എല്ലാവർക്കും ഇഷ്ടമുള്ള, വളരെ പോഷക സമൃദ്ധമായ ഒരു മത്സ്യമാണ് മത്തി. ഇന്ന് ഊണിനൊപ്പം രുചികരമായ മത്തിപീര തയ്യാറാക്കിയാലോ
ചേരുവകൾ
- മത്തി- 500 ഗ്രാം
- മഞ്ഞൾപ്പൊടി- അര ടീസ്പൂൺ
- ഉപ്പ്- ആവശ്യത്തിന്
- വെളിച്ചെണ്ണ- ഒരു ടീസ്പൂൺ
- ചുവന്നുള്ളി- 100 ഗ്രാം
- പച്ചമുളക്- 20 ഗ്രാം
- കറിവേപ്പില- ആവശ്യത്തിന്
- തേങ്ങ- ഒന്ന്
തയ്യാറാക്കുന്ന വിധം
മത്തി വൃത്തിയാക്കി വയ്ക്കുക. ചട്ടിയിൽ വെളിച്ചെണ്ണ ഒഴിച്ച് ചൂടായ ശേഷം മത്തി അതിൽ ഇടുക. മഞ്ഞൾപൊടിയും ഉപ്പും ചേർത്ത് മത്തി വേവിക്കാം. ചുവന്നുള്ളി, പച്ചമുളക്, കറിവേപ്പില, തേങ്ങ എന്നിവ മിക്സിയിലിട്ട് ചതച്ചെടുക്കുക. വേവിച്ച മത്തിയിലേക്ക് ഈ ചേരുവ ചേര്‍ത്ത ഇളക്കാം. പച്ചമണം മാറിയാൽ തീ കെടുത്താം. ഒരുപാനിൽ വെളിച്ചെണ്ണ ചൂടാക്കി അതിൽ കറിവേപ്പിലയിട്ട് വാട്ടിയ ശേഷം പീരയുടെ മുകളിൽ ഒഴിക്കാം.
കൂടുതൽ പാചകക്കുറിപ്പുകളറിയാൻ ഗൃഹലക്ഷ്മി വാങ്ങാം.
Content Highlights: Mathipeera naadanrecipe for lunch
