ജീവിതത്തിൽ കൂട്ടുത്തരവാദിത്തവും ചുമതലാബോധവും വ്യക്തികൾ തമ്മിൽ എത്രമാത്രം വേണ്ടതെന്ന് പഠിപ്പിക്കുകയാണ് ഈ പാതിരാ കൊക്കുകൾ. കൂടൊരുക്കുന്നത് മുതൽ അടയിരിക്കുന്നതും കുട്ടികൾക്ക് ഭക്ഷണം തേടുന്നതുമെല്ലാം അവർ പങ്കിട്ടെടുക്കുന്നു. പറക്കമുറ്റം വരെയുള്ള കാലത്ത് അവർ പരസ്പരം താങ്ങാവുന്നു‚ കുട്ടികൾക്കും പങ്കാളിക്കും. ആഗസ്റ്റ് 20 മുതൽ ഒക്ടോബർ പത്ത് വരെ 52 ദിവസങ്ങൾക്കിടയിൽ പലപ്പോഴായി തൃശൂരില്‍ നിന്നും മാതൃഭൂമി ഫോട്ടോഗ്രാഫർ ജെ. ഫിലിപ്പ്‌ പകർത്തിയ ചിത്രങ്ങൾ
ചുള്ളിക്കമ്പുകൾ കോർത്തും ചേർത്തും വളരെ സൂക്ഷ്‌മതയോടെയാണ് കൂടൊരുക്കൽ. ചുള്ളിക്കമ്പുകൾ ചുണ്ടിൽ കൊരുത്ത് വെയ്ക്കൽ ഒരാളുടെ ജോലിയാണ് അടുക്കി കൂടൊരുക്കുന്നത് മറ്റാളും.
ആദ്യത്തെ മുട്ടയിട്ടതിനു ശേഷവും കൂട് പണികൾക്ക് വേഗമേറും.
രണ്ട് മുട്ടകളായിക്കഴിഞ്ഞാലും വിശ്രമമില്ലാത്ത വിധം കൂട് ഒരുക്കൽ തുടരും.
കൂടിലേക്കുള്ള ചുള്ളിക്കമ്പുമായി ഇണ പക്ഷി എത്തുന്നു
ചുള്ളിക്കമ്പ് കൈമാറ്റം മരച്ചില്ലകൾക്കിടയിലൂടെ
ഇണ കൊണ്ടുവന്ന കമ്പ് ശ്രദ്ധാപൂർവ്വം അടുക്കി വെയ്ക്കൽ
കോർത്ത്, ചേർത്ത്
കൂട് പൂർത്തിയായാൽ ധ്യാനമായി അടയിരിക്കൽ
അടയിരിക്കലിനിടയിലും കൂട് പണികൾ ശ്രദ്ധയോടെ
കുഞ്ഞുങ്ങൾ വിരിഞ്ഞ് കഴിഞ്ഞുള്ള സന്തോഷവും കരുതലും
ഇണ പക്ഷി തീറ്റയുമായി എത്തിയാൽ കൂടിനുള്ളിൽ ആകെ ഒരു ഞെരുക്കമാണ്, കുട്ടികളെ തട്ടാതെ നിന്നു തിരിയാനുള്ള പങ്കപ്പാടും
ആ പങ്കപ്പാടിലും അല്പം സ്നേഹപ്രകടനം
ആ പങ്കപ്പാടിലും അല്പം സ്നേഹപ്രകടനം
തീറ്റ കൈമാറാൻ സാവകാശം നൽകി മറ്റെയാൾ പുറത്തേക്ക്
കുട്ടികൾക്ക് മീനൂട്ടൽ പതിയെ നൽകിത്തുടങ്ങും
ചവയ്ക്കാനാവാത്തവയെ മുറിച്ച്‌ ചെറുതാക്കി പങ്കിടൽ
ചിറകുവിരിച്ച് ഒരു പൊതിയലാണ് മറ്റേ പക്ഷി വരും വരെ
കൂട്ടിൽ തനിച്ചാക്കുന്നത് പറക്കാനുള്ള ചുവടുറപ്പിക്കലാണ്. അമ്മ പക്ഷിയുടെ അരികിലേക്ക്
