മനാമ: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് കേരളത്തിനകത്തും പുറത്തും ബഹ്‌റൈന്‍ അടക്കമുള്ള ഗള്‍ഫ് രാഷ്ട്രങ്ങളിലും നടത്തിയ മദ്‌റസ പൊതു പരീക്ഷയില്‍ ബഹ്‌റൈനിലെ സമസ്ത മദ്‌റസകള്‍ ഉജ്ജ്വല വിജയം നേടി. അഞ്ച്, ഏഴ്, പത്ത്, പ്ലസ് ടു ക്ലാസുകളിലെ മദ്‌റസാ വിദ്യാര്‍ത്ഥികള്‍ക്കാണ് പൊതു പരീക്ഷ നടന്നത്. ബഹ്‌റൈന്‍ അടക്കമുള്ള ഗള്‍ഫ് നാടുകളില്‍ ഏപ്രില്‍ രണ്ട്, മൂന്ന് തിയ്യതികളില്‍ ഓണ്‍ലൈനായിട്ടാണ് പരീക്ഷ നടന്നത്. ബഹ്‌റൈനില്‍ നിന്ന് മനാമ, റഫ, ജിദാലി, ഹൂറ, ഗുദൈബിയ്യ, ഉമ്മുല്‍ ഹസം, ഹമദ് ടൗണ്‍, മുഹറഖ്, ഹിദ്ദ്, ബുദയ്യ എന്നീ പത്ത് മദ്‌റസകളില്‍ നിന്നായി 162 വിദ്യാര്‍ത്ഥികളാണ് പരീക്ഷയെഴുതിയത്. 

ഏറ്റവും കൂടുതല്‍ മാര്‍ക്ക് നേടിയ വിജയികളുടെ പേരുവിവരങ്ങള്‍, സ്ഥാനം, പേര് എന്ന ക്രമത്തില്‍ താഴെ:  

പ്ലസ് ടു: ഒന്നാം സ്ഥാനം : ഫാത്തിമ സഹ്ല (മനാമ മദ്‌റസ), രണ്ടാം സ്ഥാനം : ഫാത്തിമ ഫിദ (മനാമ മദ്‌റസ), മൂന്നാം സ്ഥാനം : ഷിഫ് ല ഫിനു (മനാമ മദ്‌റസ)
പത്താം ക്ലാസ്: ഒന്നാം സ്ഥാനം : നൂറ എം.വി. (റിഫ മദ്‌റസ), രണ്ടാം സ്ഥാനം : ഫിദ മറിയം (റിഫ മദ്‌റസ), മൂന്നാം സ്ഥാനം : ഇര്‍ഫാന. കെ (റിഫ മദ്‌റസ)
ഏഴാം ക്ലാസ്: ഒന്നാം സ്ഥാനം : ആലിയ മറിയം (മനാമ മദ്‌റസ), രണ്ടാം സ്ഥാനം : സന അശ്‌റഫ് (ജിദാലി മദ്‌റസ), മൂന്നാം സ്ഥാനം : മുഹമ്മദ് യാസീന്‍ (മനാമ മദ്‌റസ).
അഞ്ചാം ക്ലാസ് : ഒന്നാം സ്ഥാനം: ഹിശാം ലത്തീഫ് (മനാമ മദ്‌റസ), രണ്ടാം സഥാനം:  മുഹമ്മദ് റിഫാന്‍ (ഹൂറ മദ്റസ), മൂന്നാം സ്ഥാനം: നിസ് വ നൂറുദ്ധീന്‍ (മനാമ മദ്‌റസ).

സേ പരീക്ഷ, പുനര്‍ മൂല്യനിര്‍ണയം എന്നിവയ്ക്കുള്ള നിശ്ചിത അപേക്ഷാ ഫോറവും വിശദാംശങ്ങളും വെബ് സൈറ്റില്‍ പ്രസിദ്ധീകരിച്ചിട്ടുണ്ട്. വിജയികളെയും മദ്‌റസകളെയും അഭിനന്ദിക്കുന്നതായി റെയ്ഞ്ച് ഭാരവാഹികളും സമസ്ത ബഹ്‌റൈന്‍ കേന്ദ്ര-ഏരിയാ നേതാക്കളും അറിയിച്ചു.