ചിക്കന്‍ വിഭവങ്ങളില്‍ രുചിയുടെ കാര്യത്തില്‍ മുന്‍പന്തിയില്‍ നില്‍ക്കുന്നതാണ് ബട്ടര്‍ ചിക്കന്‍ മസാല. രുചികരമായ ബട്ടര്‍ ചിക്കന്‍ മസാല കഴിക്കാന്‍ ഹോട്ടല്‍ അന്വേഷിക്കണ്ട ആവശ്യമില്ല. മനസ് വെച്ചാല്‍ വീട്ടിലും എളുപ്പത്തില്‍ തയ്യാറാക്കാവുന്നതാണ്.
ചേരുവകള്‍
കോഴി - 500 ഗ്രാം
കോഴിയില്‍ പുരട്ടാന്‍ - ആവശ്യമുള്ളവ
കശ്മീരി മുളകുപൊടി - രണ്ട് ടീസ്പൂണ്‍
മഞ്ഞള്‍പൊടി, ജീരകപൊടി - അര ടീസ്പൂണ്‍ വീതം
ചാട്ട് മസാല, പെരുംജീരകപൊടി - അര ടീസ്പൂണ്‍ വീതം
ബ്ലാക് സാള്‍ട്ട് - ഒരു നുള്ള്
ഗരം മസാല - അര ടീസ്പൂണ്‍
കട്ടിത്തൈര് - ഒരു കപ്പ്
കടുകെണ്ണ - 20 മില്ലി
ഇഞ്ചി-വെളുത്തുള്ളി പേസ്റ്റ് - ഒരു ടീസ്പൂണ്‍
ഉപ്പ് - ആവശ്യത്തിന്
എല്ലാ ചേരുവകളും ചേര്‍ത്ത് ചിക്കന്‍ പത്ത് മിനിറ്റ് വെയ്ക്കുക. ശേഷം ഗ്രില്‍ ചെയ്യുക.
ഗ്രേവിക്കാവശ്യമായവ
1. ഗരം മസാല - 25 ഗ്രാം
2. തക്കാളി, സവാള (വലുത്) - രണ്ടെണ്ടണ്ണം വീതം
3. ഉലുവ - ഒരു ടീസ്പൂണ്‍
4. കശുവണ്ടിപ്പരിപ്പ് - 100 ഗ്രാം
5. കശ്മീരി മുളക് - അഞ്ചെണ്ണം
ഇവ മിക്സിയില്‍ അടിച്ച് അല്പം വെള്ളം ചേര്‍ത്ത് തിളപ്പിച്ച് പേസ്റ്റ് രൂപത്തിലാക്കുക.
1. വെണ്ണ - 100 ഗ്രാം
2. ഇഞ്ചി - വെളുത്തുള്ളി പേസ്റ്റ് ഒരു ടീസ്പൂണ്‍
3. മഞ്ഞള്‍പ്പൊടി, മുളകുപൊടി - അര ടീസ്പൂണ്‍ വീതം
4. മല്ലിപ്പൊടി, ജീരകപ്പൊടി - അര ടീസ്പൂണ്‍ വീതം
5. ഗരം മസാലപ്പൊടി, ഉലുവപ്പൊടി - കാല്‍ ടീസ്പൂണ്‍ വീതം
6. ക്രീം - 50 മില്ലി
7. മല്ലിയില - 25 ഗ്രാം
8. പാല്‍ - 250 മില്ലി
തയ്യാറാക്കുന്ന വിധം
പാനില്‍ പകുതി വെണ്ണയൊഴിച്ച് ഇഞ്ചി-വെളുത്തുള്ളി പേസ്റ്റ് ചേര്‍ക്കുക. ഇതില്‍ 3 മുതല്‍ 5 വരെയുള്ള ചേരുവകള്‍ ചേര്‍ത്ത് താളിക്കുക. ഇതിലേക്ക് പാലും ചിക്കനും,ഗ്രേവിക്ക് വേണ്ടി തയ്യാറാക്കി വെച്ചിരിക്കുന്ന പേസ്റ്റും
ചേര്‍ത്ത് ചാറ് കുറുകുന്നതുവരെ പാകം ചെയ്യുക. ബാക്കിയുള്ള വെണ്ണ, ക്രീം, മല്ലിയില എന്നിവ തൂവി ഇറക്കുക.
Content Highlights: butter chicken masala, chicken recipe, easy chicken recipe, easy cooking, food news ,cooking, food updates
