വൃത്തിയാക്കലുകള്‍ക്കുശേഷം ഇന്‍ഡസ്ട്രിയല്‍ സിലിന്‍ഡറുകളില്‍ മെഡിക്കല്‍ ഓക്‌സിജന്‍ കൊണ്ടുപോകാനും അനുമതി നല്‍കിയിട്ടുണ്ട്. ഒരുലക്ഷം ഓക്‌സിജന്‍ സിലിന്‍ഡറുകള്‍ ആരോഗ്യമന്ത്രാലയം വാങ്ങും.

Content Highlights: Centre urges states to use medical oxygen with caution, Health

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Gopi Sunder Music Director, Amritha suresh in love? Viral Instagram post

1 min

അനുഭവങ്ങളുടെ കനല്‍വരമ്പു കടന്ന് പുതിയ വഴികളിലേക്ക്; അമൃതയ്‌ക്കൊപ്പം ഗോപി സുന്ദര്‍

May 26, 2022


mathrubhumi

1 min

നവജാതശിശുവിനെ അമ്മ പ്ലാസ്റ്റിക് കൂടിലാക്കി തോട്ടിലെറിഞ്ഞു; ബന്ധു കണ്ടതിനാല്‍ കുഞ്ഞ് രക്ഷപ്പെട്ടു

May 27, 2022


anu facebook post

5 min

'ഞങ്ങള്‍ക്ക് ഒരു തൂവാല പോലും മേടിച്ചു തരാത്ത ചാച്ചന്‍, 4 കൊല്ലം കഴിഞ്ഞു വേറെ കല്യാണം കഴിച്ചു'

May 25, 2022

Most Commented