കുഞ്ഞനുജൻ രാജയുടെ ജീവനെടുത്തത് വിളർച്ച; അഞ്ച് വര്‍ഷം കൊണ്ട് രാജ്യത്ത് 9% രോഗവര്‍ധന


സ്വന്തം ലേഖിക

രാജ്യത്ത് കഴിഞ്ഞ ഏതാനും വര്‍ഷത്തിനുള്ളില്‍ വര്‍ധിച്ച തൊഴിലില്ലായ്മയും ഭക്ഷ്യ സാധനങ്ങളുടെ വിലക്കയറ്റവും കുട്ടികളെ കൂടുതല്‍ വിളര്‍ച്ചാ ബാധിതരാക്കുന്നതിന് ആക്കം കൂട്ടിയിട്ടുണ്ടാവാം എന്നും വിദഗ്ധർ പറയുന്നു

പ്രതീകാത്മക ചിത്രം | Getty image

വെള്ളത്തുണി പുതപ്പിച്ച ഒരുകുഞ്ഞുശരീരത്തെ മടിയിലിരുത്തി കരയുന്ന ഭോപ്പാലില്‍ നിന്നുള്ള എട്ട് വയസ്സുകാരന്റെ ചിത്രം ജൂലൈ ആദ്യവാരത്തിലാണ് മാധ്യമങ്ങളിലൂടെ പുറത്ത് വരുന്നത്. അമിതവിളര്‍ച്ച ബാധിച്ച് മരിച്ച തന്റെ കുഞ്ഞിനെ വീട്ടിലെത്തിക്കാൻ വണ്ടിക്കായി ഓടിനടക്കുകയായിരുന്നു ആ സമയം അച്ഛൻ പൂജാറാം. ഈ സമയം രണ്ടു വയസ്സുള്ള അനുജന്റെ മൃതദേഹവുമായി ഇരിക്കുന്ന എട്ടു വയസ്സുകാരന്റെ ചിത്രം കരളലിയിപ്പിക്കുന്നതായിരുന്നു. മധ്യപ്രദേശില്‍ 6നും 59 മാസത്തിനും ഇടയിലുള്ള കുട്ടികളുടെ വിളര്‍ച്ചയില്‍ മൂന്ന് ശതമാനത്തിലധികം വര്‍ധനവുണ്ടായെന്നാണ് ദേശീയാരോഗ്യ സര്‍വ്വേ 5 (NFHS-5) കണക്കുകളിൽ വ്യക്തമാകുന്നത്.

2019- 21 ലെ ദേശീയാരോഗ്യ സര്‍വ്വേപ്രകാരം ഇന്ത്യയില്‍ 4 വയസ്സിനിടയിൽ പ്രായമുള്ള കുട്ടികളില്‍ 67 ശതമാനവും വിളർച്ചാ ബാധിതരാണ്. 2015-16ലെ NFHS-4 സര്‍വ്വേ പ്രകാരം ഇന്ത്യയിൽ 58.6 ശതമാനം കുട്ടികളില്‍ മാത്രമേ വിളര്‍ച്ചയുണ്ടായിരുന്നുള്ളൂ. എന്നാല്‍ 2019- 20ലെ സര്‍വ്വേ പ്രകാരം ഒൻപത് ശതമാനം കുട്ടികൾ കൂടി കൂടുതലായി വിളർച്ചാ ബാധിതരായി.

  • 2005-06ല്‍ 69.4 ശതമാനമായിരുന്നു രാജ്യത്ത് കുട്ടികളുടെ വിളര്‍ച്ച നിരക്ക്
  • 2015- 16 ലേക്കെത്തിയപ്പോള്‍ 10 ശതമാനത്തിലധികം കുറഞ്ഞ് 58.6 % ആയി
  • 2019-20 ൽ 8.5 ശതമാനം ഉയര്‍ന്ന് 67.1 ശതമാനത്തിലെത്തി
രണ്ട് വയസുകാരന്‍ രാജയുടെ മൃതശരീരം നാട്ടിലെത്തിക്കാന്‍ എട്ടുവയസ്സുകാരനായ ഗുല്‍ഷന്റെ കാത്തിരിപ്പ്. മധ്യപ്രദേശിലെ മുരേനയില്‍ നിന്ന് ഒരു പ്രാദേശികലേഖകന്‍ ശനിയാഴ്ച പകര്‍ത്തിയ ചിത്രം.

