ആശാഭവനുകളിൽ 53 പേർ കാത്തിരിക്കുന്നു; വീട്ടിലേക്കു മടങ്ങാൻ


ആർ.ആതിര

മാനസികപ്രശ്‌നങ്ങൾ ഭേദമായി ആശാഭവനുകളിൽ പുനരധിവസിപ്പിച്ചിരിക്കുന്ന ഇവർ ഇതരസംസ്ഥാനക്കാരാണ്

തിരുവനന്തപുരത്തെ ആശാഭവൻ| ഫോട്ടോ: എസ്. ശ്രീകേഷ്

തിരുവനന്തപുരം: മാനസികാരോഗ്യം വീണ്ടെടുത്ത് വീട്ടിലേക്കു മടങ്ങാൻ ജില്ലയിലെ ആശാഭവനുകളിൽ കാത്തിരിക്കുന്നത് 53 പേർ. മാനസികപ്രശ്‌നങ്ങൾ ഭേദമായി ആശാഭവനുകളിൽ പുനരധിവസിപ്പിച്ചിരിക്കുന്ന ഇവർ ഇതരസംസ്ഥാനക്കാരാണ്. കേരളത്തിൽ എത്തുന്ന സമയത്ത് സ്വന്തം മേൽവിലാസംപോലും പറയാൻ കഴിയാതെയിരുന്നവരാണ് വർഷങ്ങളുടെ ചികിത്സയ്ക്കു ശേഷം സ്വദേശത്തേക്ക് മടങ്ങാനൊരുങ്ങുന്നത്.

കഴിഞ്ഞ ദിവസം ജില്ലാപ്പഞ്ചായത്തിന്റെ നേതൃത്വത്തിൽ ആറുപേരെ സ്വദേശത്തേക്ക് തിരികെ അയച്ചിരുന്നു. മേൽവിലാസം അതത് സംസ്ഥാനത്തെ സന്നദ്ധ സംഘടനകളെ അറിയിക്കും. മേൽവിലാസം തിരിച്ചറിഞ്ഞാൽ പ്രദേശത്തെ പോലീസിലും വിവരം അറിയിക്കും.

ബന്ധുക്കൾ ഏറ്റെടുക്കാൻ തയ്യാറാവുന്നവരെ മാത്രമാണ് തിരിച്ചയക്കുന്നത്. ജില്ലയിലെ സർക്കാർ പുനരധിവാസ കേന്ദ്രങ്ങളിൽ മാത്രമാണ് 53 അന്തേവാസികളുള്ളത്. പൂജപ്പുരയിലാണ് പുരുഷൻമാരുടെയും സ്ത്രീകളുടെയും ആശാഭവൻ പ്രവർത്തിക്കുന്നത്.

പുരുഷൻമാർക്കായുള്ള ആശാഭവനിൽ 17 അന്തേവാസികളാണ് നിലവിലുള്ളത്. ഇവരിൽ 10 പേർ തമിഴ്‌നാട്ടിൽ നിന്നുള്ളവരാണ്.

സ്ത്രീകളുടെ ആശാഭവനിൽ 36 പേരുള്ളതിൽ 12 പേർ മഹാരാഷ്ട്രയിൽ നിന്നും 11 പേർ തമിഴ്‌നാട്ടിൽ നിന്നുമുള്ളവരാണ്. ഒഡിഷ, ജാർഖണ്ഡ്, മഹാരാഷ്ട്ര, ഹരിയാന, കൊൽക്കത്ത തുടങ്ങിയ പതിനൊന്നോളം സംസ്ഥാനങ്ങളിൽ നിന്നുള്ളവർ രണ്ടു ആശാഭവനിലുമായി താമസിക്കുന്നുണ്ട്.

നിയന്ത്രിതമായ തോതിൽ മാനസികപ്രശ്‌നം ഉള്ളവർക്ക് മരുന്നുകൾ തുടർന്നാൽ മതി. ഇത് ബന്ധുക്കളോട് സംസാരിച്ചതിനു ശേഷമാണ് ഇവരെ സ്വന്തം വീട്ടിലെത്തിക്കുന്നത്. പ്രത്യാശാ പദ്ധതിയിൽ ഉൾപ്പെടുത്തിയാണ് ഇവരെ സ്വദേശത്തേക്കു മടക്കി അയക്കുന്നത്.

പ്രത്യാശാ പദ്ധതിയുടെ ചുമതലയുള്ളവരും സാമൂഹികനീതി വകുപ്പിലെ ഉദ്യോഗസ്ഥരുമടങ്ങുന്ന സംഘമാണ് ആളുകളെ വീട്ടിലെത്തിക്കുന്നത്. സർക്കാരിന്റെ ആശാഭവനുകൾ കൂടാതെ പേരൂർക്കട മാനസികാരോഗ്യ കേന്ദ്രത്തിലും സന്നദ്ധ സംഘടനകൾ നടത്തുന്ന പുനരധിവാസ കേന്ദ്രങ്ങളിലും വീടുകളിലേക്കു മടങ്ങാനുള്ള നിരവധിപ്പേരുണ്ട്.

കോവിഡ് തടസ്സമായി

കോവിഡ് രണ്ടാം തരംഗം എത്തിയതോടെയാണ് പലരെയും സ്വദേശത്ത് എത്തിക്കാൻ കഴിയാതായത്. ഇളവുകൾ വരുന്നതോടെ സുരക്ഷിതമായി താമസിക്കാനുള്ള സാഹചര്യം ഉള്ളവരെ മാത്രമാണ് സ്വദേശത്തേക്ക് അയക്കുന്നത്. ഇരുപത് വർഷത്തിലേറെയായി സ്ഥാപനത്തിൽ താമസിക്കുന്നവരുണ്ട്.

-ഷൈനി,
ജില്ലാ സാമൂഹ്യനീതി ഓഫീസർ

Content Highlights: 53 people are waiting at Asha Bhavans to return home, Health, Mental Health

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

08:25

'ദർശന' പാടിയും മലയാളം പറഞ്ഞും പഠിച്ചും വിജയ് ദേവരകൊണ്ടയും അനന്യയും

Aug 19, 2022


dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022


06:18

നിവേദ്യം കള്ള്, നേര്‍ച്ചയായി കിട്ടിയത് 101 കുപ്പി ഓള്‍ഡ് മങ്ക് റം; കേരളത്തിലെ ഏക ദുര്യോധന ക്ഷേത്രം

Mar 26, 2022

Most Commented