മനാമ: ഓള്‍ ഇന്ത്യാ മെഡിക്കല്‍ എന്‍ട്രന്‍സ് പരീക്ഷയില്‍ 12ാം റാങ്കും കേരളത്തില്‍ ഒന്നാം റാങ്കും ഓള്‍ ഇന്ത്യാ ഓ ബി സി വിഭാഗത്തില്‍ രണ്ടാം റാങ്കും നേടിയ ആയിഷയെ ബഹ്റൈന് കെഎംസിസി കോഴിക്കോട് ജില്ലാ കമ്മിറ്റി, ജേതാവിന്റെ വീട്ടിലെത്തി ആദരിച്ചു.
ഓള്‍ ഇന്ത്യാ മെഡിക്കല്‍ എന്‍ട്രന്‍സ് പരീക്ഷയുടെ ചരിത്രത്തില്‍ ഒരു കേരള വിദ്യാര്‍ത്ഥി നേടുന്ന ഏറ്റവും ഉയര്‍ന്ന മാര്‍ക്കോടെയാണ് ആയിഷ ഈ നേട്ടം കരസ്ഥമാക്കിയത്. കെഎംസിസി യുടെ എല്ലാ ആദരവും ആയിഷക്ക് നല്‍കുന്നതായി ജേതാവിന് മെമെന്റോ നല്‍കി കൊണ്ട് ബഹ്റൈന് കെഎംസിസി കോഴിക്കോട് ജില്ലാ പ്രസിഡന്റ് ഫൈസല്‍ കോട്ടപ്പള്ളി പറഞ്ഞു.
ചടങ്ങില്‍ ജില്ലാ വൈസ് പ്രസിഡന്റ് വി പി ഇബ്രാഹിം കുട്ടി, മണ്ഡലം മുസ്ലിം ലീഗ് ജനറല്‍ സെക്രട്ടറി അലി കൊയിലാണ്ടി, യൂസഫ് കൊയിലാണ്ടി, ടിപി മുഹമ്മദലി. ബഹ്റൈന് കെഎംസിസി കൊയിലാണ്ടി മണ്ഡലം പ്രസിഡന്റ് അഷ്റഫ് കാട്ടില്‍ പീടിക ,വൈസ് പ്രസിഡന്റ് ആരണ്യ അബൂബക്കര്‍ ഹാജി, സെക്രട്ടറി ഒ കെ ഫസ്ലു, കുറ്റ്യാടി മണ്ഡലം സെക്രട്ടറി കാസിം കോട്ടപ്പള്ളി ,ഒ കെ സലിം, ടി കെ നാസര്‍, അബ്ദുല്‍ റസാഖ് ,സിദ്ധീഖ് കൂട്ടുമുഖം എന്നിവര്‍ പങ്കെടുത്തു.
