കുവൈത്ത് സിറ്റി: കുവൈത്ത് മലയാളികള്‍ ഗ്രൂപ്പ് മൂന്നാമത് ആരോഗ്യ വെബിനാര്‍ 'കോവിഡും ഹൃദ്രോഗങ്ങളും' എന്ന വിഷയത്തെ ആസ്പദമാക്കി സംഘടിപ്പിച്ചു. കുവൈത്ത് മലയാളികള്‍ ഗ്രൂപ്പ് പ്രസിഡന്റ് ജോര്‍ജ് ചെറിയാന്റെ ആമുഖ പ്രഭാഷണത്തെതുടര്‍ന്ന് പ്രമുഖ ഹൃദ്രോഗ വിദഗ്ദനായ അമീരി ആശുപത്രിയിലെ ഡോ.രാജേഷ് രാജന്‍ വിഷയാധിഷ്ഠിത പ്രഭാഷണം നിര്‍വഹിച്ചു. ബോര്‍ഡ് ഓഫ് ക്ലിനിക്കല്‍ കാര്‍ഡിയോളജിസ്റ്റ്‌സ് ചെയര്‍മാനും, അസോസിയേഷന്‍ ഓഫ് എം.ഡി.ഫിസിഷ്യന്‍സ് പ്രസിഡന്റും, വിവിധ വിഷയങ്ങളില്‍ ബിരുദാനന്തര, ബിരുദദാരിയുമായ ഡോ.രാജേഷ് രാജന്‍ ഹൃദയാരോഗ്യവുമായി ബന്ധപ്പെട്ട വിവിധ ആശയങ്ങള്‍ തന്റെ പ്രസംഗത്തില്‍ പങ്കുവെച്ചു. ഹൃദ്രോഗികള്‍ക്ക് കോവിഡ് പിടിപെടാനുള്ള സാധ്യതകളും, കോവിഡ് രോഗികള്‍ ശ്രദ്ധിക്കേണ്ട ഹൃദയ സംബന്ധമായ അറിവുകളും അദ്ദേഹം വിവരിച്ചു. നേരത്തെ ലഭിച്ചതും, തത്സമയം ഉന്നയിച്ചതുമായ മുപ്പതിലധികം ചോദ്യങ്ങള്‍ക്ക് ഡോ.രാജേഷ് രാജന്‍ ഉത്തരം നല്‍കി. ഹരിപ്രസാദ് മഠത്തില്‍ സ്വാഗതവും, ഷൗക്കത്ത് മേനാട്ടില്‍ കൃതജ്ഞതയും പ്രകാശിപ്പിച്ചു. റോഷന്‍ തോമസ് മുഖ്യാതിഥിയായിരുന്നു. ബിജു, മുഹമ്മദ് റെയ്സ്, ജെയിംസ് രാജന്‍, സുബി എന്നിവര്‍ സഹ ഹോസ്റ്റായി നേതൃത്വം നല്‍കി. ജനറല്‍ പ്രോഗ്രാം കണ്‍വീനര്‍ ഷമീര്‍ റഹീം റാവുത്തര്‍, വൈസ് പ്രസിഡന്റ് അരുണ്‍ ശിവന്‍കുട്ടി, ജനറല്‍ സെക്രട്ടറി ജേക്കബ് റോയി, ജോയിന്റ് സെക്രട്ടറി ജിജോ കെ. ജോസ് ഉള്‍പ്പെടെയുള്ള കുവൈറ്റ് മലയാളികള്‍ ഗ്രൂപ്പ് ഗവെര്‍ണിങ് ബോര്‍ഡ് അംഗങ്ങള്‍, മറ്റ് അഡ്മിന്മാര്‍ തുടങ്ങിയവര്‍ ക്രമീകരണങ്ങള്‍ക്ക് ചുക്കാന്‍ പിടിച്ചു. 100 ല്‍ പരം യൂണിറ്റുകള്‍ വ്യക്തികളായും, കുടുംബങ്ങളായും, ചെറിയ കൂട്ടങ്ങളായും വെബിനാറില്‍ സംബന്ധിച്ചു. ഇത്തരം കാലാനുസൃതമായ വെബിനാറുകള്‍ എല്ലാ മാസവും സംഘടിപ്പിക്കുമെന്ന് കുവൈത്ത് മലയാളികള്‍ ഗ്രൂപ്പ് പ്രസിഡന്റ് ജോര്‍ജ് ചെറിയാനും, ജനറല്‍ സെക്രട്ടറി ജേക്കബ് റോയിയും അറിയിച്ചു.
More from this section
© Copyright Mathrubhumi 2021. All rights reserved.