Representative Image| Photo: Gettyimages
കോവിഡ് ബാധിതര്‍ക്ക് ഹോം ഐസൊലേഷനുള്ള പുതിയ മാര്‍ഗനിര്‍ദേശങ്ങള്‍ സര്‍ക്കാര്‍ പുറത്തിറക്കിയിട്ടുണ്ട്. അവ വിശദമായി അറിയാം.
വൈദ്യസഹായം തേടേണ്ടത് എപ്പോള്‍?
- സ്വയം നിരീക്ഷിക്കുക. താഴെപ്പറയുന്ന ലക്ഷണങ്ങള്‍ കാണുകയാണെങ്കില്‍ ഉടനടി വൈദ്യസഹായം തേടുക.
- കുറയാതെ തുടരുന്ന കടുത്ത പനി(മൂന്നു ദിവസമായി 100 ഡിഗ്രിയില്‍ കൂടുതല്‍)
- ശ്വാസോച്ഛ്വാസത്തിനുള്ള ബുദ്ധിമുട്ട്
- ഓക്‌സിജന്‍ സാച്ചുറേഷനിലുള്ള കുറവ്(ഒരു മണിക്കൂറിനുള്ളില്‍ നടത്തിയ ചുരുങ്ങിയത് മൂന്നു റീഡിങ്ങുകളില്‍ എസ്.പി.ഒ.ടു(SpO2)93 ശതമാനത്തില്‍ കുറവോ അല്ലെങ്കില്‍ ശ്വാസോച്ഛ്വാസനിരക്ക് ഒരു മിനിറ്റില്‍ 24 ല്‍ കൂടുതലോ)
- നെഞ്ചില്‍ നീണ്ടുനില്‍ക്കുന്ന വേദന/മര്‍ദം
- ആശയക്കുഴപ്പം, എഴുന്നേല്‍ക്കാന്‍ ബുദ്ധിമുട്ട്
- കടുത്ത ക്ഷീണവും പേശീവേദനയും.
- കുടുംബാംഗങ്ങളില്‍ നിന്ന് അകലം പാലിക്കുക.
- വായുസഞ്ചാരമുള്ള മുറിയില്‍ താമസിക്കുക.
- എല്ലായ്‌പ്പോഴും എന്‍ 95 മാസ്‌ക്കോ ഡബിള്‍ മാസ്‌ക്കോ ഉപയോഗിക്കുക.
- വിശ്രമിക്കുക. ധാരാളം പാനീയങ്ങള്‍ കുടിക്കുക.
- കൈകള്‍ ഇടയ്ക്കിടെ സോപ്പും വെള്ളവും ഉപയോഗിച്ച് സാനിറ്റൈസ് ചെയ്യുക.
- പാത്രങ്ങള്‍ ഉള്‍പ്പെടെയുള്ള വ്യക്തിഗത ആവശ്യത്തിനായി ഉപയോഗിക്കുന്ന വസ്തുക്കള്‍ ആരുമായും പങ്കുവയ്ക്കരുത്.
- ഇടയ്ക്കിടെ സ്പര്‍ശിക്കുന്ന പ്രതലങ്ങള്‍ സോപ്പ്/ ഡിറ്റര്‍ജന്റ്, വെള്ളം എന്നിവ ഉപയോഗിച്ച് വൃത്തിയാക്കുക.
- ഓക്‌സിജന്റെ അളവ്, ശരീര ഊഷ്മാവ് എന്നിവ കൃത്യമായി നിരീക്ഷിക്കുക.
- രോഗിയുമായോ, രോഗിയുള്ള സാഹചര്യങ്ങളുമായോ ഇടപെടേണ്ടി വന്നാല്‍ കൈകളുടെ ശുചിത്വം ഉറപ്പുവരുത്തുക.
- 40 സെക്കന്‍ഡ് എങ്കിലും സോപ്പും വെള്ളവും ഉപയോഗിച്ച് കൈകഴുകുകയോ ആല്‍ക്കഹോള്‍ അടങ്ങിയ സാനിറ്റൈസര്‍ ഉപയോഗിക്കുകയോ വേണം.
- വെള്ളമുപയോഗിച്ച് കൈ കഴുകിയതിനു ശേഷം ഒറ്റതവണ ഉപയോഗിച്ചു കളയാവുന്ന പേപ്പര്‍ ടവലുകളോ വൃത്തിയുള്ള തുണികൊണ്ടുള്ള ടവലുകളോ ഉപയോഗിച്ച് കൈ തുടയ്ക്കുകയും നനഞ്ഞ ടവലുകള്‍ മാറ്റുകയും ചെയ്യുക.