2015-16ലെ NFHS സര്‍വ്വേ പ്രകാരം ഏഴ് സംസ്ഥാനങ്ങളിൽ 70 ശതമാനത്തിലധികമാണ് വിളർച്ച. രണ്ട് വയസ്സുകാരൻ രാജ മരിച്ച മധ്യപ്രദേശിൽ 72.7 ശതമാനമായിരുന്നു വിളർച്ച. രാജസ്ഥാന്‍ - 71.5%, മധ്യപ്രദേശ്- 72.7 %, ഗുജറാത്ത്- 79.7% ബീഹാര്‍-69.4%, ഉത്തര്‍പ്രദേശ്-66.4% എന്നിങ്ങനെ പോകുന്നു മറ്റ് ഉത്തരേന്ത്യൻ സംസ്ഥാനങ്ങളുടെ കണക്ക്. കേന്ദ്രഭരണപ്രദേശങ്ങളിലും സംസ്ഥാനങ്ങളിലുമാകെയായി കണക്കാക്കുമ്പോള്‍ ഏറ്റവും കൂടുതല്‍ പേര്‍ വിളര്‍ച്ചാ ബാധിതരായിരിക്കുന്ന പ്രദേശമാണ് ലഡാക്ക്- 92.5. കഴിഞ്ഞ സർവ്വേ പ്രകാരം ലഡാക്കിൽ 91.4 ശതമാനമായിരുന്നു വിളർച്ചാ നിരക്ക്.

പോഷകാഹാരക്കുറവാണ് ഒരു തലമുറയുടെ തന്നെ ആരോഗ്യത്തെ ഇല്ലാതാക്കുന്ന വിളര്‍ച്ചയ്ക്ക് കാരണം. കൂടുതൽ ഭക്ഷണവും പോഷകാഹാരവും നല്‍കുന്നതിലൂടെയേ അതിനെ മറികടക്കാനാവൂ. രാജ്യത്ത് കഴിഞ്ഞ ഏതാനും വര്‍ഷത്തിനുള്ളില്‍ വര്‍ധിച്ച തൊഴിലില്ലായ്മയും ഭക്ഷ്യ സാധനങ്ങളുടെ വിലക്കയറ്റവും കുട്ടികളെ കൂടുതല്‍ വിളര്‍ച്ചാ ബാധിതരാക്കുന്നതിന് ആക്കം കൂട്ടിയിട്ടുണ്ടാവാം എന്നാണ് നാഷണല്‍ ഹെല്‍ത്ത് മിഷന്റെ സോഷ്യല്‍ ആന്റ് ബിഹേവിയര്‍ ചെയ്ഞ്ച് കമ്മ്യൂണിക്കേഷന്‍ സ്റ്റേറ്റ് ഇന്‍ചാര്‍ജ്ജായിരുന്ന ഡോ. ജി ആര്‍. സന്തോഷ് കുമാര്‍
പറയുന്നത്.

Also Read

അനുജന്റെ കുഞ്ഞുശരീരത്തിൽ വന്നിരിക്കുന്ന ...

