photo|twitter.com/khansaamaa
ഒരോ ദിവസവും സാമൂഹികമാധ്യമങ്ങളില്‍ പലതരത്തിലുള്ള ഫുഡ് വീഡിയോകളാണ് വൈറലാകുന്നത്. ഇത് വരെ കേട്ടുപോലും പരിചിതമല്ലാത്ത ഭക്ഷണങ്ങളുടെ കോമ്പിനേഷനുകളും അവതരിപ്പിക്കപ്പെടാറുണ്ട്. ഫുഡ് വ്‌ളോഗര്‍മാരും ഇത്തരത്തിലുള്ള ഭക്ഷണവീഡിയോ പോസ്റ്റ് ചെയ്യുന്നതില്‍ മത്സരമാണ്. തുടര്‍ന്ന് ഇതിനെച്ചൊല്ലി വലിയ ചര്‍ച്ചകളും ചൂട്പിടിക്കുന്നത് പതിവാണ്. അത്തരത്തിലുള്ള പോസ്റ്റാണ് ഇപ്പോള്‍ ജനശ്രദ്ധ പിടിച്ചുപറ്റിയിരിക്കുന്നത്.
എളുപ്പത്തില്‍ കിട്ടുന്ന പലഹാരമാണ് സമൂസ. സാധാരണഗതിയില്‍ ഉരുളക്കിഴങ്ങോ ഇറച്ചിയോ ഒക്കെയാണ് സമൂസയ്ക്കകത്ത് നിറയ്ക്കുന്നത്. മറ്റു ചിലരാകട്ടെ ഗ്രീന്‍ പീസ്, ക്യാരറ്റ്, ബീറ്റ്‌റൂട്ട് തുടങ്ങിയവയും നിറയ്ക്കാറുണ്ട്. മസാലയിലും വ്യത്യസ്ത കൊണ്ടുവരുന്ന പരീക്ഷണങ്ങളും നടക്കാറുണ്ട്.
എന്നാലിവിടെ സമൂസയുടെ ഉള്ളില്‍ നിറച്ചിരിക്കുന്നത് ബിരിയാണിയാണ്. ഇതിന്റെ ചിത്രങ്ങള്‍ ട്വിറ്ററിലൂടെയാണ് ആദ്യം പങ്കുവയ്ക്കപ്പെട്ടത്. തുടര്‍ന്ന് നിരവധി പേരാണ് ഇതെക്കുറിച്ച് ചര്‍ച്ച ചെയ്യാന്‍ ട്വീറ്റിന് താഴെയെത്തിയത്. മിക്കവര്‍ക്കും പരീക്ഷണം ഇഷ്ടപ്പെട്ടില്ല എന്നാണ് കമന്റുകളുള്ളത്. ഇതൊരു വിചിത്രമായ പരീക്ഷണമാണ്, ഉള്‍ക്കൊള്ളാന്‍ സാധിക്കുന്നില്ലെന്നാണ് ഇവര്‍ പറയുന്നത്.
ഇറച്ചിയും മസാലയും കൂടുതല്‍ നിറച്ചിരുന്നെങ്കില്‍ പരീക്ഷിക്കാന്‍ മനസ് വരുമായിരുന്നുവെന്നും അതേസമയം റൈസ് അധികമായി വയ്ക്കുകയാണെങ്കില്‍ ഇത് ഒരിക്കലും കഴിക്കണമെന്നില്ലെന്നും പലരും കമന്റിട്ടു.
മറ്റൊരുകൂട്ടരാകട്ടെ ബിരിയാണി സമൂസ രുചിച്ചുനോക്കാന്‍ താത്പര്യം കാണിക്കുകയും ചെയ്തു. ബിരിയാണിയും സമൂസയും ഒരുപോലെ ഇഷ്ടം. അങ്ങനെയെങ്കില്‍ ഇവയുടെ കോംബോ ഒന്ന് പരീക്ഷിക്കാമെന്നും അഭിപ്രായമുണ്ട്. എന്നിരുന്നാലും ഭൂരിഭാഗം പേര്‍ക്കും പരീക്ഷണം ഇഷ്ടമായില്ല എന്നതാണ് സത്യം.
Content Highlights: bizarre food combo, Samosa,biryani,food
Also Watch
RELATED STORIES
.jpg?$p=48405e6&f=1x1&w=100&q=0.8)
.jpg?$p=6a12f4a&f=1x1&w=100&q=0.8)
.jpg?$p=c521eaf&f=1x1&w=100&q=0.8)
IN CASE YOU MISSED IT
.jpg?$p=c0d0d29&f=1x1&w=100&q=0.8)
.jpg?$p=c521eaf&q=0.8&f=16x11&w=104)
.jpg?$p=c0d0d29&q=0.8&f=16x11&w=104)
.jpg?$p=1990e2a&q=0.8&f=16x11&w=104)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..