പിസ്സ എന്നു കേള്‍ക്കുമ്പോഴേക്കും വായില്‍ വെള്ളമൂറുന്നവരുണ്ട്. നല്ല മൊരിഞ്ഞ ദോശയെക്കുറിച്ചു പറഞ്ഞാല്‍ പിന്നെ പറയുകയും വേണ്ട. എന്നാല്‍ ഇതു രണ്ടും ചേര്‍ത്തൊരു വിഭവമായാലോ? പിസ്സ ദോശ തയ്യാറാക്കുന്ന വിധമാണ് താഴെ നല്‍കിയിരിക്കുന്നത്.
ചേരുവകള്‍
ദോശമാവ്- ആവശ്യത്തിന്
മുട്ട- ഒന്ന്
തക്കാളി- പകുതി
സവാള അരിഞ്ഞത്- പകുതി
ബ്ലാക്ക് ഒലീവ് കഷ്ണങ്ങള്‍- രണ്ട് ടീസ്പൂണ്‍
കാരറ്റ് അരിഞ്ഞത്- ഒരു ടേബിള്‍ സ്പൂണ്‍
ചണവിത്ത് ചതച്ചത്- കാല്‍ ടീസ്പൂണ്‍
മല്ലിയില അരിഞ്ഞത്- രണ്ട് ടീസ്പൂണ്‍
മോസറില്ല ചീസ്- ആവശ്യത്തിന്
തയ്യാറാക്കുന്ന വിധം
പാനില്‍ ദോശമാവൊഴിച്ച് പരത്തുക. വെന്തുകഴിഞ്ഞാല്‍ മുട്ട പതച്ചത് ഇതിലൊഴിച്ച് പരത്തുക. ശേഷം പച്ചക്കറികളും മല്ലിയിലയും വിതറുക. ഇനി മോസറില്ല ചീസ് വിതറിയ ശേഷം ദോശ മറിച്ചിട്ട് മൊരിക്കുക. വെന്തുകഴിഞ്ഞാല്‍ നെയ്യ് തൂകി കഴിക്കാം.
Content Highlights: pizza dosa recipe
