ഒരുവശത്തേക്ക് 90 ഡിഗ്രി ചരിഞ്ഞ കഴുത്തുമായി 13 വർഷം; പാക് പെൺകുട്ടിക്ക് പുതുജീവിതം നൽകി ഇന്ത്യൻഡോക്ടർ


പത്തുമാസം പ്രായമുള്ളപ്പോൾ സഹോദരിയുടെ കൈയിൽ നിന്ന് അബദ്ധത്തിൽ താഴേക്ക് വീണതായിരുന്നു അഫ്ഷീൻ

അഫ്ഷീൻ ​ഗുൽ | Photos: instagram.com/afsheengul786/?hl=en

ന്യൂഡൽഹി: കഴുത്ത് തൊണ്ണൂറു ഡി​ഗ്രിയോളം ഒരുവശത്തേക്ക് ചരിഞ്ഞ പെൺകുട്ടി, പതിമൂന്നുകാരിയായ അഫ്ഷീൻ ​ഗുൽ എന്ന പാകിസ്താനി സ്വദേശിയുടെ അടയാളം അതായിരുന്നു. ജനിച്ച് പത്താംമാസത്തിലുണ്ടായ ഒരു അപകടമാണ് അഫ്ഷീന് ഈ ദുരിതം സമ്മാനിച്ചത്. ഇപ്പോഴിതാ വർഷങ്ങൾക്കപ്പുറം പതിമൂന്നാം വയസ്സിലെത്തി നിൽക്കുമ്പോൾ അഫ്ഷീന്റെ ഈ ആരോ​ഗ്യാവസ്ഥയെ സൗജന്യമായി ചികിത്സിച്ച് ഭേദമാക്കിയിരിക്കുകയാണ് ഇന്ത്യയിൽ നിന്നുള്ള ഒരു ഡോക്ടർ.

പത്തുമാസം പ്രായമുള്ളപ്പോൾ സഹോദരിയുടെ കൈയിൽ നിന്ന് അബദ്ധത്തിൽ താഴേക്ക് വീണതായിരുന്നു അഫ്ഷീൻ. പിന്നീടിങ്ങോട്ട് കഴുത്ത് തൊണ്ണൂറ് ഡി​ഗ്രിയോളം ഒരുവശത്തേക്ക് ചരിഞ്ഞ അവസ്ഥയിലായി. വൈകാതെ തന്നെ ഡോക്ടറെ കണ്ട് മരുന്നു നൽകിയെങ്കിലും അഫ്ഷീന്റെ നിലയിൽ മാറ്റമില്ലാതെ തുടർന്നു. സമപ്രായക്കാർക്കൊപ്പം കളിക്കാനോ സ്കൂളിൽ പോകാനോ അഫ്ഷീന് കഴിഞ്ഞില്ല. പിന്നാലെ സെറിബ്രൽ പാൾസി എന്ന അവസ്ഥയും അഫ്ഷീനെ ബാധിക്കുകയുണ്ടായി.

എന്നാൽ മാർച്ചിൽ കടൽ കടന്നൊരു ഡോക്ടറുടെ കരുതൽ അഫ്ഷീന്റെ ജീവിതത്തിൽ വെളിച്ചം വീശുകയായിരുന്നു. ഒരു രൂപ പോലും ചിലവില്ലാതെ അഫ്ഷീനു വേണ്ട ചികിത്സ നൽകാൻ തയ്യാറാണെന്ന് അറിയിച്ചത് ഡൽഹി അപ്പോളോ ആശുപത്രിയിലെ ഡോക്ടറായ രാജ​ഗോപാലൻ കൃഷ്ണനാണ്. അഫ്ഷീന്റെ കഴുത്തിന് വേണ്ട മതിയായ ചികിത്സ നൽകാനുള്ള സന്നദ്ധത അദ്ദേഹം വ്യക്തമാക്കി. ബ്രിട്ടനിൽ നിന്നുള്ള മാധ്യമപ്രവർത്തകയായ അലക്സാൺഡ്രിയ തോമസിന്റെ ലേഖനത്തിലൂടെയാണ് ഡോ.രാജ​ഗോപാലൻ കൃഷ്ണൻ അഫ്ഷീനെക്കുറിച്ച് അറിയുന്നത്.

തുടർന്ന് ഇക്കഴിഞ്ഞ വർഷം കുടുംബത്തോടൊപ്പം ഇന്ത്യയിലെത്തിയ അഫ്ഷീൻ ചികിത്സ ആരംഭിക്കുകയായിരുന്നു. രാജ​ഗോപാലൻ കൃഷ്ണൻ ഡോക്ടറാണ് തന്റെ സഹോദരിയുടെ ജീവിതം രക്ഷിച്ചതെന്ന് അഫ്ഷീന്റെ സഹോദരൻ യാഖൂബ് കുംബാർ പറഞ്ഞു. നാല് മേജർ ശസ്ത്രക്രിയകളാണ് അഫ്ഷീന് ചെയ്തത്. ഫെബ്രുവരിയിലാണ് പ്രധാന സർജറി നടത്തിയത്. ആറുമണിക്കൂറോളം എടുത്താണ് അത് പൂർത്തിയാക്കിയത്. മതിയായ ചികിത്സ കിട്ടിയില്ലെങ്കിൽ ദീർഘകാലം അതിജീവിക്കാൻ അഫ്ഷീന് കഴിയുമായിരുന്നില്ല എന്നും ഡോക്ടർ വ്യക്തമാക്കി.

സെറിബ്രൽ പാൾസി

ജീവിതകാലം മുഴുവൻ പരിചരണം ആവശ്യമായ അവസ്ഥയാണ് സെറിബ്രൽ പാൾസി അഥവാ മസ്തിഷ്ക തളർവാതം. വളർച്ചയുടെ ആദ്യഘട്ടങ്ങളിൽ തലച്ചോറിന് ഏൽക്കുന്ന ക്ഷതങ്ങളോ, പ്രയാസങ്ങളോ കാരണം ചലനം, നിൽപ്പ്, സംതുലനം, ആശയവിനിമയം, പഠിക്കാനുള്ള കഴിവ്, ഭക്ഷണം, ഉറക്കം എന്നിവയെ വിവിധ രൂപത്തിൽ ബാധിക്കുന്ന പ്രയാസങ്ങളെയാണ് സെറിബ്രൽ പാൾസി എന്നുപറയുന്നത്

Content Highlights: afsheen gul life story, afsheen gul neck bent at 90 degrees treated successfully by indian doctor

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022


shajahan murder

2 min

ഷാജഹാന്‍ വധം; മുഴുവന്‍ പ്രതികളും പിടിയില്‍,കൊലയ്ക്ക് ശേഷം പ്രതികള്‍ ബാറിലെത്തിയതായി CCTV ദൃശ്യങ്ങള്‍

Aug 16, 2022


04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022

Most Commented