വേനല്‍ ചുടില്‍ കത്തുകയാണ് കേരളം. ചൂടുകാലത്ത് കൃത്യമായി ശരീരം നോക്കിയില്ലെങ്കില്‍ രോഗങ്ങളും പിറകെ വരും. ധാരാളം വെള്ളവും, പഴങ്ങളും കഴിക്കാന്‍ മറക്കരുത്. ചൂട് കാലത്ത് വളരെ സാധാരണമായി കാണുന്ന ചര്‍മ്മരോഗമാണ് ചൂട് കുരുക്കള്‍. നിസാരമെന്ന് തോന്നുമെങ്കിലും ശ്രദ്ധിച്ചില്ലെങ്കിലും ചൊറിച്ചിലും തടിപ്പും കൂടാന്‍ സാധ്യതയേറെയാണ്.

  • ചൂടുകുരു ഉണ്ടായ സ്ഥലങ്ങളില്‍ ചൊറിയുന്നത് ഒഴിവാക്കുക. ചൊറിയുമ്പോള്‍ അണുക്കള്‍ തൊലിയുടെ അടുത്ത ലെയറിലേക്കും വ്യാപിക്കും. 
  • അയഞ്ഞ, കട്ടികുറഞ്ഞ കോട്ടന്‍ വസ്ത്രങ്ങള്‍ ധരിക്കുക.
  • ചൊറിച്ചില്‍ ഇല്ലാതാക്കാന്‍ ദിവസം രണ്ടു തവണ ഓട്‌സ് പൊടിയിട്ട് വെള്ളത്തില്‍ കുളിക്കുന്നത് നല്ലതാണ്.
  • വേനല്‍ക്കാലത്ത് ധാരാളം വെള്ളം കുടിക്കുക
  • ചര്‍മ്മം എപ്പോഴും വൃത്തിയായി സൂക്ഷിക്കുക. വീര്യം കൂടിയ സോപ്പ് ഉപയോഗിക്കുന്നത് ഒഴിവാക്കുക.
  • ചെറു ചൂടുവെള്ളത്തില്‍ കുളിക്കുക.
  • തേങ്ങാപ്പാല്‍ ചൂടുകുരു ഉള്ള ഭാഗത്ത് പുരട്ടി അല്പം കഴിഞ്ഞ് കുളിയ്ക്കാം. തേങ്ങാവെള്ളവും നല്ലതാണ്.
  • ചൂടുകുരു ഉള്ള ഭാഗത്ത് ചന്ദനം പുരട്ടുന്നതും നല്ലതാണ്.
  • ചെറുപയര്‍ പൊടി നന്നായി പൊടിച്ചെടുത്തത് കൊണ്ട് തേച്ച് കുളിക്കുന്നതും നല്ലതാണ്.
  • അമിതമാണെന്ന് തോന്നുകയാണെങ്കില്‍ വൈദ്യസഹായം തേടണം

Content Highlights: Skin problems in summer