30 വര്‍ഷം പറന്നു; എയര്‍ബസ് എ-320 ഇനി രുചിയേറും ഭക്ഷണം വിളമ്പുന്ന റെസ്റ്റോറന്റ്


പ്രദീപ് ചിറയ്ക്കൽ

ലോറിയിൽ കൊണ്ടുപോകുന്ന വിമാനത്തിന്റെ പ്രധാന ഭാഗം

തിരുവനന്തപുരം: 30 വർഷം ആകാശത്ത് അനേകരുടെ സ്വപ്നങ്ങൾക്ക് ചിറകുനൽകിയ എയർബസ് A-320 വിടപറയുന്നു. ഇനിയിത് ഹൈദരാബാദിൽ റെസ്റ്റോറന്റായി മാറും. മൂന്നു വർഷം മുമ്പായിരുന്നു ഇതിന്റെ അവസാന പറക്കൽ- ന്യൂ‍ഡൽഹിയിൽ നിന്നും 186-ലധികം യാത്രക്കാരുമായി തിരുവനന്തപുരത്തേക്ക്. അതിനുശേഷം ചാക്കയിലെ ഹാങ്കർ യൂണിറ്റിന്റെ ഒഴിഞ്ഞ കോണിൽ കിടന്നിരുന്ന വിമാനം ഇവിടത്തെ എൻജിനിയറിങ് വിഭാഗത്തിലെ വിദ്യാർഥികളുടെ പഠനത്തിനായിട്ടാണ് ഉപയോഗിച്ചിരുന്നത്. കാലാവധി കഴിഞ്ഞതോടെ ഇനി വിമാനം ഉപയോഗിക്കാനാവില്ല.

തിരുവനന്തപുരം-മുംബൈ-ഡൽഹി റൂട്ടിലും ഗൾഫ് രാജ്യങ്ങളിലും തുടർ സർവീസ് നടത്തിയിരുന്നതാണ് എയർ ഇന്ത്യയുടെ (മുമ്പ് ഇന്ത്യൻ എയർലൈൻസ്) ഈ വിമാനം. വി.ടി.ഇ.എസ്.ഇ. എന്ന രജിസ്‌ട്രേഷൻ നമ്പറിലായിരുന്നു വിമാനം പറന്നിരുന്നത്. ഫ്രാൻസിലാണ് വിമാനം നിർമിച്ചത്. സർവീസ് കാലാവധി പൂർത്തിയാക്കിയതിനെ തുടർന്നാണ് വിമാനം ആക്രിവിലയ്ക് ഇപ്പോഴത്തെ എ.ഐ. എൻജിനിയറിങ് ലിമിറ്റഡ് ലേലത്തിൽ വിറ്റത്. 75 ലക്ഷം രൂപയ്ക്കാണ് ലേലത്തിൽ പോയത്. ഡൽഹി സ്വദേശിയായ ജോഗീന്ദർ സിങ്ങാണ് വിമാനം വാങ്ങിയത്.



രണ്ട് ദിവസം മുമ്പ് ചിറകും വാലും മുൻഭാഗവും കഷണങ്ങളായി മാറ്റി. എൻജിനെ പ്രത്യേകമായി മാറ്റി. ഇത് ഏതെങ്കിലും ഏവിയേഷൻ എൻജിനിയറിങ് കോളേജുകൾക്ക് വിൽക്കുമെന്നറിയുന്നു. കോക്ക് പിറ്റ് മുതൽ വാല് വരെ നീളമുള്ള ഭാഗമാണ് ഇനി ഹൈദരാബാദിലെത്തിച്ചശേഷം റസ്റ്റോറന്റാക്കി മാറ്റുക.

Content Highlights: Airbus A-320 will become a restaurant


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


vizhinjam

2 min

പോലീസുകാരെ സ്‌റ്റേഷനിലിട്ട് കത്തിക്കുമെന്ന് ഭീഷണിമുഴക്കി; 85 ലക്ഷം രൂപയുടെ നാശനഷ്ടമെന്ന് FIR

Nov 28, 2022


'ഷിയും കമ്മ്യൂണിസ്റ്റുപാര്‍ട്ടിയും തുലയട്ടെ'; കോവിഡ് നിയന്ത്രണങ്ങള്‍ക്കെതിരെ ചൈനയില്‍ വന്‍ പ്രതിഷേധം

Nov 27, 2022

Most Commented