രണ്ടാമത്തെ കുഞ്ഞിന് ജന്മം നല്‍കാന്‍ അമ്മമാര്‍ രണ്ടുവട്ടം ആലോചിക്കുന്നു; കാരണം കോവിഡ്


ന്യൂയോര്‍ക്ക് സിറ്റിയിലുള്ള 1179 അമ്മമാരാണ് പഠനത്തില്‍ പങ്കെടുത്തത്.

പ്രതീകാത്മക ചിത്രം | Photo: വിവേക് ആർ. നായർ മാതൃഭൂമി

രണ്ടാമത്തെ കുഞ്ഞിന് ജന്മം നല്‍കുന്നതിനെക്കുറിച്ച് അമ്മമാര്‍ രണ്ടുവട്ടം ആലോചിക്കുന്നതായി പഠനം. കോവിഡ് 19 ഉണ്ടാക്കിയ നിലവിലെ സാഹചര്യമാണ് കാരണം. കോവിഡ് വരുന്നതിന് തൊട്ട് മുമ്പ് രണ്ടാമത്തെ കുഞ്ഞിനായി തയ്യാറെടുപ്പുകള്‍ നടത്തിയിരുന്നു ഇവര്‍. മഹാമാരി പൊട്ടിപ്പുറപ്പെട്ടതിനുശേഷം ഇക്കാര്യമേ വേണ്ടെന്ന് വെച്ചിരിക്കുകയാണെന്ന് ജാമ നെറ്റ് വര്‍ക്ക് ഓപ്പണില്‍ പ്രസിദ്ധീകരിച്ച പഠനത്തില്‍ പറയുന്നു.

എന്‍.വൈ.യു. ഗ്രോസ്മാന്‍ സ്‌കൂള്‍ ഓഫ് മെഡിസിനിലെ ഗവേഷകരാണ് പഠനത്തിനു നേതൃത്വം നല്‍കിയത്. ന്യൂയോര്‍ക്ക് സിറ്റിയിലുള്ള 1179 അമ്മമാരാണ് പഠനത്തില്‍ പങ്കെടുത്തത്.

കോവിഡ് സൃഷ്ടിച്ച ആരോഗ്യ, സാമ്പത്തിക പ്രത്യാഘാതങ്ങള്‍ക്കപ്പുറം അതിന്റെ ദൂരവ്യാപകമായ പ്രത്യാഘാതങ്ങളുടെ മറ്റൊരു ഉദാഹരണമാണിതെന്ന് പഠനത്തിനു നേതൃത്വം നല്‍കിയ എപിഡമോളജിസ്റ്റ് ലിന്‍ഡ കാഹന്‍ പറഞ്ഞു. അമ്മമാരുടെ പ്രായം കൂടുന്നത് ഗര്‍ഭാവസ്ഥ കൂടുതല്‍ അപകടകരമാക്കും. ഒപ്പം ഗര്‍ഭിണിയാവാനുള്ള സാധ്യത കുറയ്ക്കുകയും ചെയ്യും. അതിനാല്‍, കോവിഡ് കാരണം ഗര്‍ഭിണിയാകാനുള്ള തയ്യാറെടുപ്പുകള്‍ നീട്ടി വെക്കുന്നത് അമ്മയ്ക്കും കുഞ്ഞിനും ഒരുപോലെ അപകടമാണ്-അവര്‍ കൂട്ടിച്ചേര്‍ത്തു.

മൂന്ന് വയസ്സിനും അതിനുതാഴെയോ പ്രായമുള്ള കുട്ടികളുള്ള അമ്മമാരാണ് പഠനത്തില്‍ പങ്കെടുത്തവരെല്ലാം. കോവിഡ് തുടങ്ങിയതിനുശേഷം യു.എസില്‍ ജനനനിരക്കില്‍ കുത്തനെ ഇടിവുണ്ടായതായി നേരത്തെ റിപ്പോര്‍ട്ടുകള്‍ പുറത്തുവന്നിരുന്നു. ആരോഗ്യവിദഗ്ധര്‍ കണക്കാക്കിയതിനേക്കാള്‍ 2020-ല്‍ മൂന്ന് ലക്ഷം കുറവ് ജനനങ്ങളാണ് രാജ്യത്ത് രേഖപ്പെടുത്തിയതെന്ന് അടുത്തിടെ പുറത്തുവന്ന കണക്കുകളില്‍ കണ്ടെത്തിയിരുന്നു.

കൂടുതല്‍ മാനസിക സമ്മര്‍ദം അനുഭവിക്കുന്നതും സാമ്പത്തിക സുരക്ഷിതത്വമില്ലാത്തവരും രണ്ടാമത് ഒരു കുഞ്ഞിനുകൂടി ജന്മം കൊടുക്കാനുള്ള തീരുമാനം മാറ്റിവെക്കുകയോ വേണ്ടെന്നു വെക്കുകയോ ചെയ്തതായി പഠനം കൂട്ടിച്ചേര്‍ത്തു.

Content highlights: mothers are thinking twice about having more children and its because of the covid 19pandemic

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

11:39

ആണോ പെണ്ണോ എന്ന് തിരിച്ചറിയാന്‍ കഴിയാത്ത മൃതദേഹം; കേരളത്തിന് പുറത്തെ ഓപ്പറേഷന്‍ | ദേവസ്യ സ്പീക്കിങ്

Aug 4, 2022


dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022


06:18

നിവേദ്യം കള്ള്, നേര്‍ച്ചയായി കിട്ടിയത് 101 കുപ്പി ഓള്‍ഡ് മങ്ക് റം; കേരളത്തിലെ ഏക ദുര്യോധന ക്ഷേത്രം

Mar 26, 2022

Most Commented