സി.ശോഭ

14 March 2020, 12:34 PM IST

1 min read

Read later

Photo: Sreejith P. Raj

നത്തോലി പുളിയിലയിട്ടത് വച്ചാലോ

ചേരുവകള്‍

നെത്തോലി : അര കിലോ
പുളിയില : രണ്ട് കപ്പ്
പച്ചക്കുരുമുളക് : ഒരു ടേബിള്‍സ്പൂണ്‍
കാന്താരിമുളക് : ഒരു ടേബിള്‍സ്പൂണ്‍
വെളുത്തുള്ളി : രണ്ടല്ലി
ചുവന്നുള്ളി : നാലെണ്ണം
ഇഞ്ചി : ഒരു ചെറിയ കഷ്ണം
കറിവേപ്പില : രണ്ട് തണ്ട്
തേങ്ങ ചിരവിയത് : ഒരു മുറി
ഉപ്പ്, മഞ്ഞള്‍പൊടി : ആവശ്യത്തിന്
വെളിച്ചെണ്ണ : ആവശ്യത്തിന്
വാട്ടിയ വാഴയില : ആവശ്യത്തിന്

തയ്യാറാക്കുന്ന വിധം

ഒരു മണ്‍ചട്ടിയില്‍ മൂന്ന് വാഴയില വയ്ക്കുക. ഒന്നിനുമീതെ മറ്റൊന്ന് എന്ന രീതിയില്‍. മുകളിലുള്ള വാഴയിലയില്‍ ഒരു ടീസ്പൂണ്‍ വെളിച്ചെണ്ണ പുരട്ടണം. പുളിയില, കാന്താരിമുളക്, പച്ചക്കുരുമുളക്, വെളുത്തുള്ളി, ചുവന്നുള്ളി, ഇഞ്ചി, കറിവേപ്പില, തേങ്ങ ചിരവിയത്, ഉപ്പ്, മഞ്ഞള്‍പൊടി എന്നിവ വെള്ളം തൊടാതെ തരുതരുപ്പായി അരച്ചശേഷം രണ്ട് ടേബിള്‍സ്പൂണ്‍ വെളിച്ചെണ്ണയൊഴിക്കുക. ഇത് മീനിലേക്ക് ചേര്‍ക്കണം. എന്നിട്ട് ചട്ടിയിലുള്ള വാഴയിലയില്‍ നടുവിലായി വയ്ക്കുക. ഒരു വാഴയിലയില്‍ ഒരു ടീസ്പൂണ്‍ വെളിച്ചെണ്ണ തടവി മീനിന്റെ മുകളില്‍ വയ്ക്കുക. മുകളില്‍ രണ്ട് വാഴയില കൂടി വയ്ക്കണം. (വാഴയില കൊണ്ട് മീന്‍ നന്നായി മൂടണം) ചട്ടി അടച്ചുവയ്ക്കണം. ശേഷം അടുപ്പില്‍വെച്ച് ചെറുതീയില്‍ 10 മിനിട്ട് വേവിക്കുക. ഇനി ഇലയോടെ തിരിച്ചിട്ട് 10 മിനിട്ട് കൂടി വേവിക്കാം. അടുപ്പില്‍നിന്ന് മാറ്റി ചൂടാറുമ്പോള്‍ ആവശ്യത്തിനുള്ളത് ഒരു വശത്ത് നിന്നെടുത്ത് ഉപയോഗിക്കാം. ഇത് ചട്ടിയില്‍നിന്ന് മാറ്റരുത്. അധികം ഇളക്കുകയും ചെയ്യരുത്.

കൂടുതല്‍ പാചകക്കുറിപ്പുകളറിയാന്‍ ഗൃഹലക്ഷ്മി വാങ്ങാം

Content Highlights: Kerala Style Fish Recipes