ലോക് ഡൗണിലും ജനകീയ ഹോട്ടലുകള്‍ വിളമ്പിയത് മൂന്നുലക്ഷത്തിലേറെ പേര്‍ക്കുള്ള ഉച്ചഭക്ഷണം


കോവിഡ് ബാധിതരായി ചികിത്സയിലുള്ളവര്‍ക്കും വീടുകളില്‍ നിരീക്ഷണത്തിലുള്ളവര്‍ക്കും ഉള്‍പ്പെടെയാണ് ജനകീയ ഹോട്ടലുകള്‍ വഴി ഭക്ഷണം നല്‍കുന്നത്. നാലുമുതല്‍ പത്തുവരെ വനിതകള്‍ ചേര്‍ന്നാണ് ജനകീയ ഹോട്ടലുകള്‍ നടത്തുന്നത്.

-

തിരുവനന്തപുരം: ലോക് ഡൗണിലും നഗരത്തിലെ ജനകീയ ഹോട്ടലുകള്‍ വിളമ്പിയത് മൂന്നുലക്ഷത്തിലേറെ പേര്‍ക്കുള്ള ഉച്ചഭക്ഷണം. ഒരു മാസത്തിനിടെ ഇരുപതു രൂപ നിരക്കില്‍ 302896 ഭക്ഷണപ്പൊതികളാണ് തലസ്ഥാന നഗരത്തില്‍ വിതരണം ചെയ്തത്. ഏറ്റവും കൂടുതല്‍ ഉച്ചയൂണ് വിതരണം ചെയ്തത് നേമം മൈത്രി ജനകീയ ഹോട്ടലാണ്. പതിനായിരത്തോളം പൊതികള്‍.

കോവിഡ് ബാധിതരായി ചികിത്സയിലുള്ളവര്‍ക്കും വീടുകളില്‍ നിരീക്ഷണത്തിലുള്ളവര്‍ക്കും ഉള്‍പ്പെടെയാണ് ജനകീയ ഹോട്ടലുകള്‍ വഴി ഭക്ഷണം നല്‍കുന്നത്. നാലുമുതല്‍ പത്തുവരെ വനിതകള്‍ ചേര്‍ന്നാണ് ജനകീയ ഹോട്ടലുകള്‍ നടത്തുന്നത്.

18 ഹോട്ടലുകളാണ് നഗരസഭാ പരിധിയില്‍ ആരംഭിച്ചതെങ്കിലും നിലവില്‍ 17 എണ്ണമാണ് പ്രവര്‍ത്തിക്കുന്നത്. ഭക്ഷണം തയ്യാറാക്കാനുള്ള സ്ഥലത്തിന്റെ അസൗകര്യം കാരണമാണ് ഒരു ഹോട്ടല്‍ പ്രവര്‍ത്തനം നിര്‍ത്തിവെച്ചിരിക്കുന്നത്. റാപ്പിഡ് റെസ്‌പോണ്‍സ് ടീം അംഗങ്ങളും വൊളന്റിയര്‍മാരും മുഖേനയാണ് ക്വാറന്റീനില്‍ കഴിയുന്നവര്‍ക്ക് ഭക്ഷണം എത്തിക്കുന്നത്.

മൂന്ന് ഹോട്ടലുകളില്‍ ഒഴികെയുള്ളവ മൂന്നു നേരവും ഭക്ഷണം വിതരണം ചെയ്യുന്നുണ്ട്. 20 രൂപയാണ് ഓരോ നേരത്തെയും ഭക്ഷണത്തിന്. അയല്‍ക്കൂട്ടങ്ങളുടെ നേതൃത്വത്തിലാണ് ഓരോ ഹോട്ടലിന്റെയും പ്രവര്‍ത്തനം. കഴിഞ്ഞ ലോക്ഡൗണ്‍ കാലത്തും ജനകീയ ഹോട്ടലുകള്‍ വഴി നഗരത്തിലെ ജനങ്ങള്‍ക്ക് ന്യായവിലയില്‍ വീടുകളില്‍ ഭക്ഷണം എത്തിച്ചു നല്‍കിയിരുന്നു.

തദ്ദേശ സ്ഥാപനങ്ങളും സിവില്‍ സപ്ലൈസും പദ്ധതിയില്‍ പങ്കാളികളാണ്. ഹോട്ടലുകളുടെ പ്രവര്‍ത്തനം നിരീക്ഷിക്കാന്‍ പ്രത്യേക സംഘത്തെയും കുടുംബശ്രീ ജില്ലാ മിഷന്‍ രൂപവത്കരിച്ചിട്ടുണ്ട്.

''രാവിലെ എട്ടുമുതല്‍ രാത്രി ഏഴുവരെയാണ് ഹോട്ടലുകളുടെ പ്രവര്‍ത്തനം. 108 ജനകീയ ഹോട്ടലുകളാണ് ജില്ലയില്‍ പ്രവര്‍ത്തിക്കുന്നത്. ആയിരത്തിലേറെ കുടുംബശ്രീ അംഗങ്ങള്‍ക്ക് പദ്ധതിയിലൂടെ ജോലി നല്‍കാന്‍ കഴിഞ്ഞു. ഒരു ഹോട്ടലില്‍ നിന്നും ദിവസവും ഇരുപതോളം പേര്‍ക്ക് സൗജന്യമായും ഭക്ഷണം നല്‍കുന്നുണ്ട്.''

ഡോ. കെ.ആര്‍.ഷൈജു, കോ-ഓര്‍ഡിനേറ്റര്‍, കുടുംബശ്രീ ജില്ലാ മിഷന്‍

''ദിവസേന അഞ്ഞൂറിലേറെ ഉച്ചയൂണ് ആളുകള്‍ വാങ്ങുന്നുണ്ട്. കോവിഡ് രോഗികള്‍ക്കും നിരീക്ഷണത്തിലുള്ളവര്‍ക്കും മൂന്നു നേരത്തെ ഭക്ഷണം തയ്യാറാക്കി നല്‍കുന്നുണ്ട്.''

ജീന, ആശ്രയ ജനകീയ ഹോട്ടല്‍, ജഗതി

Content Highlights: Janakeeya hotel in thiruvanthapuram

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
നരേന്ദ്രമോദി, നിതീഷ് കുമാര്‍

2 min

ചിലത് കാണാനിരിക്കുന്നതേയുള്ളൂവെന്ന് നിതീഷ് കുമാര്‍; മോദിയെ തളര്‍ത്തുമോ 2024?

Aug 12, 2022


priya varghees

1 min

റിസര്‍ച്ച് സ്‌കോര്‍ ഏറ്റവും കുറവ്; പ്രിയ വര്‍ഗീസിന്റെ വിവാദ നിയമനത്തില്‍ നിര്‍ണായക രേഖ പുറത്ത്

Aug 13, 2022


One of the Rajasthan Royals owners slapped me 3-4 times after I got a duck Ross Taylor reveals

1 min

ഡക്കായതിന് മൂന്ന് നാല് തവണ മുഖത്തടിച്ചു; ഐപിഎല്‍ ടീം ഉടമയ്‌ക്കെതിരായ വെളിപ്പെടുത്തലുമായി ടെയ്‌ലര്‍

Aug 13, 2022

Most Commented