മക്കള്‍ തങ്ങളെക്കാള്‍ ഒരുപാട് ഉയരത്തിലെത്തണമെന്ന് ആഗ്രഹിക്കുന്നവരാണ് മാതാപിതാക്കള്‍. അത്തരത്തില്‍ മകള്‍ തന്നെക്കാള്‍ ഒരുപാട് ഉയരത്തിലെത്തിയപ്പോള്‍ അഭിമാനത്തോടെയും സന്തോഷത്തോടെയും ഒരുഗ്രന്‍ സല്യൂട്ട് നല്‍കുന്ന ഒരു അച്ഛന്റെ ചിത്രം സാമൂഹികമാധ്യമങ്ങളില്‍ വൈറലാവുകയാണ്. ആന്ധ്രാപ്രദേശ് പോലീസാണ് ട്വിറ്ററില്‍ ഈ ചിത്രം ട്വിറ്ററില്‍ പങ്കുവെച്ചിരിക്കുന്നത്.
#APPolice1stDutyMeet brings a family together!
— Andhra Pradesh Police (@APPOLICE100) January 3, 2021
Circle Inspector Shyam Sundar salutes his own daughter Jessi Prasanti who is a Deputy Superintendent of Police with pride and respect at #IGNITE which is being conducted at #Tirupati.
A rare & heartwarming sight indeed!#DutyMeet pic.twitter.com/5r7EUfnbzB
ആന്ധ്രാപ്രദേശ് പോലീസിലെ ഡി.എസ്.പി. ജെസി പ്രശാന്തിക്ക് പിതാവും സര്‍ക്കിള്‍ ഇന്‍സ്‌പെക്ടറുമായ ശ്യാം സുന്ദര്‍ സല്യൂട്ട് നല്‍കുന്ന ചിത്രമാണിത്. തിരുപ്പതിയില്‍ നടന്ന ആന്ധ്രാപ്രദേശ് പോലീസിന്റെ ഡ്യൂട്ടി മീറ്റ്- 'ഇഗ്നൈറ്റ്' എന്ന പരിപാടിക്കിടെ തമ്മില്‍ കണ്ടുമുട്ടിയപ്പോഴാണ് മകള്‍ക്ക് ശ്യാം സുന്ദര്‍ സല്യൂട്ട് നല്‍കിയത്. 2018 കേഡര്‍ ഐ.പി.എസുകാരിയായ ജെസി പ്രശാന്തി നിലവില്‍ ഗുണ്ടൂര്‍ ജില്ലയിലെ ഡി.എസ്.പിയാണ്.
അതേസമയം അച്ഛന്‍ തന്നെ സല്യൂട്ട് ചെയ്യുന്നത് കണ്ടപ്പോള്‍ അത്ര സുഖകരമായി തോന്നിയില്ലെന്ന് ജെസി പ്രശാന്തി ദ ന്യൂസ് മിനിട്ടിനോട് പ്രതികരിച്ചു. ഇതാദ്യമായാണ് ഞങ്ങള്‍ ഡ്യൂട്ടിക്കിടെ കണ്ടുമുട്ടുന്നത്. അദ്ദേഹം എനിക്ക് സല്യൂട്ട് തന്നത് അത്ര സന്തോഷകരമായി തോന്നിയില്ല. എന്തൊക്കെ ആയാലും അദ്ദേഹം എന്റെ അച്ഛനല്ലേ. എന്നെ സല്യൂട്ട് ചെയ്യരുതെന്ന് അദ്ദേഹത്തോട് പറഞ്ഞു. പക്ഷെ അത് സംഭവിച്ചു. ഞാനും സല്യൂട്ട് തിരികെ നല്‍കി- ജെസി പറഞ്ഞു.
content highlights: andhra pradesh police officer salutes dsp daughter photo goes viral
