കെ. പി ശര്‍മിള

24 March 2020, 12:36 PM IST

1 min read

Read later

ഇപ്പോള്‍ ചക്കയുടെ കാലമല്ലേ... ആരോഗ്യത്തിനും ദഹനത്തിനും വളരെ നല്ലതാണ് ചക്ക വിഭവങ്ങള്‍. എങ്കില്‍ ഇന്ന് ചക്കക്കുരു മോരുകറി പരീക്ഷിച്ചാലോ...

ചേരുവകള്‍

ചക്കക്കുരു തൊലി കളഞ്ഞ് വൃത്തിയാക്കി നാലായി കീറിയത്- ഒരു കപ്പ്
മോര് കുറച്ചു പുളിയുള്ളത്- ഒരു കപ്പ്.
തേങ്ങ ചിരവിയത്- ഒരു കപ്പ്
പച്ചമുളക്- രണ്ട്
കാന്താരി- രണ്ട്
ചെറിയ ഉള്ളി- രണ്ട്
വെളുത്തുള്ളി- രണ്ട് അല്ലി
ഇഞ്ചി- ഒരു ചെറിയ കഷണം
ചെറിയ ജീരകം- ഒരു നുള്ള്
കറിവേപ്പില- രണ്ട് തണ്ട്
മഞ്ഞള്‍പൊടി- കാല്‍ ടീസ്പൂണ്‍
മുളകുപൊടി- അര ടീസ്പൂണ്‍
കുരുമുളകുപൊടി- കാല്‍ ടീസ്പൂണ്‍
കടുക്, ഉലുവ, വറ്റല്‍ മുളക് വറുത്തിടാന്‍- ആവശ്യത്തിന്
ഉപ്പ്, എണ്ണ- ആവശ്യത്തിന്

തയ്യാറാക്കുന്ന വിധം

ഒരു മണ്‍ചട്ടിയില്‍ചക്കക്കുരു ഇട്ട് അതിലേക്ക് മഞ്ഞള്‍പൊടി മുളകുപൊടി പച്ചമുളക് കീറിയത് കുറച്ചു കറിവേപ്പില ചക്കക്കുരു വേകാന്‍ ആവശ്യത്തിനുള്ള വെള്ളം ചേര്‍ത്ത് അടച്ചു വെച്ച് വേവിക്കുക. പകുതി വേവാകുമ്പോള്‍ ഉപ്പു ചേര്‍ക്കുക. ഒരു മിക്‌സിയുടെ ജാറില്‍ ഒരു മുറി തേങ്ങ ചിരവിയത് ചെറിയ ഉള്ളി വെളുത്തുള്ളി രണ്ട്കാന്താരി ഇഞ്ചി ഒരു നുള്ള് ജീരകം കുറച്ച് കറിവേപ്പില ഇതിലേക്ക് മോരും ചേര്‍ത്ത് നന്നായി അരച്ചെടുക്കുക. ഈ അരപ്പ് ചക്കക്കുരു കൂട്ടിലേക്ക് ചേര്‍ക്കുക. നന്നായി ഇളക്കി തിള വരുമ്പോള്‍ വാങ്ങുക. ഒരു പാനില്‍ വെളിച്ചെണ്ണയൊഴിച്ച് ചൂടാകുമ്പോള്‍ കടുക് പൊട്ടിച്ച് ഒരുനുള്ള് ഉലുവയും ചേര്‍ത്ത് രണ്ട് വറ്റല്‍ മുളക് മുറിച്ചത് കറിവേപ്പില എന്നിവ ചേര്‍ത്ത് താളിച്ച് കറിയിലേക്കൊഴിക്കുക ചക്കക്കുരു മോര് കറി റെഡി.

ഗൃഹലക്ഷ്മി വായനക്കാരുടെ പാചകക്കുറിപ്പുകള്‍

Content highlights: Chakkakkuru Moru Curry Recipe