വിശേഷ ദിനങ്ങൾക്ക് രുചിപകരാൻ ഇടുക്കി സ്പെഷ്യൽ എല്ലും കപ്പയുമായാലോ

ചേരുവകൾ

  1. കപ്പ: ഒരു കിലോ
  2. എല്ലോടുകൂടിയ ബീഫ്: മുക്കാൽ കിലോ
  3. വെളുത്തുള്ളി അരിഞ്ഞത്: മൂന്ന് ടേബിൾ സ്പൂൺ
  4. ഇഞ്ചി അരിഞ്ഞത്: രണ്ട് ടേബിൾ സ്പൂൺ
  5. കറിവേപ്പില: അഞ്ച് തണ്ട്
  6. മുളകുപൊടി: രണ്ട് ടേബിൾ സ്പൂൺ
  7. മല്ലിപ്പൊടി: രണ്ടര ടേബിൾ സ്പൂൺ
  8. ഗരംമസാലപ്പൊടി: ഒന്നര ടേബിൾ സ്പൂൺ
  9. മഞ്ഞൾപൊടി: അര സ്പൂൺ

കപ്പയ്ക്ക് അരപ്പിന്

  1. തേങ്ങാ: ഒരു കപ്പ്
  2. വെളുത്തുള്ളി: അഞ്ചല്ലി
  3. ചെറിയുള്ളി: രണ്ടെണ്ണം
  4. ജീരകം: അര സ്പൂൺ
  5. കറിവേപ്പില: രണ്ട് തണ്ട്
  6. മഞ്ഞൾ: ചെറിയ കഷണം
  7. കാന്താരിമുളക്: രണ്ട് സ്പൂൺ
  8. ഉപ്പ്: ആവശ്യത്തിന്

തയ്യാറാക്കുന്ന വിധം

വെളുത്തുള്ളി, ഇഞ്ചി, കറിവേപ്പില, മുളകുപൊടി, മല്ലിപ്പൊടി, ഗരംമസാലപ്പൊടി, മഞ്ഞൾപൊടി, ഉപ്പ് എന്നിവ ചേർത്ത് ബീഫ് വേവിച്ചെടുക്കുക. കപ്പ വേവിച്ച് വയ്ക്കുക.

തേങ്ങാ വെളുത്തുള്ളി, ചെറിയുള്ളി, ജീരകം, കറിവേപ്പില, മഞ്ഞൾ, കാന്താരിമുളക് എന്നിവ ഒതുക്കിയെടുക്കുക. വലിയ പാത്രത്തിൽ കപ്പയും ഈ കൂട്ടും ചേർത്ത് ചെറുതീയിൽ ആവി വരുമ്പോൾ ബീഫും ചേർത്തിളക്കിയെടുക്കുക. എണ്ണയിൽ കടുക്, ഉള്ളി, കറിവേപ്പില, ഉണക്കമുളക് എന്നിവ മൂപ്പിച്ച് കപ്പയിൽ ചേർത്തിളക്കി ചൂടോടെ വിളമ്പാം.

കൂടുതൽ പാചകക്കുറിപ്പുകൾ വായിക്കാൻ പുതിയ ലക്കം ഗൃഹലക്ഷ്മി വാങ്ങാം

Content Highlights:Idukki special food ellum kappayum