കോവിഡ് ഭേദമായ മൂന്നിലൊരാൾക്ക് മാനസികപ്രശ്നങ്ങളും ന്യൂറോളജിക്കൽ പ്രശ്നങ്ങളും ഉണ്ടാകുന്നു


ദ ലാൻസറ്റ് സെെക്യാട്രിയിലാണ് പഠനം പ്രസിദ്ധീകരിച്ചത്

Representative Image | Photo: Gettyimages.in

കോവിഡ് ഭേദമായവരിൽ മൂന്നിലൊരാൾക്ക് അണുബാധയുണ്ടായി ആറുമാസത്തിനകം നാഡീസംബന്ധമായ പ്രശ്നങ്ങളും മാനസികപ്രശ്നങ്ങളും ഉണ്ടായതായി പഠനങ്ങൾ. 2,30,000 ആളുകളിൽ നടത്തിയ പഠനത്തിലാണ് ഈ കണ്ടെത്തൽ. ഇവരിൽ പതിമൂന്ന് ശതമാനം പേർക്കും മുൻപ് മാനസിക സംബന്ധമായതോ നാഡീസംബന്ധമായതോ ആയ രോ​ഗനിർണയം വേണ്ടിവന്നിട്ടില്ലെന്നും പഠനത്തിൽ വ്യക്തമാക്കുന്നുണ്ട്.

ദ ലാൻസറ്റ് സെെക്യാട്രി ജേണലിലാണ് പഠനം പ്രസിദ്ധീകരിച്ചിരിക്കുന്നത്. സാർസ് കോവ് 2 വെെറസ് ​ഗുരുതരമായ പ്രത്യാഘാതങ്ങളുണ്ടാക്കുന്നുണ്ടെന്നും ഇത് നാഡീവ്യവസ്ഥയെ ബാധിക്കുന്നുണ്ടെന്നും പഠനം നടത്തിയ ഓക്സ്ഫോർഡ് സർവകലാശാല ​ഗവേഷകർ പറയുന്നു. ഇതിനാൽ തന്നെ കോവിഡ് 19 ഭേദമായി മാസങ്ങൾ പിന്നിട്ടാലും രോ​ഗികൾക്ക് ആരോ​ഗ്യം കുറയുന്ന അവസ്ഥയാണെന്ന് ​ഗവേഷകർ പറയുന്നു.

കോവിഡ് 19 ബാധിച്ചവരിൽ നാഡീസംബന്ധമായ തകരാറുകൾക്കുള്ള സാധ്യത കൂടിയിട്ടുണ്ടെന്ന്
കോവിഡ് മഹാമാരി തുടങ്ങിയ സമയത്ത് റിപ്പോർട്ടുകളുണ്ടായിരുന്നു.

കോവിഡ് 19 രോ​ഗികൾക്ക് അണുബാധയുണ്ടായി ആദ്യ മൂന്ന് മാസങ്ങൾ കഴിയുമ്പോൾ തന്നെ മൂഡ് ഡിസോർഡറുകളും ഉത്കണ്ഠാ രോ​ഗങ്ങളും ഉണ്ടാകാൻ സാധ്യതയുള്ളതായി ഗവേഷകർ റിപ്പോർട്ട് ചെയ്തിരുന്നു.

യു.എസ്. കേന്ദ്രീകരിച്ച് പ്രവർത്തിക്കുന്ന ​ഗ്ലോബൽ ഹെൽത്ത് റിസർച്ച് നെറ്റ് വർക്കായ TriNetX network ആണ് ആറുമാസക്കാലയളിൽ 2,36,379 രോ​ഗികളിൽ പഠനം നടത്തിയത്. ലാൻസറ്റ് പഠനം ആണ് ആദ്യമായി ഈ ഡാറ്റ വിശകലനം ചെയ്തത്.

2020 ജനുവരി 20 ന് ശേഷം വെെറസ് ബാധിതരായതും രോ​ഗം ഭേദപ്പെട്ട് 2020
ഡിസംബർ 13 വരെ ജീവിച്ചിരുന്നതുമായ പത്ത് വയസ്സിന് മുകളിൽ പ്രായമുള്ളവരെയാണ് പഠനത്തിനായി തിരഞ്ഞെടുത്തത്.

പഠനഫലങ്ങൾ ചുരുക്കത്തിൽ

പഠന പ്രകാരം, കോവിഡ് 19 ബാധിച്ചവരിൽ 34 ശതമാനം പേർക്ക് അണുബാധയുണ്ടായി ആറുമാസത്തിനകം നാഡീസംബന്ധമായ തകരാറുകളോ മാനസിക സംബന്ധമായ തകരാറുകളോ ഉണ്ടായിട്ടുണ്ട്. ഇതിൽ 13 ശതമാനം പേർക്കും നാഡീസംബന്ധമായ തകരാറുകളോ മാനസിക സംബന്ധമായ തകരാറുകളോ കണ്ടെത്തുന്നത് ആദ്യമായിട്ടായിരുന്നുവെന്നും പഠനസംഘത്തലവൻ ഓക്സ്ഫോർഡ് സർവകലാശാലയിലെ പോൾ ഹാരിസൻ പറഞ്ഞു.

പഠനത്തിൽ പങ്കെടുത്ത 17 ശതമാനം രോ​ഗികൾക്കും ഉത്കണ്ഠാരോ​ഗങ്ങളും 14 ശതമാനം പേർക്ക് മൂഡ് ഡിസോർഡറും ഏഴുശതമാനം പേരിൽ സബ്സ്റ്റാൻസ് മിസ് യൂസ് ഡിസോർഡറുകളും (substance misuse disorders) അഞ്ചുശതമാനം പേരിൽ ഇൻസൊമ്നിയയും കണ്ടെത്താനായി.

നാഡീസംബന്ധമായ പ്രശ്നങ്ങളിൽ 0.6 ശതമാനം ബ്രെയിൻ ​ഹെമറേജ്, 2.1 ശതമാനം ഇസ്ക്കീമിക് സ്ട്രോക്ക്, 0.7 ശതമാനം ഡിമെൻഷ്യ എന്നിങ്ങനെയായിരുന്നു.

Content Highlights: 1 in 3 Covid patients who recovered have neurological, mental health disorders, Health, Covid19

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
K Surendran

2 min

'ദിലീപിന് സിനിമയിലഭിനയിക്കാം; ശ്രീറാമിന് കളക്ടറാകാന്‍ പാടില്ലേ?'; അതെന്ത് ന്യായമെന്ന് സുരേന്ദ്രന്‍

Aug 7, 2022


manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


10:51

പട്ടാളമില്ലെങ്കിലും സേഫായ രാജ്യം, ഉയര്‍ന്ന ശമ്പളം, വിശേഷദിനം ഓഗസ്റ്റ് 15 | Liechtenstein

Jul 25, 2022

Most Commented