മനാമ: 'നവ് ഭാരത്' ബഹ്റൈന്റെ 2021-2022 ഭരണ സമിതിയിലേക്ക് പുതിയതായി തിരഞ്ഞെടുത്ത കേന്ദ്ര കമ്മിറ്റി ഭാരവാഹികള്‍ ചുമതലയേറ്റു. പ്രദീപ് ലക്ഷ്മിപതി (കര്‍ണാടക) പ്രസിഡന്റായും, പ്രദീപ് കുമാര്‍ (ആന്ധ്ര പ്രദേശ്) ജനറല്‍ സെക്രട്ടറി ആയും തിരഞ്ഞെടുക്കപ്പെട്ടു.
വെങ്കിട്ട് റെഡ്ഡി പാല്‍നാട്ടി (തെലങ്കാനാ) വൈസ് പ്രസിഡന്റ്, കാര്‍ത്തികേയന്‍ പെരുമാള്‍രാജ് (തമിഴ്‌നാട്) അസിസ്റ്റന്റ് സെക്രട്ടറി, ചന്ദ്രബാബു (കേരളം) സ്‌പോര്‍ട്‌സ് സെക്രട്ടറി, ശ്രീമതി. പൂര്‍ണിമ ജഗദീഷ് (കര്‍ണാടക) മീഡിയ സെക്രട്ടറി, ജയന്‍ തിക്കോട്ടി (കേരളം) കള്‍ച്ചറല്‍ സെക്രട്ടറി, നിരഞ്ജന്‍ കുമാര്‍ (രാജസ്ഥാന്‍) സ്‌പോക്ക്മാന്‍, രാജീവ് ഗോവിന്ദകൃഷ്ണന്‍ നായര്‍ (കേരളം) മെമ്പര്‍ഷിപ്പ് സെക്രട്ടറി,പവിത്രന്‍ അപ്പുകുട്ടന്‍ (കേരളം) ട്രഷറര്‍, ശ്രേയസ്. എം. പി (കേരളം) അസിസ്റ്റന്റ് ട്രഷറര്‍ എന്നിവരാണ് പുതിയ ഭാരവാഹികള്‍. ജനുവരി 2021 മുതല്‍ ഡിസംബര്‍ 2022 വരെയാണ് പുതിയ കമ്മിറ്റിയുടെ കാലാവധി.
ബഹറിന്റെയും ഇന്ത്യയുടെയും മഹത്തായ സാംസ്‌കാരിക മൂല്യങ്ങള്‍ ഉയര്‍ത്തിപ്പിടിച്ചുകൊണ്ട് പ്രവാസ ലോകത്ത് കഷ്ടത അനുഭവിക്കുന്ന സാധാരണക്കാരുടെ ഉന്നമനത്തിനായി നവ് ഭാരത് ബഹ്റൈന്‍ നില കൊള്ളുമെന്നു പുതിയതായി ചുമതലയേറ്റ ഭാരവാഹികള്‍ അറിയിച്ചു..
