കുവൈറ്റ് സിറ്റി: ഓവര്‍സീസ് എന്‍സിപി കുവൈറ്റ് കമ്മിറ്റി, സംഘടനയുടെ സാമൂഹിക സേവനദിനാചരണത്തിന്റെ ഭാഗമായി പുതുവത്സര ദിനത്തോടനുബന്ധിച്ച് ഭക്ഷണവും പുതുവത്സര സമ്മാനവും ഉള്‍പ്പടെയുള്ള കിറ്റുകള്‍ വിതരണം ചെയ്തു. കോവിഡ് മുന്‍കരുതലുകള്‍ പാലിച്ചുകൊണ്ട് ഇന്ത്യ, പാകിസ്താന്‍, ഈജിപ്ത് സ്വദേശികളായ സാധാരണക്കാരായ തൊഴിലാളികള്‍ക്കാണ് കിറ്റുകള്‍ വിതരണം ചെയ്തത്.
ഒഎന്‍സിപി ദേശീയ കമ്മിറ്റി പ്രസിഡന്റ് ബാബു ഫ്രാന്‍സീസ് ഉദ്ഘാടനം നിര്‍വ്വഹിച്ചു. ദേശീയ ജനറല്‍ സെക്രട്ടറി ജിവ്‌സ് എരിഞ്ചേരി സ്വാഗതം പറഞ്ഞു. ബിജു സ്റ്റീഫന്‍, സണ്ണി മിറാന്‍ഡ, ജോഫി മുട്ടത്ത്, മാത്യു ജോണ്‍, രവി മണ്ണായത്ത് എന്നിവര്‍ നേതൃത്വം നല്‍കി. പരിപാടിയുടെ മാധ്യമ പ്രായോജകരായ കളേഴ്‌സ് പ്രിന്റിംഗ് പ്രസ്സിനും, പരിപാടി വിജയിപ്പിക്കാന്‍ സഹായിച്ച എല്ലാവര്‍ക്കും ട്രഷറര്‍ രവീന്ദ്രന്‍ നന്ദി പറഞ്ഞു.
