സുധ ഗോകുല്‍

19 March 2020, 02:15 PM IST

1 min read

Read later

Photo: Sreejith P. Raj

കപ്പയും ഇടിച്ചക്കയും ചേര്‍ത്ത കട്‌ലറ്റ് തയ്യാറാക്കിയാലോ

ചേരുവകള്‍

കപ്പ- ഒരു കഷണം
ഇടിച്ചക്ക- കാല്‍ഭാഗം
ഉപ്പ്- പാകത്തിന്
പച്ചമുളക്- മൂന്ന്
മഞ്ഞള്‍പ്പൊടി ഒരു ടേബിള്‍ സ്പൂണ്‍
വെളിച്ചെണ്ണ- രണ്ട് ടേബിള്‍സ്പൂണ്‍
ഇഞ്ചി- ഒരു കഷണം
വെളുത്തുള്ളി- നാല് അല്ലി
കാരറ്റ്- രണ്ട്, ഗ്രേറ്റ് ചെയ്തത്
ബീറ്റ് റൂട്ട്- ഒന്ന്, ഗ്രേറ്റ് ചെയ്തത്
മുളക്‌പൊടി- കാല്‍ ടീസ്പൂണ്‍
കുരുമുളക് പൊടി- കാല്‍ ടീസ്പൂണ്‍
ഗരം മസാല- ഒരു ടീസ്പൂണ്‍
പുതിനയില. കറിവേപ്പില- ആവശ്യത്തിന്
മുട്ടയുടെ വെള്ള- കാല്‍ കപ്പ്
ബ്രഡ് ക്രമ്പ്‌സ്- ആവശ്യത്തിന്

തയ്യാറാക്കുന്ന വിധം

ചെറിയ കഷണം ഇടിച്ചക്ക ഉപ്പും മഞ്ഞളും ചേര്‍ത്ത് വേവിച്ച് മാറ്റി വയ്ക്കുക. ഒരു കഷണം കപ്പ ഒരു തവണ തിളപ്പിച്ച് വെള്ളമൂറ്റി ശേഷം നന്നായി വേവിച്ച് വയ്ക്കുക. ഇനി കപ്പയും ഇടിച്ചക്കയും ഒന്നിച്ച് ചേര്‍ത്ത് ഉടച്ച് മാറ്റി വയ്ക്കാം. ഒരു ചീനച്ചട്ടിയില്‍ വെളിച്ചെണ്ണ ഒഴിച്ച് അത് ചൂടാകുമ്പോള്‍ ഇഞ്ചി, പച്ചമുളക്, വെളുത്തുള്ളി, കാരറ്റ്, ബീറ്റ് റൂട്ട്, പാകത്തിന് ഉപ്പ് ഇവ ചേര്‍ത്ത് വഴറ്റുക. പാകമാകുമ്പോള്‍ കുറച്ച് മഞ്ഞള്‍പ്പൊടി, മുളക് പൊടി, കാല്‍ ടീസ്പൂണ്‍ കുരുമുളക് പൊടി, ഒരു ടീസ്പൂണ്‍ ഗരം മസാല, പുതിനയില, കറിവേപ്പില എന്നിവയിട്ട് നന്നായി ഇളക്കുക. ആദ്യം മിക്‌സ് ചെയ്ത് വച്ച കപ്പയും ഇടിച്ചക്കയും ചേര്‍ത്ത് നന്നായി ഇളക്കാം. ഇത് ചെറിയ ഉരുളകളാക്കി കോഴിമുട്ടയുടെ വെള്ളയില്‍ മുക്കി ബ്രെഡ് ക്രംമ്പ്‌സിലും മുക്കി വറുത്തെടുക്കുക.

ഗൃഹലക്ഷ്മി വായനക്കാരുടെ പാചകക്കുറിപ്പുകള്‍

Content Highlights: Kappa idichakka cutlet