റിയാദ്: റിയാദ് ടാക്കിസ് വിന്നേഴ്‌സ് ട്രോഫിക്കും റണ്ണേഴ്സ് ട്രോഫിക്കും, ആര്‍സിസി വിന്നേഴ്‌സ് പ്രൈസ് മണിക്കും, എംഎസ് സ്‌പോര്‍ട്‌സ് റണ്ണേഴ്സ് പ്രൈസ് മണിക്കും വേണ്ടി റോയല്‍ ക്രിക്കറ്റ് ക്ലബ്ബ് സംഘടിപ്പിച്ച ചാമ്പ്യന്‍സ് ട്രോഫി സീസണ്‍ ഒന്നില്‍ സ്പാര്‍കന്‍സ് ക്രിക്കറ്റ് ക്ലബ് ജേതാക്കളായി.
ഫൈനല്‍ മത്സരത്തില്‍ ശക്തരായ ഹാട്രിക് ക്രിക്കറ്റ് ക്ലബ്ബിനെയാണ് പരാജയപ്പെടുത്തിയത്. വാശിയേറിയ മത്സരത്തില്‍ നിശ്ചിത പത്ത് ഓവറില്‍ സ്പാര്‍ക്കന്‍സ് 99 /7 റണ്‍സ് എടുത്തപ്പോള്‍ മറുപടി ബാറ്റിങ്ങിനിറങ്ങിയ ഹാട്രിക്ക് ക്രിക്കറ്റ് ക്ലബിന് , സ്പാര്‍ക്കന്‍സിന്റെ മികച്ച ബൗളിംഗിന് മുന്നില്‍ 82 /9 റണ്‍സ് എടുക്കാനേ സാധിച്ചുള്ളൂ
ഫൈനല്‍ മത്സരത്തിലെ മികച്ച കളിക്കാരനായി സ്പാര്‍കന്‍സിന്റെ പ്രണവിനെ തിരഞ്ഞെടുത്തു. ടൂര്‍ണമെന്റിലെ മികച്ച കളിക്കാരനായി ഹിഷാം ഹാട്രിക് ക്രിക്കറ്റ് ക്ലബ്ബ്, മികച്ച ബാറ്റ്‌സ്മാനായി റിയാസ് ഹാട്രിക് ക്രിക്കറ്റ് ക്ലബ്ബ്, മികച്ച ബൗളറായി ഹിഷാം ഹാട്രിക് ക്രിക്കറ്റ് ക്ലബ്ബ് എന്നിവരെ തിരഞ്ഞെടുത്തു.
ജേതാക്കള്‍ക്കുള്ള ട്രോഫികള്‍ നവാസ് ഒപ്പീസ് റിയാദ് ടാക്കിസ് പ്രസിഡന്റ്, ഷൈജു പച്ച റിയാദ് ടാക്കീസ്, നാസര്‍ ചേലേമ്പ്ര ആര്‍സിസി മാനേജര്‍, ജബ്ബാര്‍ പൂവാര്‍ റിയാദ് ടാക്കീസ്, കുനാള്‍ സിംഗ്, സാജന്‍ കൃഷ്ണന്‍കുട്ടി തുടങ്ങിയവര്‍ നിര്‍വഹിച്ചു.
ഡിസംബര്‍ 4 മുതല്‍ ശിഫ ഫവാസ് ക്രിക്കറ്റ് ഗ്രൗണ്ടില്‍ ആരംഭിച്ച ടൂര്‍ണമെന്റില്‍ റിയാദിലെ മികച്ച 16 ടീമുകളാണ് മാറ്റുരച്ചത്. നാസര്‍ ചേലേബ്ര, ഷിയാസ് ഹസ്സന്‍, അനൂപ്, വരുണ്‍, വിഘ്നേഷ്, അഫ്ഹാസ്, ഷാനവാസ്, ഷഫീക് പാറയില്‍, ഷബീര്‍, ഷിനാസ്, ഉദയ് അഷ്റഫ്, നൗഷാദ്, ഷമീല്‍, ജാബിര്‍, ഷഹിന്‍, ജിതേഷ്, ബിന്‍സ്, ഹുസൈന്‍, മുബാറക്, ബാസില്‍, മുനീര്‍ തുടങ്ങിയവര്‍ മത്സരങ്ങള്‍ക്ക് നേതൃത്വം നല്‍കി.
