ഡോക്ടറാണ്; പക്ഷേ, കീശയില്‍ കാശില്ല


എസ്. ദയാല്‍

ഇപ്പോഴത്തെ സമരത്തിന്റെ പശ്ചാത്തലത്തില്‍ അവര്‍ക്ക് പറയാന്‍ ഒട്ടേറെ പ്രശ്‌നങ്ങളുണ്ട്

Representative Image| Photo: Gettyimages

ഡോക്ടറാകാന്‍ പഠനം തുടങ്ങുന്നത് പതിനഞ്ചാംവയസ്സില്‍. സ്വന്തം കാലില്‍ നില്‍ക്കാനുള്ള പണം ലഭിച്ചു തുടങ്ങുന്നത് 35-ാം വയസ്സില്‍. എം.ബി.ബി.എസോടെ ഡോക്ടറാകുമെങ്കിലും ഇന്നത്തെ സാഹചര്യത്തില്‍ എം.ഡി. ഇല്ലാതെ പറ്റില്ല. എം.ബി.ബി.എസിനും എം.ഡിക്കും ഇടയിലുള്ള പി.ജി.കാലം ഡോക്ടര്‍മാര്‍ക്ക് പരീക്ഷണകാലമാണ്. കൈയില്‍ പണമില്ലാതെ പണിമാത്രം ബാക്കിയായ സമയം. ഇപ്പോഴത്തെ സമരത്തിന്റെ പശ്ചാത്തലത്തില്‍ അവര്‍ക്ക് പറയാന്‍ ഒട്ടേറെ പ്രശ്‌നങ്ങളുണ്ട്.

എന്‍ട്രന്‍സ് കാലം

പത്താം ക്ലാസ് കഴിയുമ്പോള്‍ എന്‍ട്രന്‍സിനായി ശ്രമം തുടങ്ങും. പ്ലസ്ടു കഴിഞ്ഞ് ആ വര്‍ഷം എം.ബി.ബി.എസ്. കിട്ടുന്നവര്‍ അഞ്ച് ശതമാനത്തില്‍ താഴെ. ഒരു വര്‍ഷം കോച്ചിങ് സെന്ററില്‍ പഠനം. താമസം, പുസ്തകം, ഭക്ഷണം എല്ലാംകൂടി അതുവരെ ശരാശരി ഒരു ലക്ഷം രൂപ ചെലവ്.

എം.ബി.ബി.എസിലേക്ക്

ഭാഗ്യവും യോഗവുമുണ്ടെങ്കില്‍ 19 വയസ്സില്‍ സര്‍ക്കാര്‍ കോളേജില്‍ സീറ്റ് ലഭിക്കും. നാലരവര്‍ഷം പഠനം. ഫീസും പുസ്തകങ്ങളും മറ്റ് പഠന ചെലവുകളുമെല്ലാം കൂട്ടി നാല്-നാലര ലക്ഷം രൂപ വേണം. സ്വകാര്യ മെഡിക്കല്‍ കോളേജിലാണങ്കില്‍ 22 ലക്ഷം വരും. ഡോക്ടര്‍ എന്ന നിലയിലെത്തുമ്പോള്‍ 25 വയസ്സ്.

