പഴഞ്ചോറിൽ കട്ടത്തൈരും ചെറിയ ഉള്ളിയും ചമ്മന്തിയും കൂട്ടി ഒരു പിടിപിടിക്കാം; പഴമക്കാരുടെ 'കുള്ത്ത്'


പഴയ ഭക്ഷണസംസ്കൃതിയെ ഓർമിപ്പിക്കുകയാണ് കണ്ണൂരിലെ കെ.ടി.ഡി.സി. ഹോട്ടൽ ലൂംലാൻഡ്.

കെ.ടി.ഡി.സി.യുടെ കണ്ണൂർ ലൂംലാൻഡ് ഹോട്ടലിൽ തയ്യാറാക്കിയ ‘കുള്ത്ത്’

കണ്ണൂർ: പരമ്പരാഗത ഭക്ഷണശീലങ്ങളുപേക്ഷിച്ച് മറുനാടൻ ഭക്ഷണങ്ങളെ തീൻമുറികളിലേക്കെത്തിക്കുന്ന മലയാളികളെ പഴയ ഭക്ഷണസംസ്കൃതിയെ ഓർമിപ്പിക്കുകയാണ് കണ്ണൂരിലെ കെ.ടി.ഡി.സി. ഹോട്ടൽ ലൂംലാൻഡ്.

ഉത്തര മലബാറുകാർ ‘കുള്ത്ത്’ എന്ന് വിളിക്കുന്ന പഴങ്കഞ്ഞി ആവശ്യക്കാർക്ക് വിളമ്പിയാണ് ഹോട്ടൽ ലൂംലാൻഡ് ആരോഗ്യപ്രദമായ ഭക്ഷണപ്പഴമയെ ഓർമിപ്പിക്കുന്നത്. ഒക്ടോബർ ഒന്നുമുതൽ ഇവിടെനിന്ന് ആവശ്യക്കാർക്ക് ‘കുള്ത്ത്’ കിട്ടുന്നുണ്ട്.

രാവിലെ ഏഴുമുതൽ 12 വരെയാണ് ‘കുള്ത്ത്’ കിട്ടുന്ന സമയമെന്നും ഇതിനായി ധാരാളംപേർ വരുന്നുണ്ടെന്നും ഹോട്ടൽ മാനേജർ സുർജിത്ത് ഉണ്ണിക്കൃഷ്ണൻ പറഞ്ഞു. പഴഞ്ചോറ്, കട്ടത്തൈര്, ചെറിയ ഉള്ളി, കാന്താരി, ഇഞ്ചി, ചമ്മന്തി, അച്ചാർ, ചുട്ട പപ്പടം, വാട്ടിയ മുളക്, കപ്പ എന്നീ വിഭവങ്ങൾ അടങ്ങിയ വെജിറ്റബിൾ ‘കുള്ത്തി’ന് 80 രൂപയാണ് വില. കപ്പയ്ക്ക് പകരം മീൻ മുളകിട്ടത് വേണമെങ്കിൽ 100 രൂപ. പാചകം ചെയ്യുന്നതും വിളമ്പുന്നതും മൺപാത്രങ്ങളിൽ. ജയയോ മട്ടയോ ആണ് ഉപയോഗിക്കുന്ന അരി.

പുലർച്ചെ എഴുന്നേറ്റ് ‘കുള്ത്ത്’ കുടിച്ച് ജോലിക്ക് പോയിരുന്ന ശീലം മലയാളികൾക്കുണ്ടായിരുന്നു. കുടുംബത്തിലെ എല്ലാവരും അതിരാവിലെ ജോലിക്ക് പോവുന്നതിനാൽ ഭക്ഷണം തയ്യാറാക്കാനൊന്നും സമയംകിട്ടില്ല. അതിനാൽ തലേന്നത്തെ അത്താഴം മിച്ചംവെച്ച് രാവിലെ കഴിക്കും. തണുപ്പ് എന്നതിന് പകരം ‘കുളുപ്പം’ എന്ന വാക്ക് പ്രാദേശികമായി ഉപയോഗിക്കാറുണ്ട്. അതിനാൽ തണുത്തത് എന്ന അർഥത്തിലാണ് ‘കുള്ത്ത്’ എന്ന വാക്കുണ്ടായത്.

‘കുള്ത്ത്’ മത്സ്യക്കറിവെച്ച മൺചട്ടിയിലിട്ട് കട്ടത്തൈരും പച്ചമുളകും കൂട്ടിക്കുഴച്ച് കഴിച്ചതിന്റെ സ്വാദ് നാവിൽ സൂക്ഷിക്കുന്നവരാണ് പഴമക്കാർ. പ്രഭാതഭക്ഷണം പലഹാരങ്ങളായി മാറിയിട്ട് 50 വർഷമേ ആയിട്ടുള്ളൂവെന്നാണ് പറയുന്നത്.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022

Most Commented