ലിനി സ്വയം തെരഞ്ഞെടുത്ത ''ഏകാന്തവാസം''എന്ന വലിയ കരുതലാണ് മലയാളി കണ്ട ആദ്യത്തെ “ക്വാറന്റീൻ”


ഡോ. അനൂപ് കുമാർ എ.എസ്.

മലയാളിക്ക് ലിനിയെന്ന മാലാഖ പരിചയപ്പെടുത്തിയ ഈ മാതൃക തന്നെയാണ് കോവിഡ് വ്യാപനം തടയാൻ ഇന്ന് ലോക ജനതയൊന്നാകെ സ്വീകരിച്ച സെൽഫ് ക്വാറന്റീൻ എന്ന പ്രതിരോധ മാർഗം

രോഗിയെ പരിചരിക്കാനുളള നിയോഗം. അതിന് സ്വന്തം ജീവനേക്കാൾ വിലയുണ്ടെന്ന് കാണിച്ചുതന്ന സിസ്റ്റർ ലിനിയുടെ ഓർമ്മകൾക്ക് ഇന്ന് മൂന്ന് വയസ്സ്. ഒരു ജനതയുടെ മുഴുവൻ പ്രാർത്ഥനകൾ ബാക്കിയാക്കി ലിനി കടന്ന് പോയെങ്കിലും മരണം കീഴ്പ്പെടുത്തുന്നതിന് മുൻപുള്ള നിമിഷങ്ങളിൽ അവർ പകർന്നു നൽകിയ പാഠങ്ങൾ എക്കാലവും വിലമതിക്കുന്നതാണ്. പ്രത്യേകിച്ച് മാനവരാശി മുഴുവൻ കോവിഡെന്ന മഹാമാരിയെ പൊരുതി തോൽപ്പിക്കാൻ അഹോരാത്രം പ്രയത്നിക്കുന്ന ഈ കാലഘട്ടത്തിൽ.

തനിക്ക് രോഗമുണ്ടെന്ന് തോന്നി തുടങ്ങിയപ്പോൾ തന്നെ പാൽമണം മാറാത്ത കുഞ്ഞിനെയുൾപ്പടെ പ്രിയപ്പെട്ടവരെയെല്ലാം അകറ്റി നിർത്തി ലിനി സ്വയം തെരഞ്ഞെടുത്ത ''ഏകാന്തവാസം''എന്ന വലിയ കരുതലാണ് മലയാളി കണ്ട ആദ്യത്തെ “ ക്വാറന്റീൻ”. കോഴിക്കോട് മെഡിക്കൽ കോളേജ് ആശുപത്രിയിലെ ഐസൊലേഷൻ വാർഡിലേക്ക് തന്നെയും പ്രവേശിപ്പിക്കണമെന്ന് സഹപ്രവർത്തകരോട് അങ്ങോട്ട് ആവശ്യപ്പെട്ട ''കരുതൽ'' മലയാളിക്ക് ലിനിയെന്ന മാലാഖ പരിചയപ്പെടുത്തിയ ഈ മാതൃക തന്നെയാണ് കോവിഡ് വ്യാപനം തടയാൻ ഇന്ന് ലോക ജനതയൊന്നാകെ സ്വീകരിച്ച സെൽഫ് ക്വാറന്റീൻ എന്ന പ്രതിരോധ മാർഗം.

പേരാമ്പ്രയിലെ സൂപ്പിക്കടയിൽ പടർന്ന് പിടിച്ചത് നിപയാണെന്ന് ബേബി മെമ്മോറിയൽ ആശുപത്രിയിലെ രോഗിയിലൂടെ നിർണ്ണയിക്കപ്പെടുന്നതിനും മുമ്പേ ഇത് ജീവനെടുക്കുന്ന മഹാവ്യാധിയാണെന്നും താൻ അതിൻ്റെ പിടിയിൽ അമർന്നു കഴിഞ്ഞെന്നും ലിനി സ്വയം ഉറപ്പിച്ച് കാണണം. അന്ന് ലിനി സ്വീകരിച്ച ആ ക്വാറൻ്റൈൻ മാതൃക കോവിഡ് കാലത്ത് മാത്രമല്ല ആതുര സേവന രംഗത്തിൻ്റെ മുന്നോട്ടുള്ള പ്രയാണങ്ങളിലെക്കാലവും തിളങ്ങി നിൽക്കുക തന്നെ ചെയ്യും. ഒരു കടലാസുകഷ്ണത്തിൽ സ്വപ്നങ്ങളെല്ലാം കുറിച്ച് നൽകി യാത്രയായ സിസ്റ്റർ ലിനി തന്നെയാണ് കോവിഡെന്ന ദുരന്ത മുഖത്ത് തളരാതെ പോരാടാൻ ഞാൻ ഉൾപ്പടെയുള്ള ആരോഗ്യപ്രവത്തകർക്ക് ഊർജ്ജം. പ്രിയപ്പെട്ട മറ്റെന്തിനേക്കാളും മുൻപന്തിയിലാണ് രോഗികളെ പരിചരിക്കുകയെന്ന ദൗത്യമെന്ന് അവർ പകർന്നു നൽകിയ സന്ദേശം തന്നെയാണ് ഈ ഇരുണ്ടകാലത്തും ഞങ്ങളെ മുന്നോട്ട് നയിക്കുന്ന വെളിച്ചം. കേരളം അതിജീവിച്ച ഒരു ദുരന്തകാലത്തിൻ്റെ ദീപ്ത സ്മരണയ്ക്ക് മുന്നിൽ പ്രണാമം.

തന്റെ കൈക്കുഞ്ഞിൽ നിന്നും, വീട്ടുകാരിൽ നിന്നും, സഹപ്രവർത്തകരിൽ നിന്നും സ്വയം അകന്നു നിന്ന് സിസ്റ്റർ ലിനി നമ്മെ പഠിപ്പിച്ച ആ വലിയ പാഠം, നമ്മൾ ഒരോരുത്തരും അനുവർത്തിച്ചിരുന്നെങ്കിൽ എന്ന് ഈ കോവിഡ് കാലത്ത് ഞാൻ ആഗ്രഹിച്ച് പോവുകയാണ്. ഇനിയും വൈകിയിട്ടില്ല, നമ്മൾ ഒരോരുത്തരും അങ്ങനെ ഒരു തീരുമാനം എടുത്ത് കോവിഡ് പ്രതിരോധത്തിലെ ഉറച്ച കണ്ണികളായാൽ അത് തന്നെയായിരിക്കും സിസ്റ്റർ ലിനിക്ക് ഈ മഹാമാരി കാലത്ത് നൽകാൻ കഴിയുന്ന ഏറ്റവും വലിയ ആദരം.

Content Highlights: Lini sister memoir by Dr Anoop, Nipah, Covid19

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022

Most Commented