തെന്നിന്ത്യൻ പ്രാതൽ പട്ടികയെടുത്താൽ മുന്നിലുണ്ടാവും ഇഡ്ഡലിയും ദോശയുമെല്ലാം. സാമ്പാറിലും തേങ്ങാചട്നിയിലും മുക്കി ഇഡ്ഡലി കഴിക്കുന്ന രുചി എല്ലാവർക്കും ഒരുപോലെയാകണമെന്നുമില്ല. ഇപ്പോൾ ട്വിറ്ററിലെ വലിയൊരു സംവാദം തന്നെ ഇഡ്ഡലിക്കു പുറകെയാണ്. ഇഡ്ഡലിയെ കളിയാക്കി ഒരു വിദേശി പങ്കുവച്ച ട്വീറ്റും അതിനു പിന്നാലെ വന്ന മറുട്വീറ്റുകളുമാണ് ചർച്ചയാകുന്നത്. എന്തിനധികം എംപി ശശി തരൂർ പോലും ഇഡ്ഡലി വിവാദത്തിൽ കമന്റുമായെത്തി.
Idli are the most boring things in the world. https://t.co/2RgHm6zpm4
— Edward Anderson (@edanderson101) October 6, 2020
പ്രൊഫസർ എഡ്വാർഡ് ആൻഡേഴ്സൺ എന്നയാളാണ് ഇഡ്ഡലിയെ വിമർശിച്ച് ട്വീറ്റ് ചെയ്തത്. ലോകത്തിൽ വച്ചേറ്റവും വിരസമായത് ഇഡ്ഡലിയാണ് എന്നായിരുന്നു എഡ്വാർഡിന്റെ ട്വീറ്റ്. ഈ ട്വീറ്റ് മകൻ ഇഷാൻ തരൂർ പങ്കുവച്ചതോടെയാണ് ശശി തരൂരിന്റെ ശ്രദ്ധയിൽപ്പെട്ടത്. ഉടൻ തന്നെ മറുട്വീറ്റുമായെത്തി തന്റെ ഇഡ്ഡലിയോടുള്ള വികാരം പങ്കുവച്ചു.
''അതെ മകനേ, ശരിയാണ് ലോകത്ത് യഥാർഥത്തിൽ വെല്ലുവിളികൾ നേരിടുന്ന ചിലരുണ്ട്. സംസ്കാരം എന്നത് നേടിയെടുക്കാൻ പ്രയാസമാണ്; ഇഡ്ഡലിയെ അഭിനന്ദിക്കാനുള്ള ഉല്‍കൃഷ്‌ടതയും അഭിരുചിയും ക്രിക്കറ്റും ഓട്ടംതുള്ളലും കാണാനും ആസ്വദിക്കാനുമുള്ള കഴിവും എല്ലാ മനുഷ്യർക്കും ലഭിക്കുന്നില്ല. ഈ പാവം മനുഷ്യനോട് ദയ തോന്നുന്നു, ജീവിതം എന്തായിരിക്കുമെന്ന് അദ്ദേഹത്തിനറിയില്ല. ''
Yes, my son, there are some who are truly challenged in this world. Civilisation is hard to acquire: the taste & refinement to appreciate idlis, enjoy cricket, or watch ottamthullal is not given to every mortal. Take pity on this poor man, for he may never know what Life can be. https://t.co/M0rEfAU3V3
— Shashi Tharoor (@ShashiTharoor) October 7, 2020
അവിടെയും അവസാനിച്ചില്ല ഇഡ്ഡലി കഴിക്കേണ്ട വിധത്തെക്കുറിച്ചും എഡ്വേർ‌ഡിനായി തരൂർ ട്വീറ്റ് ചെയ്തു. ചൂടുള്ള ഇഡ്ഡലി കടുകു വറുത്തെടുത്ത തേങ്ങാ ചട്നിയും ചുവന്നമുളകും ഉള്ളിയും ചേർത്ത ചമ്മന്തിയും നെയ്യും ചേർത്തു കഴിച്ചുനോക്കൂ എന്നാണ് തരൂർ ട്വീറ്റ് ചെയ്തത്. ഇഡ്ഡലിമാവ് രാത്രി പുളിപ്പിച്ച് ഉപയോഗിക്കുകയാണെങ്കിൽ ലോകത്തിലെ സ്വർഗമാണ് അതെന്നും ട്വീറ്റ് ചെയ്തു.
Try it with a plate of steaming idlis, accompanied by coconut chutney with a garnish of mustard seeds, a red-chilli-and-onion samandi & some molagapodi w/melted ghee. If the idli batter has been fermented right, it’s the closest thing to heaven on this earth! Class will be better
— Shashi Tharoor (@ShashiTharoor) October 7, 2020
ഇതിനു പിന്നാലെ മറുപടിയുമായി എഡ്വേർഡ് എത്തുകയും ചെയ്തു. താൻ സാമ്പാറിന്റെയും ചട്നിയുടെയും തെന്നിന്ത്യയിലെ മറ്റു പല ഭക്ഷണങ്ങളുടെയും ആരാധകനാണെന്നും വ്യക്തമാക്കി രംഗത്തെത്തി. ദോശയും അപ്പവും തനിക്ക് ഇഷ്ടമാണെന്നും ഇഡ്ഡലിയും പുട്ടുമാണ് സഹിക്കാനാവാത്തതെന്നും എഡ്വാർഡ് കുറിച്ചു.
തരൂരിനു പിന്നാലെ നിരവധി പേർ ഇഡ്ഡലി പ്രണയത്തെ പങ്കുവച്ച് ട്വീറ്റുമായെത്തുകയും ചെയ്തു.
Content Highlights: British citizen calls Idli boring in viral post Shashi tharoor is offended
