'പ്ലീസ്, ഓസിനുവേണ്ടി പേരു മാറ്റല്ലേ...' തായ്​വാനിൽ തലവേദനയായി സാൽമൺ


സാല്‍മണ്‍ അല്ലെങ്കില്‍ ഗുയി യു എന്ന പേരുള്ള എല്ലാവര്‍ക്കും സൗജന്യമായി സൂഷി ഭക്ഷണം നല്‍കുമെന്നായിരുന്നു റസ്റ്റൊറന്റ് നല്‍കിയ പരസ്യം. അതോടെ ആളുകള്‍ പേരുമാറ്റാനായി ഓഫീസുകളിലേക്ക് കൂട്ടത്തോടെ എത്തുകയായിരുന്നു.

Representative Image| Photo: gettyimages.in

പേര് മാറ്റുന്നതു നിര്‍ത്തൂ എന്ന് ജനങ്ങളോട് ആവശ്യപ്പെട്ട് തായ്‌വാനിലെ ഉദ്യോഗസ്ഥര്‍. കാര്യം അത്ര നിസ്സാരമല്ല. ഡസന്‍ കണക്കിന് ആളുകളാണ് ഒരു സൂഷി റസ്‌റ്റൊറന്റിന്റെ പരസ്യം ഏറ്റെടുത്ത് പേരുമാറ്റാന്‍ ഇറങ്ങിത്തിരിച്ചിരിക്കുന്നത്.

ജപ്പാനിലെ പ്രമുഖ റസ്റ്റൊറന്റുകളിലൊന്നായ അകിന്‍ഡോ സുഷിരോ നല്‍കിയ ഒരു വാഗ്ദാനമാണ് കുഴപ്പത്തിന് കാരണം. സാല്‍മണ്‍ അല്ലെങ്കില്‍ ഗുയി യു എന്ന പേരുള്ള എല്ലാവര്‍ക്കും സൗജന്യമായി മീനും ചോറും ചേർന്ന സുഷി ഭക്ഷണം നല്‍കുമെന്നായിരുന്നു റസ്റ്റൊറന്റ് നല്‍കിയ പരസ്യം. അതോടെ ആളുകള്‍ പേരുമാറ്റാനായി ഓഫീസുകളിലേക്ക് കൂട്ടത്തോടെ എത്തുകയായിരുന്നു.

പേര് മാറ്റാനുള്ള അപേക്ഷകള്‍ അയക്കുന്നത് നിര്‍ത്തണമെന്നും അത് സര്‍ക്കാരിന്റെ സമയം നശിപ്പിക്കുകയാണെന്നും ഉദ്യോഗസ്ഥര്‍ ജനങ്ങളെ അറിയിച്ചതായി സിഎന്‍എന്‍ റിപ്പോര്‍ട്ട് ചെയ്യുന്നു. ഡസന്‍ കണക്കിന് ആളുകളാണ് മൂന്ന് ഡോളര്‍ നല്‍കി പേര് മാറ്റി പുതിയ ഐഡി കാര്‍ഡും രജിസ്‌ട്രേഷനും നേടാനായി ഓഫീസുകളിലേക്ക് എത്തിയത്.

ഇങ്ങനെ ആളുകള്‍ എത്തുന്നത് ആവശ്യമില്ലാത്ത തിരക്കുകളിലേക്ക് സര്‍ക്കാരിനെ നയിക്കുമെന്ന് ആഭ്യന്തര സഹമന്ത്രി ചെന്‍ സുങ് യാന്‍ ബി.ബി.സിയോടെ പറഞ്ഞു.

പേരുമാറ്റുന്നവരില്‍ പലരും ഈ ഡീല്‍ കഴിയുമ്പോള്‍ തിരിച്ച് പഴയ പേരിലേക്ക് മടങ്ങിപ്പോകാനാണ് പ്ലാനിടുന്നതെന്നാണ് റിപ്പോര്‍ട്ടുകള്‍. 460 ഡോളര്‍ അഥവാ 30,000 രൂപയിലധികം വിലവരുന്ന വിലയേറിയ ഭക്ഷണം കഴിക്കാനാണ് ആളുകളുടെ ഈ കഷ്ടപ്പാടുകള്‍. തായ്‌വാനിലെ നിയമമനുസരിച്ച് ഒരാള്‍ക്ക് മൂന്ന് തവണയാണ് തങ്ങളുടെ പേര് മാറ്റാനാവുക.

Content Highlights: taiwan people change name to ‘salmon’ after sushi restaurant deal

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rape survivor vijay babu

1 min

9-ാം ക്ലാസുകാരനെതിരായ പീഡനക്കേസില്‍ ട്വിസ്റ്റ്; പെണ്‍കുട്ടിയുടെ പിതാവ് മകളെ പീഡിപ്പിച്ചകേസില്‍ പ്രതി

Aug 12, 2022


thomas isaac

2 min

'ആ അഞ്ചുവര്‍ഷം നഷ്ടപ്പെട്ടില്ലായിരുന്നെങ്കില്‍ വേറൊരു കേരളമായേനെ, ഇ.ഡിയുടെ നീക്കം പാര്‍ട്ടി നേരിടും'

Aug 11, 2022


idukki dam

1 min

അതിതീവ്രമഴയിലും ഇക്കുറി പ്രളയം ഒഴിവായത് സര്‍ക്കാരിന്റെ ഇടപെടല്‍ മൂലം - മന്ത്രി റോഷി അഗസ്റ്റിന്‍

Aug 10, 2022

Most Commented