അല്‍കോബാര്‍: അല്‍കോബാര്‍ കെഎംസിസി കേന്ദ്ര കമ്മിറ്റി സംഘടിപ്പിക്കുന്ന സിഎച്ച് മുഹമ്മദ് കോയ അനുസ്മരണ സംഗമം ഒക്ടോബര്‍ ഒന്നിന് രാത്രി എട്ടരക്ക് അല്‍കോബാറില്‍ നടക്കും. കേരളത്തിന്റെ മുന്‍ മുഖ്യമന്ത്രിയും പത്രാധിപരുമായിരുന്ന സിഎച്ച് മുഹമ്മദ് കോയയുടെ നാമധേയത്തില്‍ കോവിഡ് കാലത്തെ സൗദി അറേബ്യയിലെ സമഗ്ര മാധ്യമ റിപ്പോര്‍ട്ടിങ്ങിനു ഏര്‍പ്പെടുത്തിയ മാധ്യമ പുരസ്‌കാരം ചടങ്ങില്‍ സമ്മാനിക്കും.
അല്‍കോബാറില്‍ കോവിഡ് നിയന്ത്രണങ്ങള്‍ ആരംഭിച്ച മാര്‍ച്ച് മുതല്‍ ഓഗസ്റ്റ് വരെ അല്‍കോബാര്‍ കെ.എംസി.സി നടത്തിയ ജീവകാരുണ്യ സന്നദ്ധ പ്രവര്‍ത്തനങ്ങളുമായി സഹകരിച്ച സ്ഥാപനങ്ങളെയും ചടങ്ങില്‍ ആദരിക്കും. കിഴക്കന്‍ പ്രവിശ്യയിലെ മത സാമൂഹ്യ രംഗത്തെ പ്രമുഖര്‍ ചടങ്ങില്‍ സംബന്ധിക്കുമെന്ന് സെന്‍ട്രല്‍ കമ്മിറ്റി ഭാരവാഹികളായ സിദ്ധീഖ് പണ്ടികശാല, സിറാജ് ആലുവ, നജീബ് ചീക്കിലോട് എന്നിവര്‍ വാര്‍ത്താക്കുറിപ്പില്‍ അറിയിച്ചു
