നേരിയ പനിയോടെ തുടക്കം, ഒന്നോരണ്ടോ ദിവസത്തിനുള്ളിൽ ചർമത്തിൽ ചെറിയ കുമിളകൾ;ഹാൻഡ്-ഫൂട്ട്-മൗത്ത് ഡിസീസ്


ഡോ. ടി.വി. ഗോപാലകൃഷ്ണൻ

സാധാരണയായി 10 വയസ്സിന് താഴെയുള്ള കുട്ടികളിലാണ് ഈ രോഗം കാണുന്നത്.

Representative Image | Photo: Gettyimages.in

പൊതുവേ കുട്ടികളിൽ കാണുന്ന രോഗാവസ്ഥയാണ് ഹാൻഡ്-ഫൂട്ട്-മൗത്ത് ഡിസീസ് (എച്ച്.എഫ്.എം.ഡി.). അടുത്തകാലത്തായി തക്കാളിപ്പനി എന്നപേരിലും ഈ അസുഖം അറിയപ്പെടുന്നുണ്ട്. കുമിളകൾക്ക് ചുവപ്പ് നിറമായതുകൊണ്ടാകാം ഈ പേര് വന്നത്. രോഗിയുടെ സ്രവങ്ങൾ, അവർ സ്പർശിച്ച വസ്തുക്കൾ എന്നിവയിലൂടെയെല്ലാം രോഗം പകരാം.

1957-ൽ ന്യൂസീലൻഡിലാണ് ഈ രോഗത്തെ ആദ്യം കണ്ടെത്തിയത്. എന്ററോ വൈറസ് വിഭാഗത്തിൽപെട്ട കോക്‌സാകി വൈറസ് എ-16 (coxsackievirus A16), എന്ററോവൈറസ് 71 എന്നീ വൈറസുകളാണ്‌ ഈ രോഗത്തിന് കാരണം. ഇതിൽ കോക്‌സാകി വൈറസ് എ-16 താരതമ്യേന ആക്രമണസ്വഭാവം കുറഞ്ഞതാണ്. എന്നാൽ എന്ററോവൈറസ് 71 കുറച്ചുകൂടി ഗൗരവമുള്ളതാണ്.

ലക്ഷണങ്ങൾ

സാധാരണയായി 10 വയസ്സിന് താഴെയുള്ള കുട്ടികളിലാണ് ഈ രോഗം കാണുന്നത്. എന്നാൽ മുതിർന്നവരിലും കാണാറുണ്ട്. നേരിയ പനിയോടെയാവും തുടക്കം. ഒന്നോരണ്ടോ ദിവസത്തിനുള്ളിൽ ചർമത്തിൽ ചെറിയ കുമിളകൾ പൊങ്ങിവരും. കൈകാലുകളുടെ അഗ്രഭാഗങ്ങൾ, വായ്ക്കുള്ളിലും പുറത്തും, കാൽമുട്ടുകൾ, പൃഷ്ഠഭാഗങ്ങൾ എന്നിവിടങ്ങളിലാണ് കുമിളകൾ
കാണാറ്.

ചിക്കൻപോക്‌സിലെ കുമിളകളിൽനിന്ന് ഇവ വ്യത്യസ്തമാണ്. ചിക്കൻപോക്‌സിൽ തെളിഞ്ഞ നിറത്തിലുള്ള കുമിളകളാണ് എങ്കിൽ ഇതിൽ കലങ്ങിയപോലുള്ള നിറത്തിലാണ് കാണുന്നത്. കൂടാതെ കുമിളകൾക്കുചുറ്റും നേരിയ ചുവപ്പുനിറവും കാണാം. എന്നാൽ ചർമത്തിന്റെ നിറവ്യത്യാസത്തിനനുസരിച്ച് ഇത് പ്രകടമാകുന്നതിൽ വ്യത്യാസം വരാം.

സാധാരണ രീതിയിൽ 7-10 ദിവസംകൊണ്ട് രോഗം ഭേദമാകാറുണ്ട്. സങ്കീർണതകൾ ഉണ്ടാകാതെ ശ്രദ്ധിക്കുകയാണ് പ്രധാനം. രോഗം പ്രതിരോധിക്കുന്നതിൽ വ്യക്തിശുചിത്വം പ്രധാനമാണ്. രോഗം പൂർണമായും ഭേദമായതിനുശേഷമേ കുട്ടികളെ മറ്റ് കുട്ടികളുമായി ഇടപെടാൻ അനുവദിക്കാവൂ.

തിരുവനന്തപുരം ഗവ. മെഡിക്കൽ കോളേജ് ചർമരോഗ വിഭാഗം മുൻ പ്രൊഫസറും മേധാവിയുമാണ് ലേഖകൻ

Content Highlights: hand foot mouth disease in children, hand foot mouth disease symptoms

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Modi, Shah

9 min

മോദി 2024-ൽ വീണ്ടും ബി.ജെ.പിയെ നയിക്കുമ്പോൾ | വഴിപോക്കൻ

Aug 6, 2022


08:52

ഒറ്റ രാത്രിയില്‍ രജീഷിന് നഷ്ടം 40 ലക്ഷം; ഒലിച്ചുപോയത് നാലേക്കര്‍ പൈനാപ്പിള്‍ തോട്ടം

Aug 5, 2022


04:08

എന്താണ് ലോൺ ബോൾസ്? കോമണ്‍വെല്‍ത്ത് ഗെയിംസില്‍ ഇന്ത്യ സ്വര്‍ണമണിഞ്ഞ ലോണ്‍ ബോള്‍സിനെ കുറിച്ച് അറിയാം..

Aug 6, 2022

Most Commented