.jpg?$p=48405e6&f=16x10&w=852&q=0.8)
പ്രതീകാത്മക ചിത്രം | Photo: Getty Images
വേനല്‍ കടുക്കുകയാണ് അതോടൊപ്പം ചൂടു കൂടുകയാണ്. ദാഹവും ക്ഷീണവും കൂടുന്നത് ആളുകളെ ബുദ്ധിമുട്ടിച്ചുതുടങ്ങി. പലരും വേനല്‍കാലത്ത് നേരിടുന്ന ഒരു പ്രശ്‌നമാണ് നിര്‍ജലീകരണം. വെള്ളം ധാരാളം കുടിക്കുക മാത്രമാണ് ഏക പോംവഴി. അതുപോലെ തന്നെ, ഈ സമയത്ത് ശരീരം തണുപ്പിക്കാന്‍ പഴങ്ങളും ജ്യൂസും ഇളനീരുമെല്ലാം കുടിക്കുന്നത് ശരീരത്തിന് ഗുണം ചെയ്യും.അത്തരത്തില്‍ ശരീരം തണുപ്പിക്കാന്‍ ചൂടുകാലത്ത് ഈ പഴങ്ങള്‍ കഴിക്കാം.
കടുത്ത വേനലില്‍ തണ്ണിമത്തന്‍ ദാഹം ശമിപ്പിക്കുന്നതിനൊപ്പം ശരീരത്തിന് പോഷണവും പ്രദാനം ചെയ്യും. തണ്ണിമത്തനില്‍ 95 ശതമാനം വരെയും ജലാംശമാണ്. അതിനാല്‍ വേനല്‍ക്കാലത്ത് തണ്ണിമത്തന്‍ കഴിക്കുന്നത് ശരീരത്തിന് ഉന്മേഷം പകരും. ശരീരത്തിലെ ജലാംശം നിലനിര്‍ത്തുന്നതിനൊപ്പം രക്തസമ്മര്‍ദം കുറയ്ക്കാനും ഹൃദയത്തിന്റെ ശരിയായ പ്രവര്‍ത്തനത്തിനും സഹായിക്കും.
വിറ്റാമിനുകളായ സി, എ, ബി എന്നിവയാല്‍ സമൃദ്ധയായ പപ്പായയില്‍ 90 ശതമാനത്തിലധികം ജലാംശമാണ്. മിനറലുകളും നാരുകളും ആന്റിഓക്‌സിഡന്റുകളും പപ്പായയില്‍ ധാരാളമായി അടങ്ങിയിട്ടുണ്ട്. ദഹനത്തെ എളുപ്പമാക്കുവാനും മലബന്ധം തടയാനും ത്വക്കുകളുടെ സംരക്ഷണത്തിനും പപ്പായ വളരെ നല്ലതാണ്.
മാമ്പഴം വിറ്റാമിനുകളായ എ, ബി6, സി, കൂടാതെ പൊട്ടാസ്യം, മഗ്‌നീഷ്യം, തുടങ്ങിയവയുടെ കലവറയാണ്. ചൂടുകാലത്ത് മാമ്പഴം ശരീരത്തിന്റെ ആരോഗ്യത്തിന് വളരെ നല്ലതാണ്. വേനല്‍ക്കാലത്ത് മാമ്പഴം കഴിക്കുന്നത് ദഹനത്തിനും ഗുണം ചെയ്യും.
ആന്റിഓക്‌സിഡന്റുകളും വിറ്റാമിനുകളും മറ്റു ധാതുക്കളും ധാരാളം അടങ്ങിയ സ്‌ട്രോബെറി വേനല്‍ക്കാലത്ത് കഴിക്കേണ്ട ഒരു പഴമാണ്. ഓറഞ്ചും ശരീരം തണുപ്പിക്കും.ഓറഞ്ചില്‍ വിറ്റാമിന്‍ സി ധാരാളം അടങ്ങിയിട്ടുണ്ട്. ഇത് പ്രതിരോധശേഷി വര്‍ധിപ്പിക്കുക മാത്രമല്ല കണ്ണിന്റെ ആരോഗ്യത്തിനും ഇവ മികച്ചതാണ്. ഇവ ദഹനത്തിന് സഹായമാകും.
Content Highlights: Summer ,Fruits,watermelon,mango,Papaya,Strawberries,food
Also Watch
RELATED STORIES
.jpg?$p=c2197a1&f=1x1&w=100&q=0.8)
.jpg?$p=a3c1fa2&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
IN CASE YOU MISSED IT
.jpg?$p=6a12f4a&f=1x1&w=100&q=0.8)
.jpg?$p=1990e2a&f=1x1&w=100&q=0.8)
.jpg?$p=a3c1fa2&q=0.8&f=16x11&w=104)
.jpg?$p=6a12f4a&q=0.8&f=16x11&w=104)
.jpg?$p=c521eaf&q=0.8&f=16x11&w=104)
.jpg?$p=c0d0d29&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..