തീവണ്ടികളില്‍ ഇനി കൈ തൊടാതെ കൈകഴുകാം, വാതില്‍ തുറക്കാം


രതീഷ് രവി

കോവിഡിനെ തോല്‍പ്പിക്കാന്‍ പുതിയ റെയില്‍വേ കോച്ചുകള്‍

-

റെയില്‍വേ കോച്ചുകളില്‍ ഇനി കൈ തൊടാതെ കൈകഴുകാം. കാലുകൊണ്ട് തുറക്കാവുന്ന ടാപ്പുകള്‍ വരും. കാലുകൊണ്ടുതന്നെ ശൗചാലയത്തിന്റെ വാതില്‍ തുറക്കാനും സംവിധാനമുണ്ടാകും. ഫ്‌ളഷ് ചെയ്യാനും കൈ തൊടേണ്ട, കാല്‍ മതി. കോവിഡ്-19 നമ്മുടെ റെയില്‍വേ കോച്ചുകള്‍ക്ക് പുതുമോടി പകരുകയാണ്. റെയില്‍വേയുടെ കപുര്‍ത്തല കോച്ച് നിര്‍മാണ ഫാക്ടറിയാണ് പുതിയ കോച്ചുകള്‍ രൂപകല്‍പ്പന ചെയ്തത്.

കരസ്പര്‍ശം ഒഴിവാക്കാനും കൈ തൊടേണ്ടിവരുന്ന ഭാഗങ്ങള്‍ പരമാവധി സുരക്ഷിതമാക്കാനുമുള്ള സംവിധാനമാണ് പുതിയ കോച്ചുകളുടെ പ്രധാന പ്രത്യേകത. കമ്പാര്‍ട്ട്‌മെന്റുകളുടെ വാതിലുകള്‍ കൈമുട്ടുകള്‍ ഉപയോഗിച്ച് തുറക്കാവുന്ന തരത്തില്‍ ക്രമീകരിക്കും. കാല്‍ അമര്‍ത്തിയാല്‍ വാഷ് ബേസിനിലെ ടാപ്പ് തുറക്കാനും ഹാന്‍ഡ് വാഷ് ശേഖരിക്കാനും കഴിയും.

ചെമ്പ് പൂശിയ കൈപ്പിടികളാവും ഇനി നിര്‍മിക്കുക. ചെമ്പ് പ്രതലത്തില്‍ വൈറസിന് ആയുസ്സ് കുറവായിരിക്കുമെന്ന നിഗമനത്തിലാണ് ഇങ്ങനെ ചെയ്യന്നത്. വാതില്‍പ്പിടികളിലും കൊളുത്തുകളിലും ചെന്പ് പൂശും. എ.സി. കോച്ചുകളില്‍ പ്ലാസ്മ വായുശുദ്ധീകരണ സംവിധാനം സ്ഥാപിക്കും. എ.സി. ഡക്ട് വാല്‍വുകളിലാണ് ഇത് സ്ഥാപിക്കുന്നത്.

തീവണ്ടിക്കുള്ളില്‍ എപ്പോഴും കൈ തൊടുന്ന ഭാഗങ്ങളിലെല്ലാം ടൈറ്റാനിയം ഡൈ ഓക്‌സൈഡ് പൂശും. ബാക്ടീരിയ, വൈറസ്, ഫംഗസ് എന്നിവയെ നശിപ്പിക്കാന്‍ ഇത് സഹായകമാകുമെന്നാണ് നിഗമനം. സീറ്റ്, ബര്‍ത്ത്, ലഘുഭക്ഷണ ടേബിള്‍, ചില്ലുജനാല, വാതില്‍ എന്നിവിടങ്ങളിലാണ് ടൈറ്റാനിയം ഡൈ ഓക്‌സൈഡ് പൂശുന്നത്. 12 മാസം ഇത് ഫലപ്രദമായി നിലനില്‍ക്കുമെന്നാണ് പറയുന്നത്.

Content Highlights: Covid19, Corona Virus outbreak, New Hand washing system in trains Indian Railway, Health


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Joe Biden

01:00

ബൈഡന് എന്തുപറ്റി ? വൈറലായി വീഡിയോകൾ

Oct 1, 2022


KODIYERI VS

1 min

'അച്ഛന്റെ കണ്ണുകളില്‍ ഒരു നനവ് വ്യക്തമായി കാണാനായി; അനുശോചനം അറിയിക്കണം എന്നു മാത്രം പറഞ്ഞു'

Oct 1, 2022


cm pinarayi vijayan kodiyeri balakrishnan

5 min

'ഒരുമിച്ച് നടന്ന യഥാര്‍ത്ഥ സഹോദരര്‍ തന്നെയാണ് ഞങ്ങള്‍,സംഭവിക്കരുത് എന്ന് തീവ്രമായി ആഗ്രഹിച്ചു,പക്ഷേ'

Oct 1, 2022

Most Commented