വൈകുന്നേരത്തെ ചായക്കൊപ്പം സ്‌നാക്‌സ് നിര്‍ബന്ധമാണോ, ചിക്കന്‍ വട പരീക്ഷിക്കാം

ചേരുവകള്‍

  1. ചിക്കന്‍- കാല്‍ കിലോ
  2. കടലപ്പരിപ്പ്- 50 ഗ്രാം
  3. ചെറുപയര്‍ പരിപ്പ്- 50 ഗ്രാം
  4. സവാള- ഒന്ന്
  5. ഗരം മസാല- ഒന്നര സ്പൂണ്‍
  6. മഞ്ഞള്‍പ്പൊടി- അര സ്പൂണ്‍
  7. പെരുംജീരകം- ഒരു സ്പൂണ്‍
  8. ഇഞ്ചി, വെളുത്തുള്ളി പേസ്റ്റ്- രണ്ടര സ്പൂണ്‍
  9. ഉണക്കമുളക്- അഞ്ചെണ്ണം
  10. പച്ചമുളക്- മൂന്നെണ്ണം
  11. കറിവേപ്പില, മല്ലിയില- ആവശ്യത്തിന്

തയ്യാറാക്കുന്ന വിധം

കടലപ്പരിപ്പും ചെറുപയര്‍ പരിപ്പും രണ്ട് മണിക്കൂര്‍ വെള്ളത്തില്‍ കുതിര്‍ക്കുക. ഉണക്കമുളകും അതിനൊപ്പം കുതിര്‍ത്തു വയ്ക്കുക. ഇവ വെളളം കളഞ്ഞ് മാറ്റി വയ്ക്കണം. ചിക്കന്‍ മഞ്ഞള്‍പ്പൊടി ഇട്ട് മിക്‌സിയില്‍ അരച്ചെടുക്കുക. ഇതിനൊപ്പം കുതിര്‍ത്ത പരിപ്പുകളും ഇട്ട് അരയ്ക്കാം. ഈ പേസ്റ്റിലേക്ക് ഉണക്കമുളക്, ബാക്കി പൊടികള്‍, ഇഞ്ചി വെളുത്തുള്ളി പേസ്റ്റ്, പച്ചമുളകും സവാളയും അരിഞ്ഞത് എന്നവ ചേര്‍ക്കാം. പാകത്തിന് ഉപ്പും ചേര്‍ത്ത് പരിപ്പു വടയുടെ ആകൃതിയില്‍ എണ്ണയില്‍ പൊരിച്ചെടുക്കുക. 

കൂടുതല്‍ പാചകക്കുറിപ്പുകളറിയാന്‍ ഗൃഹലക്ഷ്മി വാങ്ങാം

Content Highlights: Chicken Vada Easy Non-veg snack recipe