- ഗ്ലൗസ് ധരിക്കുന്നതിനു മുന്‍പും ശേഷവും കൈ കഴുകുക.
- രോഗബാധിതരോടൊപ്പമുള്ള സമയത്ത് എന്‍95 മാസ്‌ക്കോ ഡബിള്‍ മാസ്‌ക്കോ ഉപയോഗിക്കുക.
- മാസ്‌ക്കിന്‍രെ മുന്‍വശം സ്പര്‍ശിക്കരുത്.
- മാസ്‌ക് നനയുകയോ മലിനമാവുകയോ ചെയ്താല്‍ ഉടനടി മാറ്റി പുതിയത് ധരിക്കുക.
- ഉപയോഗിച്ച മാസ്‌ക് കഷ്ണങ്ങളായി മുറിച്ച് 72 മണിക്കൂറെങ്കിലും പേപ്പര്‍ ബാഗില്‍ സൂക്ഷിച്ച ശേഷം നിര്‍മ്മാര്‍ജ്ജനം ചെയ്യുക.
- മാസ്‌ക് കൈകാര്യം ചെയ്തതിനു ശേഷം കൈകള്‍ സോപ്പും വെള്ളവും ഉപയോഗിച്ച് കഴുകുക.
- മുഖം, മൂക്ക്, വായ എന്നിവ സ്പര്‍ശിക്കുന്നത് ഒഴിവാക്കുക.
- രോഗിയുടെ ശരീരസ്രവങ്ങളുമായി നേരിട്ടുള്ള സമ്പര്‍ക്കം ഒഴിവാക്കുക; ഒറ്റത്തവണ ഉപയോഗിക്കാവുന്ന ഗ്ലൗസ് ധരിക്കുക.
- രോഗി ഉപയോഗിച്ച പാത്രങ്ങള്‍, പാനീയങ്ങള്‍, ടവലുകള്‍, ബെഡ്ഷീറ്റ് എന്നിവയുമായുള്ള സമ്പര്‍ക്കം ഒഴിവാക്കുക.
- രോഗിക്കുള്ള ഭക്ഷണം മുറിയില്‍ എത്തിക്കുക.
- രോഗി ഉപയോഗിച്ച പാത്രങ്ങള്‍ ഗ്ലൗസ് ധരിച്ചുകൊണ്ട് സോപ്പും വെള്ളവും ഉപയോഗിച്ച് കഴുകുക.
- രോഗി ഉപയോഗിച്ച വസ്തുക്കള്‍ കൈകാര്യം ചെയ്തതിനു ശേഷവും ഗ്ലൗസ് അഴിച്ചതിനുശേഷവും കൈകള്‍ വൃത്തിയായി കഴുകുക.
- ചികിത്സിക്കുന്ന ഡോക്ടറുമായി ആശയവിനിമയം നിലനിര്‍ത്തുക. ആരോഗ്യനില വഷളാകുന്ന പക്ഷം റിപ്പോര്‍ട്ട് ചെയ്യുക.
- അനുബന്ധ രോഗങ്ങള്‍ക്കും മറ്റ് രോഗങ്ങള്‍ക്കുമുള്ള ചികിത്സ ഡോക്ടറുടെ നിര്‍ദേശപ്രകാരം തുടരുക.
- ഇ-സഞ്ജീവനി പോലുള്ള ടെലികണ്‍സള്‍ട്ടേഷന്‍ പ്ലാറ്റ്‌ഫോമുകള്‍ ഉപയോഗപ്പെടുത്തുക.
- പനി, മൂക്കൊലിപ്പ്, ചുമ എന്നീ ലക്ഷണങ്ങള്‍ക്കുള്ള ചികിത്സ തുടരുക.
- ദിവസം മൂന്നുനേരം ചൂടുവെള്ളം കവിള്‍കൊള്ളുകയോ ആവിപിടിക്കുകയോ ചെയ്യുക.
- 650 എം.ജി. പാരസെറ്റമോള്‍ നാലുനേരം വീതം കഴിച്ചിട്ടും പനി നിയന്ത്രണവിധേയമായിട്ടില്ലെങ്കില്‍ ചികിത്സിക്കുന്ന ഡോക്ടറെ അറിയിക്കുക.
- സോഷ്യല്‍ മീഡിയയിലെ തെറ്റായ വിവരങ്ങള്‍ അവഗണിക്കുക.
