ഗാനഭൂഷണം പുഷ്പലത; 40ാം വയസ്സില്‍ നഴ്സ്, ഏഴര മണിക്കൂറില്‍ കോവിഡ് വാക്‌സിന്‍ നല്‍കിയത് 893 പേര്‍ക്ക്


അജയ് ആര്‍.കാര്‍ണവര്‍

ഒരാള്‍ക്കു ശരാശരി 20- 30 നിമിഷത്തിനുള്ളില്‍ വാക്സിന്‍ നടപടികള്‍ പൂര്‍ത്തിയാക്കി

പുഷ്പലത

ഴിഞ്ഞ ഞായറാഴ്ചയും പുഷ്പലത പതിവുപോലെ വാക്സിനേഷന്‍ ജോലിതുടങ്ങി. രാവിലെമുതല്‍ നല്ല തിരക്കുണ്ടായിരുന്നു. ഇടയ്ക്ക് ഭക്ഷണത്തിനും പ്രാഥമിക ആവശ്യങ്ങള്‍ക്കുമായി അരമണിക്കൂര്‍ മാറ്റിവെച്ചു. 5.30-തോടെ വാക്സിനേഷന്‍ പൂര്‍ത്തിയാക്കി. പിന്നീട് കണക്കുനോക്കിയപ്പോള്‍ പുഷ്പലതയും ആദ്യമൊന്നു ഞെട്ടി. 893 പേര്‍ക്കാണ് ഏഴരമണിക്കൂറിനിടയില്‍ വാക്സിന്‍ നല്‍കിയത്. ഞായറാഴ്ച ജോലിക്ക് പൊതുവില്‍ ആളുകുറവായതിനാലാണ് ഇത്രയധികം എടുക്കേണ്ടിവന്നത്.

ചെങ്ങന്നൂര്‍ ജില്ലാ ആശുപത്രിയിലെ ജൂനിയര്‍ പബ്ലിക് ഹെല്‍ത്ത് നഴ്സാണ് കെ. പുഷ്പലത. സംഭവം അടുത്ത സുഹൃത്തിനോടുമാത്രം പറഞ്ഞു. പിന്നീടാണു സംസ്ഥാനതലത്തില്‍ ഇത്രയും വാക്സിനേഷന്‍ ഒരാള്‍ ഒരുദിവസം നല്‍കിയിട്ടില്ലെന്ന വിവരം പുഷ്പലതയും അറിയുന്നത്. ജെ.പി.എച്ച്.എന്‍. സംഘടനയും ഇക്കാര്യം ഔദ്യോഗിക വാട്സാപ്പ് ഗ്രൂപ്പുകളിലടക്കം വ്യക്തമാക്കി.

ഗാനഭൂഷണം പുഷ്പലത; നാല്‍പ്പതാം വയസ്സില്‍ നഴ്സ്

പ്രൊഫഷണല്‍ സ്റ്റേജ് ആര്‍ട്ടിസ്റ്റ് കൂടിയായ പുഷ്പലത സ്വാതിതിരുനാള്‍ സംഗീത കോളേജില്‍നിന്നു ഗാനഭൂഷണം പാസായി. വിവാഹശേഷം ഭര്‍ത്താവിന്റെ വീട്ടുകാരുടെ പിന്തുണയില്‍ നഴ്സാകാനുള്ള പഠനമാരംഭിച്ചു. പിന്നീട് നാല്‍പ്പതാം വയസ്സില്‍ സര്‍ക്കാര്‍ സര്‍വീസില്‍ പ്രവേശിച്ചു. നവംബറില്‍ പുഷ്പലതയുടെ രണ്ടുവര്‍ഷത്തെ പ്രൊബേഷന്‍ പൂര്‍ത്തിയാകും.

എ.ഡി.(ഓട്ടോഡിസേബിള്‍) സിറിഞ്ചുകളിലാണ് കോവാക്സിന്‍ ഡോസ് നല്‍കിയത്. അഞ്ചുമില്ലി കൃത്യമായെടുക്കാന്‍ ഇതു സഹായമായി. കൂടുതലളവില്‍ മരുന്നുവരാതിരിക്കാനുള്ള സംവിധാനവുമുണ്ട്. ഒരാള്‍ക്കു ശരാശരി 20- 30 നിമിഷത്തിനുള്ളില്‍ വാക്സിന്‍ നടപടികള്‍ പൂര്‍ത്തിയാക്കി.

Content Highlights: Nurse Pushpalatha vaccinates 893 persons within 7.30 hours, Health, Covid19, Covid Vaccine


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
anas

2 min

പോയത് നാലുകോടി രൂപ; ജീവിതം അവസാനിപ്പിക്കുമെന്ന് പറഞ്ഞ് മുഖ്യമന്ത്രിക്ക് കത്തയച്ച് സംരംഭകന്‍

Oct 7, 2022


'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022

Most Commented