Photo: Gettyimages.in
സ്‌കോളിയോസിനെ ഭയന്നിരുന്നെങ്കില്‍ ഇന്ന് ഒളിന്പിക് മെഡല്‍ ജേതാവ് ഉസൈന്‍ ബോള്‍ട്ടിനെ ലോകം അറിയില്ലായിരുന്നു. ഇംഗ്ലണ്ടിലെ രാജകുമാരി യുജിനും ഈ രോഗാവസ്ഥയെ അതിജീവിച്ചു. നട്ടെല്ലിന് അസ്വാഭാവികമായി വശങ്ങളിലേക്കുണ്ടാകുന്ന ചരിവാണ് 'സ്‌കോളിയോസിസ്'. എല്ലാ പ്രായക്കാരിലും സ്‌കോളിയോസിസ് കാണാമെങ്കിലും കൗമാരക്കാരിലാണ് (10-18 വയസ്സ്) ഈ രോഗാവസ്ഥ കൂടുതല്‍. ഇതില്‍ത്തന്നെ പെണ്‍കുട്ടികളിലാണ് കൂടുതല്‍ സങ്കീര്‍ണമായ വളവുകള്‍ കണ്ടുവരുന്നത്.
എല്ലാവര്‍ഷവും ജൂണ്‍ സ്‌കോളിയോസിസ് ബോധവത്കരണ മാസമായി ആചരിക്കുന്നു. ലോകമെമ്പാടും രണ്ട്-മൂന്ന് ശതമാനം പേര്‍ ഈ രോഗാവസ്ഥകാരണം ബുദ്ധിമുട്ടുന്നു. ഇന്ത്യയില്‍ വര്‍ഷം ലക്ഷംപേര്‍ക്കാണ് സ്‌കോളിയോസിസ് ശസ്ത്രക്രിയ ആവശ്യമായി വരുന്നത്. രോഗകാരണം കണ്ടെത്തിയിട്ടില്ല. ചെറിയ വളവുകള്‍ക്ക് ഡോക്ടറുടെ നിര്‍ദേശപ്രകാരം നട്ടെല്ലിനുള്ള ബെല്‍റ്റുകള്‍ ഉപയോഗിക്കാം. നട്ടെല്ലിലെ വളവ് 40 ഡിഗ്രിയില്‍ കൂടുതലായാല്‍ ശസ്ത്രക്രിയ വേണ്ടിവരും
രോഗലക്ഷണങ്ങള്‍
- തോളെല്ല്, അരക്കെട്ട് എന്നിവയുടെ ഉയരത്തിലുണ്ടാകുന്ന വ്യത്യാസം
- നട്ടെല്ലില്‍ 10 ഡിഗ്രിയില്‍ കൂടുതല്‍ 'സി' ആകൃതിയിലോ 'എസ്' ആകൃതിയിലോ ഉള്ള വളവ്.
- ജന്മനാ ഉണ്ടാകുന്ന വൈകല്യം
- ഞരമ്പുകള്‍ക്കും പേശികള്‍ക്കുമുണ്ടാകുന്ന തകരാറ്
- നട്ടെല്ലിനുണ്ടാകുന്ന തേയ്മാനം (പ്രായമായവരില്‍)
- നടുവേദന
- നടക്കാനുള്ള ബുദ്ധിമുട്ട്
- ശ്വാസതടസ്സം
- ഹൃദയസംബന്ധമായ അസുഖം
- നാഡീ, പേശീ രോഗങ്ങള്‍
- വിഷാദ രോഗം
നട്ടെല്ലില്‍ വളവുണ്ടെന്നു തോന്നിയാല്‍ ഉടന്‍ ഡോക്ടറെ സമീപിക്കുക. അധികം സങ്കീര്‍ണമല്ലങ്കില്‍ ഫലപ്രദമായ ചികിത്സയിലൂടെ പൂര്‍ണമായും ചികിത്സിച്ച് ഭേദമാക്കാം. കുട്ടികളില്‍ ചികിത്സ വൈകിയാല്‍ അവരില്‍ അപകര്‍ഷ ബോധത്തിനും മറ്റ് ആരോഗ്യപ്രശ്‌നങ്ങള്‍ക്കും കാരണമാകും.
(കടപ്പാട്- ഡോ. വി. വിനോദ്, സ്പൈനല്‍ സര്‍ജറി മേധാവി, മെയ്ത്ര ഹോസ്പിറ്റല്‍, കോഴിക്കോട്)
Content Highlights: International scoliosis awareness day 2021
RELATED STORIES
.jpg?$p=4ae3f13&f=1x1&w=100&q=0.8)
.jpg?$p=6e2e2a0&f=1x1&w=100&q=0.8)
IN CASE YOU MISSED IT
.jpg?$p=2922c1a&f=1x1&w=100&q=0.8)
.jpg?$p=4ae3f13&q=0.8&f=16x11&w=104)
.jpg?$p=4019011&q=0.8&f=16x11&w=104)
.jpg?$p=07bca00&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..