പേസ്റ്റും തേനും പുരട്ടരുത്; പൊള്ളലേറ്റാല്‍ ചെയ്യാന്‍ പാടില്ലാത്തത് എന്തെല്ലാം?


പൊള്ളലിനെത്തുടര്‍ന്നുണ്ടാകുന്ന കുമിളകള്‍ പൊട്ടിക്കരുത്

Photo: Pixabay

വി തട്ടിയുള്ള പൊള്ളല്‍, സ്റ്റൗവിലെ ബര്‍ണറില്‍ നിന്നുള്ള തീ കൊണ്ടുള്ള പൊള്ളല്‍, തിളച്ച വെള്ളം ദേഹത്ത് വീണുള്ള പൊള്ളല്‍, ചൂടുപാത്രത്തില്‍ സ്പര്‍ശിച്ചുള്ള പൊള്ളല്‍ എന്നിങ്ങനെ നാലു തരത്തിലുള്ള പൊള്ളലുകളാണ് അടുക്കളയില്‍ പൊതുവേ സംഭവിക്കാറുള്ളത്.

പൊള്ളലുകള്‍ മൂന്നു തരം

സാധാരണമായി പൊള്ളലിന്റെ തോതിനനുസരിച്ച് മൂന്നായി തരംതിരിച്ചിരിക്കുന്നു.

ഫസ്റ്റ് ഡിഗ്രി പൊള്ളല്‍: തൊലിപ്പുറത്ത് ചെറിയൊരു നിറവ്യത്യാസം ഉണ്ടാക്കുന്നു. പൊള്ളലേറ്റ ഭാഗത്ത് ചുവപ്പുനിറവും തടിപ്പുമാണ് ഉണ്ടാവുക. സൂപ്പര്‍ഫിഷ്യല്‍ ബേണ്‍ എന്നും ഇത് അറിയപ്പെടുന്നു.

സെക്കന്‍ഡ് ഡിഗ്രി പൊള്ളല്‍: ചര്‍മത്തിലെ പുറംപാളിയായ എപ്പിഡെര്‍മിസിനെ ബാധിക്കുന്നതാണിത്. ചര്‍മം പകുതിയോളം ആഴത്തില്‍ നശിച്ചുപോകുന്നു. വേദനയും പുകച്ചിലും ഉണ്ടാകുന്നു. ചര്‍മത്തില്‍ പോളകള്‍ ഉണ്ടാകൂം.

തേര്‍ഡ് ഡിഗ്രി പൊള്ളല്‍: ചര്‍മം മൊത്തത്തില്‍ കരിഞ്ഞു പോകുന്നു. ഇത് ഗുരുതരമാണ്. ചര്‍മത്തിലെ അകത്തും പുറത്തുമുള്ള പാളികളെ ബാധിക്കും. ചര്‍മത്തിലെ നാഡികള്‍, രക്തലോമികകള്‍, കൊഴുപ്പുകോശങ്ങള്‍, പേശികള്‍ എന്നിവയെയൊക്കെ ബാധിക്കുന്നു. അടിയന്തിര വൈദ്യസഹായം തേടണം.

പൊള്ളലേറ്റാല്‍ ചെയ്യേണ്ട കാര്യങ്ങള്‍

  • പൊള്ളലേറ്റയാളെ അതിന് കാരണമായ വസ്തുവില്‍ നിന്ന് സുരക്ഷിത സ്ഥാനത്തേക്ക് മാറ്റുക.
  • പൊള്ളിയ ഭാഗം ശുദ്ധജലം കൊണ്ട് കഴുകുക. പൈപ്പ് തുറന്ന് പൊള്ളിയ ഭാഗം അതിന് താഴെ പിടിക്കുന്നതാണ് നല്ലത്. 15-20 മിനിറ്റ് നേരം ഇങ്ങനെ പിടിക്കണം.
  • പൊള്ളിയ ഭാഗം വൃത്തിയുള്ള പോളിത്തീന്‍ കവര്‍ കൊണ്ട് മൂടി ആശുപത്രിയിലേക്ക് കൊണ്ടുപോവുക.
  • പൊള്ളലിനെത്തുടര്‍ന്നുണ്ടാകുന്ന കുമിളകള്‍ പൊട്ടിക്കരുത്.
  • ഡോക്ടര്‍ നിര്‍ദേശിക്കുന്ന ഓയിന്റ്‌മെന്റ് മാത്രമേ പൊള്ളിയ ഭാഗത്ത് പുരട്ടാവൂ.
ചെയ്യാന്‍ പാടില്ലാത്തത്