  • ഏറ്റവും കുറവ് വിളർച്ച കേരളത്തിൽ
കേരളത്തില്‍ നാല് വയസ്സിനിടയിലുള്ള 39 ശതമാനം കുട്ടികള്‍ക്കും വിളര്‍ച്ചയുണ്ടെന്നാണ് കണക്ക്. കേരളം മാത്രമാണ് 40 ശതമാനത്തിൽ താഴെ വിളർച്ച രേഖപ്പെടുത്തിയ ഏക സംസ്ഥാനം. അതേ സമയം കഴിഞ്ഞ ദേശീയാരോഗ്യ സര്‍വ്വേയുമായി താരതമ്യം ചെയ്യുമ്പോള്‍ കേരളത്തിലും കുട്ടികള്‍ക്കിടയില്‍ അനീമിയ കൂടിയിട്ടുണ്ട്. 36ല്‍ നിന്ന് 39 ശതമാനമായാണ് വര്‍ദ്ധന. എസ്ടി വിഭാഗക്കാരായ കുട്ടികളില്‍ വലിയ തോതിലാണ് അനീമിയ- 58 ശതമാനം.

പ്രത്യാഘാതം - ശരീരഭാരം കുറയുക, ആരോഗ്യമില്ലായ്മ, ബുദ്ധി വികാസം തടയുക, ഓര്‍മ്മശക്തി കുറയുക, പ്രതിരോധശേഷി കുറയുക, ശാരീരിക വളര്‍ച്ചയെ പ്രതികൂലമായി ബാധിക്കുക
എന്താണ് അനീമിയ

രക്തത്തില്‍ ഹീമോഗ്ലോബിന്റെ അളവ് നിശ്ചിത അനുപാതത്തില്‍നിന്നു കുറയുമ്പോഴാണ് വിളര്‍ച്ച അഥവാ അനീമിയ ഉണ്ടാകുന്നത്. രക്തനഷ്ടം , ഹീമോഗ്ലോബിന്റെ ഉത്പാദനം കുറയല്‍, ചുവന്ന രക്താണുക്കളുടെ ഉയര്‍ന്ന തോതിലുള്ള വിഘടനം എന്നിവയാണ് വിളര്‍ച്ചയിലേക്ക് നയിക്കുന്ന മൂന്ന് കാരണങ്ങള്‍. എല്ലാ വിഭാഗം ആളുകളിലും അനീമിയ കണ്ടുവരുന്നുവെങ്കിലും പ്രധാനമായും ഗര്‍ഭിണികള്‍, മുലയൂട്ടുന്ന അമ്മമാര്‍, കുട്ടികള്‍, കൗമാരപ്രായക്കാരായ പെണ്‍കുട്ടികള്‍ എന്നിവരിലാണ് കൂടുതലായി കണ്ടുവരുന്നത്.

വിളര്‍ച്ച കൗമാരക്കാരില്‍

കൗമാരക്കാര്‍ക്കിടയിലും വിളര്‍ച്ചയില്‍ വലിയൊരു വര്‍ധനവാണ് രേഖപ്പെടുത്തിയിരിക്കുന്നത്. 2015-16ല്‍ പുറത്തിറങ്ങിയ ദേശീയാരോഗ്യ സര്‍വ്വേ പ്രകാരം 54.1 ശതമാനം കൗമാരക്കാരാണ് ഇന്ത്യയില്‍ വിളര്‍ച്ച നേരിട്ടതെങ്കില്‍ 2019-21 കണക്ക് പ്രകാരം കൗമാരക്കാരില്‍ വിളര്‍ച്ച അഞ്ച് ശതമാനം കൂടി 59.1 ശതമാനമായി വര്‍ധിച്ചിട്ടുണ്ട്.

  • ഗ്രാമീണ ഇന്ത്യയില്‍ 60 ശതമാനം കൗമാരക്കാരായ പെണ്‍കുട്ടികളും വിളര്‍ച്ച അനുഭവിക്കുന്നവർ.
  • നഗരപ്രദേശങ്ങളില്‍ 56.5 ശതമാനം .
കൗമാര പ്രായക്കാരായ പെണ്‍കുട്ടികളില്‍ തളര്‍ച്ച, ശ്രദ്ധക്കുറവ് എന്നിവ വിളർച്ച കൊണ്ടുണ്ടാവാം. ആര്‍ത്തവ സമയത്ത് ഉണ്ടാകുന്ന അമിത രക്തസ്രാവം ജീവനുതന്നെ ഭീഷണിയാകുന്നു, പ്രത്യുല്‍പാദന ശേഷിയെ പ്രതികൂലമായി ബാധിക്കുന്നു
വിളര്‍ച്ച ഗര്‍ഭിണികളിലും സ്ത്രീകളിലും

