പുറത്ത് മഴയുടെ തണുപ്പ്, രോഗങ്ങള്‍ വേഗം പിടിപെടാന്‍ സാധ്യതയുള്ള കാലവസ്ഥ. പ്രായമായവര്‍ക്കും മറ്റ് അസുഖങ്ങളുള്ളലര്‍ക്കും ഈ സമയത്ത് പ്രത്യേക ഭക്ഷണവും പരിചരണവും ആവശ്യമാണ്. പ്രായമായവര്‍ക്കും പ്രമേഹം പോലുള്ള രോഗങ്ങളുള്ളവര്‍ക്കും രുചിയോടെ കഴിക്കാവുന്ന മിക്‌സഡ് വെജിറ്റബിള്‍ സൂപ്പ് പരീക്ഷിച്ചാലോ
ചേരുവകള്‍
- തക്കാളി, കാരറ്റ്, പയര്‍ വര്‍ഗങ്ങള്‍, ഫ്രഞ്ച് ബീന്‍സ്, കോവയ്ക്ക എന്നിവ കഷണങ്ങളാക്കിയത്- മൂന്ന് കപ്പ്
- ഉപ്പ്- പാകത്തിന്
- ജീരകപ്പൊടി- അര ടീസ്പൂണ്‍
- കുരുമുളക്‌പൊടി- അര ടീസ്പൂണ്‍
- എണ്ണ- ഒരു ടീസ്പൂണ്‍
- കറിവേപ്പില- കുറച്ച്
തയ്യാറാക്കുന്ന വിധം
കഷണങ്ങളാക്കിയ പച്ചക്കറികള്‍ ഒരു കപ്പ് വെള്ളത്തില്‍ പ്രഷര്‍ കുക്കറില്‍ നന്നായി വേവിച്ചെടുക്കുക. ഒരു ബ്ലന്‍ഡറില്‍ ഇത് ഉടച്ചെടുക്കുക. ഇനി ഈ പച്ചക്കറി മിക്‌സ് അരിച്ചെടുക്കാം. ഇതിലേക്ക് ഉപ്പ്, ജീരകപ്പൊടി കുരുമുളക് പൊടി എന്നിവ ചേര്‍ത്ത് ഇളക്കുക. ശേഷം ഒരു പാനില്‍ എണ്ണ ചൂടാകുമ്പോള്‍ കറിവേപ്പില ഇട്ട് മൂപ്പിച്ച് സൂപ്പിന് മുകളില്‍ ഒഴിക്കുക. സൂപ്പ് ചൂടോടെ കുടിക്കാം.
വായനക്കാർക്കും റെസിപ്പികൾ പങ്കുവെക്കാം
Content Highlights: Mixed Vegetable Soup for healthy meal
