കുവൈത്ത് സിറ്റി: കുവൈത്തില്‍ വെള്ളിയാഴ്ച്ച 329 പേര്‍ക്ക് കോവിഡ് സ്ഥിരീകരിക്കുകയും രണ്ടു പേര്‍ മരിക്കുകയും ചെയ്തു. ഇതോടെ രാജ്യത്ത് കോവിഡ് ബാധിതരുടെ എണ്ണം 1,41,876 ആയി. 553 പേരാണ് ഇന്ന് രോഗമുക്തരായത്. ഇതോടെ രാജ്യത്തെ കോവിഡ് മുക്തരുടെ എണ്ണം 1, 35,303 ആയി. ഇന്ന് രണ്ടു പേര്‍ കൂടി മരിച്ചതോടെ ആകെ കോവിഡ് മരണം 874 ആയി.
നിലവില്‍ 5,699 പേരാണ് ചികിത്സയില്‍ തുടരുന്നത്. ഇവരില്‍ 81 പേര്‍ അതീവ ഗുരുതരാവസ്ഥയില്‍ തുടരുന്നതായും ആരോഗ്യ മന്ത്രാലയം അണ്ടര്‍ സെക്രട്ടറി ഡോ. അബ്ദുള്ള അല്‍ സനാദ് വാര്‍ത്താ ലേഖകരെ അറിയിച്ചു. 6,776 പേരെയാണ് ഇന്ന് രോഗ പരിശോധനക്ക് വിധേയരാക്കിയത്. ഇതോടെ രാജ്യത്ത് ആകെ കോവിഡ് പരിശോധനയ്ക്ക് വിധേയരാക്കിയവരുടെ എണ്ണം 1,082,427 ആയി.
Content Highlights: Kuwait reports 329 new COVID-19 cases