ഗര്‍ഭിണികളല്ലാത്ത സ്ത്രീകളില്‍ വിളര്‍ച്ച മുന്‍ വര്‍ഷങ്ങളിലേതിനേക്കാള്‍ വര്‍ധിച്ചിട്ടുണ്ട്. 53.2 ശതമാനം ഗര്‍ഭിണികളല്ലാത്ത സ്ത്രീകളായിരുന്നു NFHS-4 സര്‍വേ പ്രകാരം വിളര്‍ച്ച രേഖപ്പെടുത്തിയിരുന്നതെങ്കില്‍ ഏറ്റവും പുതിയ സര്‍വ്വേയില്‍ നാല് ശതമാനം വര്‍ധനയുണ്ടായി അത് 57.2 ശതമാനമായി.

  • ഗര്‍ഭിണികളിലെ വിളര്‍ച്ച രണ്ട് ശതമാനം വര്‍ധിച്ച് 52.2 ശതമാനമായി.
  • 15നും 49നും പ്രായമുള്ള സ്ത്രീകളില്‍ മുന്‍വര്‍ഷത്തേക്കാള്‍ നാല് ശതമാനം വര്‍ധനവ്
  • കേരളത്തിലെ 36 ശതമാനം സ്ത്രീകളിൽ വിളർച്ച.
  • കേരളത്തില്‍ 18 ശതമാനം പുരുഷന്‍മാരും വിളര്‍ച്ച നേരിടുന്നവരാണ്.
ഗര്‍ഭിണികളില്‍ ഗര്‍ഭമലസല്‍, അകാല പ്രസവം, ഭാരം കുറഞ്ഞ കുട്ടികളുടെ ജനനം, ജനനം നല്‍കുന്ന കുട്ടികളില്‍ അംഗവൈകല്യം, പ്രസവത്തോട് അനുബന്ധിച്ച് അമിത രക്തസ്രാവം, നവജാത ശിശു മരണം, ചാപിളള ജനനം എന്നിവയിലേക്കും മുലയൂട്ടുന്ന അമ്മമാരില്‍ മുലപ്പാലിന്റെ ലഭ്യതക്കുറവും അനീമിയ മൂലമുണ്ടാവും.
ഇന്ത്യയില്‍ ഹിമാചല്‍ പ്രദേശ്, ദാദ്ര നാഗര്‍ ഹവേലി, ലക്ഷ്വദ്വീപ് എന്നിവിടങ്ങളില്‍ മാത്രമാണ് മുന്‍ സര്‍വ്വേയെ അപേക്ഷിച്ച് വിളര്‍ച്ചയില്‍ കുറവ് രേഖപ്പെടുത്തിയത്.


Content Highlights: anaemia increased in Indian children, says NFHS 5 survey compared to previous NFHS4

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Modi, Shah

9 min

മോദി 2024-ൽ വീണ്ടും ബി.ജെ.പിയെ നയിക്കുമ്പോൾ | വഴിപോക്കൻ

Aug 6, 2022


08:52

ഒറ്റ രാത്രിയില്‍ രജീഷിന് നഷ്ടം 40 ലക്ഷം; ഒലിച്ചുപോയത് നാലേക്കര്‍ പൈനാപ്പിള്‍ തോട്ടം

Aug 5, 2022


04:08

എന്താണ് ലോൺ ബോൾസ്? കോമണ്‍വെല്‍ത്ത് ഗെയിംസില്‍ ഇന്ത്യ സ്വര്‍ണമണിഞ്ഞ ലോണ്‍ ബോള്‍സിനെ കുറിച്ച് അറിയാം..

Aug 6, 2022

Most Commented