മൈസൂര്‍ പാക്കും മസാലദോശയും താരമായി; യോഗാദിനത്തില്‍ മൈസൂര്‍കൊട്ടാരത്തില്‍ മോദിക്ക് പ്രഭാതഭക്ഷണം


മൈസൂരു മഹാറാണി പ്രമോദദേവി വോഡയാറിന്റെ അഭ്യര്‍ഥനപ്രകാരമാണ് പ്രധാനമന്ത്രി കൊട്ടാരത്തിലെത്തിയത്.

മൈസൂരു രാജാവ് യെദുവീർ കൃഷ്ണദത്ത ചാമരാജ വോഡയാർ, പത്നി ത്രിഷിക, മകൻ ആദ്യവീർ, മഹാറാണി പ്രമോദദേവി എന്നിവർ പ്രധാനമന്ത്രി നരേന്ദ്രമോദിക്കൊപ്പം

മൈസൂരു: അന്താരാഷ്ട്ര യോഗദിനാഘോഷത്തില്‍ പങ്കെടുക്കാന്‍ മൈസൂരുവിലെത്തിയ പ്രധാനമന്ത്രി നരേന്ദ്രമോദി പ്രഭാതഭക്ഷണം കഴിച്ചത് മൈസൂരു കൊട്ടാരത്തില്‍നിന്ന്. മൈസൂരു മഹാറാണി പ്രമോദദേവി വോഡയാറിന്റെ അഭ്യര്‍ഥനപ്രകാരമാണ് പ്രധാനമന്ത്രി കൊട്ടാരത്തിലെത്തിയത്.

ദക്ഷിണേന്ത്യന്‍രീതിയിലുള്ള വിഭവങ്ങളാണ് പ്രധാനമന്ത്രിക്കായി ഒരുക്കിയത്. പ്രശസ്തമായ 'മൈസൂര്‍പാക്ക്', 'മൈസൂര്‍ മസാലദോശ' എന്നിവയായിരുന്നു വിഭവങ്ങളിലെ ശ്രദ്ധേയ ഇനങ്ങള്‍. കാശി ഹല്‍വ, ഉപ്പുമാവ്, മദ്ദൂര്‍ വട, പൊങ്കല്‍, ബ്രഡും വെണ്ണയും, തേങ്ങ ചട്‌നി, തക്കാളി ചട്‌നി, ഇഡലി, സാമ്പാര്‍ എന്നിവയായിരുന്നു മറ്റിനങ്ങള്‍. രാജകുടുംബത്തിന്റെ ഉടമസ്ഥതയില്‍ ഊട്ടിയിലുള്ള രണ്ട് ഹോട്ടലുകളില്‍നിന്നെത്തിയ പാചകവിദഗ്ധരാണ് ഭക്ഷണമൊരുക്കിയത്. ഭക്ഷണശേഷം പ്രധാനമന്ത്രി കൊട്ടാരം നടന്നുകണ്ടു.

യോഗപ്രദര്‍ശനത്തില്‍ പങ്കെടുത്തശേഷം കൊട്ടാരത്തിനുമുന്നിലെ ദസറ എക്‌സിബിഷന്‍ മൈതാനിയില്‍ സംഘടിപ്പിച്ച കേന്ദ്ര ആയുഷ്മന്ത്രാലയത്തിന്റെ യോഗ പ്രദര്‍ശനം ഉദ്ഘാടനംചെയ്തശേഷമാണ് പ്രഭാതഭക്ഷണത്തിനായി പ്രധാനമന്ത്രി കൊട്ടാരത്തിലെത്തിയത്. മൈസൂരു രാജാവ് യെദുവീര്‍ കൃഷ്ണദത്ത ചാമരാജ വോഡയാര്‍, പ്രമോദദേവി എന്നിവര്‍ ചേര്‍ന്ന് സ്വീകരിച്ചു.

മൈസൂരു കൊട്ടാരത്തില്‍ പ്രഭാതഭക്ഷണം കഴിക്കാനുള്ള ക്ഷണം പ്രധാനമന്ത്രി സ്വീകരിച്ചതില്‍ അതിയായ സന്തോഷമുണ്ടെന്ന് പ്രമോദദേവി പറഞ്ഞു. യെദുവീറിന്റെ പത്‌നി ത്രിഷികകുമാരി വോഡയാര്‍, മകന്‍ ആദ്യവീര്‍ നരസിംഹരാജ വോഡയാര്‍ എന്നിവരും പ്രധാനമന്ത്രിയെ സ്വീകരിക്കാനുണ്ടായിരുന്നു.

Content Highlights: international yoga day, narendra modi, mysore pak, mysore masala dosa, food

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
R Madhavan, Interview ,Rocketry The Nambi Effect Movie, Minnal Murali Basil Joseph

1 min

ഞാനിത് അര്‍ഹിക്കുന്നു, എന്റെ അറിവില്ലായ്മ; പരിഹാസങ്ങള്‍ക്ക് മറുപടിയുമായി ആര്‍ മാധവന്‍

Jun 27, 2022


satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


Balussery mob attack

1 min

തോട്ടില്‍ മുക്കി, ക്രൂരമര്‍ദനം; ബാലുശ്ശേരി ആള്‍ക്കൂട്ട ആക്രമണത്തിന്റെ കൂടുതല്‍ ദൃശ്യങ്ങള്‍

Jun 26, 2022

Most Commented