കുവൈത്ത് സിറ്റി: സെന്റ് തോമസ് ഇവാന്‍ജലിക്കല്‍ ചര്‍ച്ച് ഓഫ് ഇന്ത്യ കുവൈത്ത് ഇടവകയുടെ ആഭിമുഖ്യത്തില്‍ ഡിസംബര്‍ 3, 4 (വ്യാഴം, വെള്ളി) ദിവസങ്ങളില്‍ വൈകീട്ട് 6.30 മുതല്‍ 8.30 വരെ ഓണ്‍ലൈനിലൂടെ സംഘടിപ്പിച്ച ധ്യാനയോഗത്തില്‍ വികാരി റവ.ജോണ്‍ മാത്യു അധ്യക്ഷ്യത വഹിച്ചു. ധ്യാനയോഗത്തിന്റെ ആദ്യ ദിനത്തില്‍ കെ.എസ്.ജെയിംസ് മനുഷ്യജീവിതത്തില്‍ ആഞ്ഞടിക്കുന്ന കൊടുങ്കാറ്റുകളിലൂടെ ദൈവം നമ്മെ എന്ത് പഠിപ്പിക്കാന്‍ ആഗ്രഹിക്കുന്നു എന്ന് യോനയുടെ ജീവിതത്തെ അടിസ്ഥനമാക്കി സംസാരിച്ചു.
സമാപന ദിവസത്തെ ധ്യാനയോഗത്തില്‍ ബിഷപ്പ്.റൈറ്റ്.റവ.ഡോ.സി.വി.മാത്യു തിരുമേനിയുടെ ധ്യാനപ്രസംഗത്തില്‍ നശിച്ച് പോകുന്ന ആത്മാക്കളെ കുറിച്ചുള്ള പൗലോസ് അപ്പോസ്‌തോലന്റെ ആത്മ ഭാരത്തെ പറ്റി വിശദീകരിക്കുകയും ക്രിസ്തിയ സഭയിലെ ഓരോ അംഗങ്ങളും തങ്ങള്‍ ഉള്‍പ്പെട്ട ഭവനത്തിലും സഭയിലും ആഗോള ക്രിസ്തിയ സമൂഹത്തിലും നഷ്ടപെട്ടുകൊണ്ടിരിക്കുന്ന ആത്മാക്കളെ പറ്റി ആത്മാര്‍ത്ഥമായി ദുഃഖിക്കണമെന്നും അവരുടെ രക്ഷക്കായി ത്യാഗപൂര്‍വമായി പ്രാര്‍ത്ഥിക്കണമെന്നും ഉത്ബോധിപ്പിച്ചു. എ.ജി ചെറിയാന്‍, ബോണി.കെ.എബ്രഹാം, ബിജു സാമുവേല്‍, റെജു ഡാനിയേല്‍ ജോണ്‍ എന്നിവര്‍ പ്രസംഗിച്ചു.
