നാലുമണിക്ക് മാമ്പഴം കൊണ്ടുള്ള ഒരു പൊരി തയ്യാറാക്കിയാലോ ? മധുരവും അല്‍പ്പം എരിവുമുള്ള മാമ്പഴപൊരി പരീക്ഷീക്കാം

ചേരുവകള്‍

  1. മൈദ - അരക്കപ്പ്
  2. പഴുത്ത മാങ്ങ - ഒരെണ്ണം
  3. പഞ്ചസാര - 2 ടേബിള്‍സ്പൂണ്‍
  4. മുട്ട - ഒരെണ്ണം
  5. ബേക്കിങ് സോഡ - ഒരു നുള്ള്
  6. ചാട്ട് മസാല - ഒരു ചെറിയ സ്പൂണ്‍
  7. ഉപ്പ് - ഒരു നുള്ള്
  8. എണ്ണ - ആവശ്യത്തിന്

തയ്യാറാക്കുന്ന വിധം

ഒരു പാത്രത്തില്‍ മൈദ, മുട്ട, പഞ്ചസാര, ബേക്കിങ് സോഡ, ചാറ്റ് മസാല, ഉപ്പ് എന്നിവ നന്നായി ഇളക്കി യോജിപ്പിക്കുക. ശേഷം തൊലികളഞ്ഞ് ചെറിയ കഷണങ്ങളാക്കിയ മാങ്ങ ഈ മാവില്‍ നന്നായി മുക്കി, ചൂടായ എണ്ണയിലിട്ട് വറുത്തെടുക്കുക. നല്ല മധുരമുള്ള നാലുമണി പലഹാരം റെഡി.

നോട്ട്:  മൈദയ്ക്ക് പകരം ഗോതമ്പുപൊടിയും ഉപയോഗിക്കാം. മാങ്ങ എടുക്കുമ്പോള്‍ ഒരുപാടു പഴുത്തത് എടുക്കാതിരിക്കുക.

Content Highlights: mango pori recipe