ഭക്ഷണം അധികം കഴിച്ചു; ഫുഡ് വ്‌ളോഗറെ വിലക്കി ചൈനീസ് റെസ്‌റ്ററന്റ്


കൂടുതല്‍ ഭക്ഷണം കഴിക്കുന്ന ആളുകളോട് റെസ്‌റ്റൊറന്റ് വേര്‍തിരിവ് കാണിക്കുകയാണെന്ന് കാങ് ആരോപിച്ചു.

പ്രതീകാത്മക ചിത്രം | Illustration: Mathrubhumi

ഭക്ഷണം അധികം കഴിച്ചതിന് ഫുഡ് വ്‌ളോഗര്‍ക്ക് വിലക്കേര്‍പ്പെടുത്തി ചൈനയിലെ സീഫുഡ് റെസ്‌റ്ററന്റ്.

കാങ് എന്നറിയപ്പെടുന്ന ഫുഡ് വ്‌ളോഗര്‍ക്കാണ് വിലക്ക്. റെസ്‌റ്ററന്റ് ആദ്യമായി സന്ദര്‍ശിച്ചപ്പോള്‍ കാങ് അവിടെനിന്ന് ഒന്നര കിലോ ഗ്രാം പന്നിയിറച്ചികൊണ്ടുള്ള വിഭവം കഴിച്ചു. അടുത്തതവണ എത്തിയപ്പോഴാകട്ടെ മൂന്നര കിലോഗ്രാമിനു മുകളില്‍ കൊഞ്ചു കൊണ്ടുള്ള വിഭവം കഴിച്ചു.

കൂടുതല്‍ ഭക്ഷണം കഴിക്കുന്ന ആളുകളോട് റെസ്‌റ്ററന്റ് വേര്‍തിരിവ് കാണിക്കുകയാണെന്ന് കാങ് ആരോപിച്ചു. 'എനിക്ക് ഒരുപാട് ഭക്ഷണം കഴിക്കാന്‍ കഴിയും. അത് തെറ്റാണോ'-കാങ് ചോദിച്ചു. ഒരു നുള്ള് ഭക്ഷണം പോലും താന്‍ പാഴാക്കി കളഞ്ഞില്ലെന്നും കാങ് കൂട്ടിച്ചേര്‍ത്തു.

എന്നാല്‍, കാങ് തന്റെ കീശ കാലിയാക്കിയതായി റെസ്‌റ്ററന്റ് ഉടമ വിശദീകരിച്ചു. ഓരോ തവണ കാങ് ഇവിടെ വരുമ്പോഴും എന്റെ കയ്യിലെ യുവാന്‍ നഷ്ടപ്പെടുന്നു. സോയ പാല്‍ ആണ് കുടിക്കുന്നതെങ്കില്‍ 20 മുതല്‍ 30 കുപ്പിവരെ അകത്താക്കും. പന്നിയിറച്ചികൊണ്ടുള്ള വിഭവമാമെങ്കില്‍ ട്രേയിലുള്ളത് മുഴുവന്‍ കഴിക്കും. സാധാരണഗതിയില്‍ ആളുകള്‍ ടോങ്‌സ് ഉപയോഗിച്ചാണ് അത് കഴിക്കുക. കാങ്ങാകട്ടെ ട്രേ മുഴുവനായുമാണ് എടുക്കുക-ഹോട്ടലുടമ വ്യക്തമാക്കി. തന്റെ റെസ്‌റ്ററന്റില്‍ നിന്ന് ലൈവായി വ്‌ളോഗിങ് പോലുള്ള പരിപാടികള്‍ അവതരിപ്പിക്കാന്‍ ഇനി ആരെയും അനുവദിക്കുകയില്ലെന്ന് ഹോട്ടലുടമ അറിയിച്ചു.

അധികം ഭക്ഷണം കഴിച്ചതിന് വ്‌ളോഗറെ വിലക്കിയ വാര്‍ത്തയ്ക്ക് ചൈനയില്‍ വലിയ പ്രചാരമാണ് ലഭിച്ചത്. വാര്‍ത്തയോട് സമ്മിശ്ര പ്രതികരണമാണ് ആളുകള്‍ അറിയിച്ചത്. ചിലര്‍ ഹോട്ടലുടമയോട് അനുഭവം പ്രകടിപ്പിച്ചപ്പോള്‍ മറ്റുചിലരാകട്ടെ വ്‌ളോഗറെ കുറ്റപ്പെടുത്തി.

കഴിഞ്ഞ വര്‍ഷം ഫുഡ് വ്‌ളോഗര്‍മാര്‍ക്ക് വിലക്കേര്‍പ്പെടുത്തി ചൈനീസ് സര്‍ക്കാര്‍ ഉത്തരവ് പുറത്തിറക്കിയിരുന്നു. ഭക്ഷണം പാഴാക്കുന്നത് തടയുക ലക്ഷ്യമിട്ടായിരുന്നു അത്.

Content highlights: chinese food vloger man banned, a seafoof resturant, eating too much


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
policeman mango theft

1 min

മാമ്പഴം മോഷ്ടിച്ച പോലീസുകാരന്‍ ബലാത്സംഗക്കേസിലും പ്രതി; അതിജീവിതയെ ഉപദ്രവിക്കാനും ശ്രമം

Oct 5, 2022


shashi tharoor

4 min

തരൂര്‍ പേടിയില്‍ കോണ്‍ഗ്രസ്? പ്രമുഖ നേതാക്കള്‍ നെട്ടോട്ടത്തില്‍

Oct 5, 2022


murder

1 min

പാലക്കാട് യുവാവ് കുത്തേറ്റ് മരിച്ചു

Oct 5, 2022

Most Commented