പി.ജി. എന്ന കടമ്പ

പരീക്ഷ പാസായാല്‍ ഒരുവര്‍ഷം ഹൗസ് സര്‍ജന്‍സി. സര്‍ക്കാര്‍ കോളേജില്‍ 25,000 രൂപ പ്രതിമാസം ലഭിക്കുമെങ്കിലും സ്വകാര്യ കോളേജുകളില്‍ കുറവാണ്. പി.ജി. എന്‍ട്രന്‍സിന് അപ്പോള്‍ മുതല്‍ ശ്രമിക്കണം. ഹൗസ് സര്‍ജന്‍സി കാലത്ത് അത്യപൂര്‍വം പേര്‍ക്കേ പി.ജി. എന്‍ട്രന്‍സ് കിട്ടൂ. പിന്നെ ഒരു വര്‍ഷം പൂര്‍ണ പഠനം. എന്‍ട്രന്‍സ് പഠന പാക്കേജിന് കുറഞ്ഞത് 50,000 രൂപ. പിന്നെ പരീക്ഷാ ഫീസ്, താമസം, പുസ്തകം, ഭക്ഷണം എല്ലാംകൂടി കുറഞ്ഞത് ഒന്നരലക്ഷം രൂപ. കുറച്ചുപേര്‍ ഒരുവര്‍ഷംകൊണ്ട് ഈ കടമ്പ കടക്കും. സാധിക്കാത്തവര്‍ പിന്നെയും ശ്രമിക്കും. 27-ാം വയസ്സില്‍ പി.ജി. കോഴ്‌സില്‍ ചേര്‍ന്നേക്കാം. മൂന്നുവര്‍ഷം പഠനം. ആദ്യ വര്‍ഷം പ്രതിമാസം 53,000, രണ്ടാംവര്‍ഷം 54,000, മൂന്നാംവര്‍ഷം 50,000 എന്നിങ്ങനെ സ്‌റ്റൈപന്‍ഡ് ലഭിക്കും. ഈ മൂന്ന് വര്‍ഷവും പി.ജി. ഫീസ് ഇനത്തില്‍ 70,000, തീസിസിന് 20,000, അവസാനവര്‍ഷം പരീക്ഷയ്ക്ക് 10,000 എന്നിങ്ങനെ അടയ്ക്കണം. പി.ജി. കാലത്താണ് ഡോക്ടര്‍മാരില്‍ ഭൂരിപക്ഷവും കല്യാണം കഴിക്കുന്നത്. വീട്, വാഹനം, കുടുംബ ചെലവുകള്‍, വായ്പ തിരിച്ചടവ് എന്നിവയ്ക്ക് വക കണ്ടെത്തണം. പി.ജി. പാസായാല്‍ ഒരുവര്‍ഷം സീനിയര്‍ റെസിഡന്റായി സേവനം. ഈ കാലത്ത് 70,000 രൂപ മാസം കിട്ടും. ഇനി സൂപ്പര്‍ സ്‌പെഷ്യാലിറ്റി എന്‍ട്രന്‍സ് എന്ന കടമ്പ മുന്നില്‍ കിടക്കും.

സൂപ്പര്‍ സ്‌പെഷ്യാലിറ്റി

മുപ്പത്തിഒന്നാം വയസ്സില്‍ സീനിയര്‍ റെസിഡന്‍സി പൂര്‍ത്തിയാക്കി എന്‍ട്രന്‍സിലേക്ക്. ഒരുവര്‍ഷം പൂര്‍ണ പഠനം. വരുമാനമില്ലാത്ത അവസ്ഥ. കിട്ടിയാല്‍ മൂന്ന് വര്‍ഷം പഠനം. 70,000 രൂപ സ്‌റ്റൈപന്‍ഡ് ലഭിക്കും. വാര്‍ഷിക ഫീസ് 1.75 ലക്ഷം. ഒരു വര്‍ഷം ബോണ്ടും കഴിഞ്ഞ് പുറത്തിറങ്ങുമ്പോള്‍ 35 വയസ്സ്.

Content Highlights: Why do doctors make strike


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
chintha jerome

1 min

ഒന്നേമുക്കാൽ വർഷം റിസോർട്ടിൽ താമസം, 38 ലക്ഷം രൂപ വാടക; ചിന്തയ്ക്കെതിരേ പരാതിയുമായി യൂത്ത് കോൺഗ്രസ്

Feb 7, 2023


Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023


nirmala sitharaman

1 min

പ്രത്യേക പരിഗണനയില്ല; അദാനിക്ക് കേരളത്തിലടക്കം പദ്ധതികള്‍ നല്‍കിയത് BJP ഇതര സര്‍ക്കാര്‍-ധനമന്ത്രി

Feb 6, 2023

Most Commented