കോവിഡ് ചികിത്സയ്ക്ക് ശ്രീചിത്രയിൽനിന്ന് ഡോക്ടർമാരെ ആവശ്യപ്പെട്ട് കേന്ദ്രം


രാജേഷ് കെ. കൃഷ്ണൻ

മന്ത്രാലയത്തിന് കീഴിലുള്ള രാജ്യത്തെ ഏക ആശുപത്രിയാണ് ശ്രീചിത്ര

ശ്രീചിത്ര | ഫോട്ടോ: മാതൃഭൂമി

തിരുവനന്തപുരം: കോവിഡ് വ്യാപകമായി പടരുന്ന ന്യൂഡൽഹിയിലേക്ക് വിദഗ്ധസേവനത്തിന് ശ്രീചിത്രയിൽനിന്ന്‌ ഡോക്ടർമാരെയും നഴ്‌സുമാരെയും ആവശ്യപ്പെട്ട് കേന്ദ്രം. ഡോക്ടർമാർ, നഴ്‌സുമാർ, മറ്റ് ആരോഗ്യവിഭാഗം ജീവനക്കാർ എന്നിവരെ അയക്കാനുള്ള സാധ്യതയാരാഞ്ഞ് ശാസ്ത്രസാങ്കേതികമന്ത്രാലയമാണ് ശ്രീചിത്ര ഡയറക്ടർക്ക് കത്തയച്ചത്.

മന്ത്രാലയത്തിന് കീഴിലുള്ള രാജ്യത്തെ ഏക ആശുപത്രിയാണ് ശ്രീചിത്ര. സ്വമേധയാ വരാൻ തയ്യാറാകുന്നവരുടെ വിവരം എത്രയും വേഗം അറിയിക്കണമെന്നും നിർദേശമുണ്ട്. ഇതുപ്രകാരം ഡൽഹിയിലേക്ക് പോകാൻ താത്‌പര്യമുള്ള ആരോഗ്യപ്രവർത്തകരുടെ പട്ടിക ശ്രീചിത്ര അധികൃതർ തയ്യാറാക്കിത്തുടങ്ങി.

നേരത്തേ, കേന്ദ്രമന്ത്രി ഹർഷവർധന്റെ കീഴിൽ ശാസ്ത്രസാങ്കേതിക മന്ത്രാലയം ന്യൂഡൽഹിയിലെ കാമ്പസിൽ ആശുപത്രി നിർമിച്ച് അത് കോവിഡ് രോഗികൾക്കായി മാറ്റാൻ തീരുമാനിച്ചിരുന്നു. ഡോക്ടർമാർ ഉൾപ്പെടെയുള്ള ആരോഗ്യപ്രവർത്തകരുടെ രൂക്ഷമായ ക്ഷാമമാണ് ഇവിടെ അനുഭവപ്പെടുന്നത്. നിലവിൽ 65 ഡോക്ടർമാരാണ് ശ്രീചിത്രയിലുള്ളത്. അമ്പതിലധികം പി.ജി.വിദ്യാർഥികളുമുണ്ട്. ഡൽഹിയിലേക്ക് പോകാൻ തയ്യാറായി ആരെങ്കിലും താത്പര്യപ്പെട്ടാൽ അയക്കുമെന്ന് ശ്രീചിത്ര ഡയറക്ടർ പ്രൊഫ. കെ. ജയകുമാർ പറഞ്ഞു.

ഇതിൽ ശ്രീചിത്രയിലെ ഒരുവിഭാഗം ആരോഗ്യപ്രവർത്തകർക്ക് കടുത്ത എതിർപ്പാണുള്ളത്. കേരളത്തിലും കോവിഡ് രോഗികളുടെ എണ്ണം കൂടുകയാണ്. ഈ സാഹചര്യത്തിൽ പി.ജി.വിദ്യാർഥികളെ ഉൾപ്പെടെ കോവിഡ് പ്രതിരോധത്തിന് ഉപയോഗിക്കാനുള്ള ശ്രമത്തിലാണ് സംസ്ഥാനസർക്കാർ. അതിനിടെ ഡൽഹിയിലേക്ക് ഡോക്ടർമാരെ അയക്കുന്നത് ഇവിടത്തെ പ്രവർത്തനങ്ങൾ തടസ്സപ്പെടുമെന്നും ഇവർ ചൂണ്ടിക്കാട്ടുന്നു.

ശ്രീചിത്ര ആശുപത്രി കോവിഡ് രോഗികൾക്കായി ഏറ്റെടുക്കണമെന്ന ആവശ്യം നടപ്പാക്കരുതെന്ന് അധികൃതർ ബുധനാഴ്ചനടന്ന ഉന്നതതലയോഗത്തിൽ ആവശ്യപ്പെട്ടു.

Content Highlights: Centre asks doctors from Sree Chitra hospital for Covid19 treatment, Covid19, Corona Virus

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


pinarayi karnival

1 min

മുഖ്യമന്ത്രിയുടെ വാഹന വ്യൂഹത്തിലേക്ക് പുതിയ കാര്‍ വാങ്ങുന്നു; കിയ കാര്‍ണിവല്‍, വില 33.31 ലക്ഷം

Jun 25, 2022


after rock bottom finally Aussie cricketers win Lankan hearts

3 min

1996 ലോകകപ്പ് ബഹിഷ്‌കരണവും മുരളിക്കേറ്റ അപമാനവുമെല്ലാം മറന്നു, ലങ്കയുടെ മനസ് കീഴടക്കി ഓസ്‌ട്രേലിയ

Jun 25, 2022

Most Commented