പൊള്ളിയതിന് മുകളില്‍ ഐസ്, പേസ്റ്റ്, മഷി, തേന്‍, കാപ്പിപ്പൊടി തുടങ്ങിയവയൊന്നും പുരട്ടരുത്. അത് പൊള്ളിയ ഭാഗത്ത് പഴുപ്പുണ്ടാകാനും അണുബാധയുണ്ടാകാനും ഇടയാക്കും. പേസ്റ്റിലും മഷിയിലുമുള്ള രാസവസ്തുക്കള്‍ പൊള്ളിയ ചര്‍മത്തിലൂടെ എളുപ്പത്തില്‍ ഉള്ളില്‍ കടന്നാണ് അണുബാധയുണ്ടാകുന്നത്. ചികിത്സ നല്‍കുന്നതിന് മുന്‍പ് ഇത് നീക്കം ചെയ്യുക എന്നത് വളരെ ശ്രമകരമാണ്.

പോള പൊട്ടിക്കരുത്
അണുബാധയുണ്ടാകും

പൊള്ളലേല്‍ക്കുമ്പോള്‍ കോശകലകളിലെ ജലാംശം വലിയ തോതില്‍ നഷ്ടപ്പെടും. ഇത് കോശങ്ങള്‍ക്കിടയില്‍ കേന്ദ്രീകരിക്കപ്പെടുമ്പോള്‍ ശരീരത്തില്‍ പോളയുണ്ടാകാം. ഇത് പൊട്ടിക്കുന്നത് അണുബാധയ്ക്ക് ഇടയാക്കും. പൊട്ടിപ്പോകാതിരിക്കാന്‍ പോള പൂര്‍ണമായും മറയുന്ന രീതിയില്‍ വൃത്തിയുള്ള തുണികൊണ്ട് മൂടി അയഞ്ഞ രീതിയില്‍ കെട്ടുന്നതാണ് നല്ലത്. പിന്നീട് ഡോക്ടറുടെ നിര്‍ദേശപ്രകാരം ആന്റിബയോട്ടിക് ക്രീം പുരട്ടാം.

arogya
പുതിയ ലക്കം
ആരോഗ്യമാസിക വാങ്ങാം
">
പുതിയ ലക്കം
ആരോഗ്യമാസിക വാങ്ങാം

ആവിയും ചൂടുവെള്ളവും പൊള്ളല്‍ തീവ്രത കൂട്ടും

ആവി, ചൂടുവെള്ളം എന്നിവ കൊണ്ടുണ്ടാകുന്ന പൊള്ളലിന് തീവ്രത കൂടും. നീരാവി ശരീരത്തില്‍ തട്ടുമ്പോള്‍ പഴയ അവസ്ഥയിലേക്ക് അത് മാറി അതിലെ താപോര്‍ജം സ്വതന്ത്രമാക്കപ്പെടുകയാണ് ചെയ്യുന്നത്. ഇതാണ് പൊള്ളലിന്റെ തീവ്രത കൂട്ടുന്നത്.

വിവരങ്ങള്‍ക്ക് കടപ്പാട്:
ഡോ. വേണുഗോപാലന്‍ പി.പി.
ഡയറക്ടര്‍
എമര്‍ജന്‍സി മെഡിസിന്‍ വിഭാഗം
ആസ്റ്റര്‍ ഡി.എം. ഹെല്‍ത്ത് കെയര്‍


ആരോഗ്യമാസികയില്‍ പ്രസിദ്ധീകരിച്ചത്

Content Highlights: first aid, burn injury, health


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022


Mallikarjun Kharge, VD Satheesan

1 min

ഖാര്‍ഗെയെ പിന്തുണയ്ക്കും, അദ്ദേഹം കോണ്‍ഗ്രസ് അധ്യക്ഷനാകുന്നത് അഭിമാനകരം - വി.ഡി. സതീശന്‍

Oct 1, 2022

Most Commented