- ഡോക്ടറുടെ നിര്‍ദേശം കൂടാതെ മരുന്ന് കഴിക്കുകയോ രക്തം പരിശോധിക്കുകയോ, എക്‌സ്‌റേ, സി.ടി. സ്‌കാന്‍ എന്നിവ നടത്തുകയോ ചെയ്യരുത്.
- സ്വന്തം ഇഷ്ടപ്രകാരം സ്റ്റിറോയ്ഡുകള്‍ കഴിക്കരുത്. അത് മറ്റ് സങ്കീര്‍ണതകള്‍ക്ക് വഴിയൊരുക്കും.
- ഡോക്ടറുടെ കുറിപ്പടികള്‍ മറ്റുള്ളവരുമായി പങ്കുവെക്കാതിരിക്കുക.
- ഓക്‌സിജന്‍ സാച്ചുറേഷന്‍ കുറയുക, ശ്വാസമെടുക്കാന്‍ ബുദ്ധിമുട്ടുണ്ടാവുക എന്നിവയുണ്ടായാല്‍ ഉടനടി ചികിത്സ തേടുക.
- കോവിഡ് പോസിറ്റീവ് ആയതിനുശേഷം ചുരങ്ങിയത് ഏഴ് ദിവസമെങ്കിലും പിന്നിടുകയോ തുടര്‍ച്ചയായ മൂന്നു ദിവസങ്ങളില്‍ പനി ഇല്ലാതിരിക്കുകയോ ചെയ്താല്‍ ഹോം ഐസൊലേഷന്‍ അവസാനിപ്പിക്കാം.
- മാസ്‌ക് ധരിക്കുന്നത് തുടരുക.
- ഹോം ഐസൊലേഷന്‍ കാലാവധി കഴിഞ്ഞതിനു ശേഷം വീണ്ടും ടെസ്റ്റ് ചെയ്യേണ്ടതില്ല.
- രോഗിയുമായി അടുത്ത സമ്പര്‍ക്കം പുലര്‍ത്തിയവര്‍ രോഗലക്ഷണങ്ങള്‍ ഇല്ലെങ്കില്‍ പോലും സ്വയം രോഗനിരീക്ഷണത്തില്‍ തുടരേണ്ടതാണ്.
- ഉപയോഗിച്ച വെള്ളക്കുപ്പികള്‍, ബാക്കി വന്ന ഭക്ഷണം മുതലായവ സുരക്ഷിതമായി നിര്‍മ്മാര്‍ജ്ജനം ചെയ്യുക.
- ഒരു ബാഗില്‍ ശേഖരിച്ച് നന്നായി കെട്ടിയതിനുശേഷം മാലിന്യങ്ങള്‍ എടുക്കാന്‍ വരുന്നവര്‍ക്ക് നല്‍കുക.
- രോഗി ഉപയോഗിച്ച മാസ്‌ക്, ഗൗസ്, രക്തമോ മറ്റ് ശരീരസ്രവങ്ങളോ പറ്റിയ ടിഷ്യു എന്നിവ ബയോമെഡിക്കല്‍ മാലിന്യങ്ങളായി കൈകാര്യം ചെയ്യണം.
- ഇത്തരം മാലിന്യങ്ങള്‍ പ്രത്യേകം ഒരു മഞ്ഞ ബാഗില്‍ ശേഖരിച്ച മാലിന്യങ്ങള്‍ എടുക്കാന്‍ വരുന്നവര്‍ക്ക് നല്‍കുക. അല്ലെങ്കില്‍ നായ, എലി മുതലായവയ്ക്ക് പ്രാപ്യമല്ലാത്ത വിധത്തില്‍ ആഴത്തിലുള്ള കുഴിയെടുത്ത് അതിലിട്ട് മൂടുക.
Content Highlights: New guidelines for Covid19 patients Home Isolation
Also Watch
RELATED STORIES
.jpg?$p=bfd19a9&f=1x1&w=100&q=0.8)
.jpg?$p=60d9f40&f=1x1&w=100&q=0.8)
.jpg?$p=58f860a&f=1x1&w=100&q=0.8)
.jpg?$p=fd0a2b5&f=1x1&w=100&q=0.8)
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=1990e2a&f=1x1&w=100&q=0.8)
.jpg?$p=74dd70a&f=1x1&w=100&q=0.8)
.jpg?$p=bfd19a9&q=0.8&f=16x11&w=104)
.jpg?$p=fd0a2b5&q=0.8&f=16x11&w=104)
.jpg?$p=27eac61&q=0.8&f=16x11&w=104)
.jpg?$p=bc8bb0e&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..