ചോറിനൊപ്പം കഴിക്കാൻ പൈനാപ്പിൾ കൊണ്ട് വ്യത്യസ്തമായ കറിയുണ്ടാക്കിയാലോ? പുളിയും മധുരവും എരിവും ചേർന്ന പൈനാപ്പിൾ ചട്നി തയ്യാറാക്കുന്ന വിധമാണ് താഴെ നൽകിയിരിക്കുന്നത്.
ചേരുവകൾ
എണ്ണ - 2 ടേബിൾസ്പൂൺ
കടുക് - 1 ടീസ്പൂൺ
പൈനാപ്പിൾ - 2 കപ്പ്
ഉണക്ക മുന്തിരി - 1/2 കപ്പ്
ഉണക്ക മുളക് - 5 എണ്ണം
ശർക്കര - 1/2 കപ്പ്
ഉപ്പ് - ആവശ്യത്തിന്
തയ്യാറാക്കുന്ന വിധം
ഒരു പാനിൽ എണ്ണ ചൂടാക്കി കടുക് പൊട്ടിക്കുക. ഉണക്ക മുളക്, പൈനാപ്പിൾ, ഉണക്ക മുന്തിരി എന്നിവ ചേർക്കുക. നന്നായി യോജിപ്പിച്ച് പൈനാപ്പിൾ വേവിക്കുക. ഇടയ്ക്കിടെ ഇളക്കി കൊടുക്കുക . ഇതിലേക്ക് ശർക്കരയും 1/4 കപ്പ് വെള്ളവും ഉപ്പും ചേർത്ത് നന്നായി കുറുക്കി എടുക്കുക. തീ ഓഫ് ചെയ്ത് ചൂടോടെ വിളമ്പാം .
വായനക്കാർക്കും റെസിപ്പികൾ പങ്കുവെക്കാം
Content Highlights: pineapple chutney recipe
