കൊച്ചുറി, മുറുമ, നിംകി, മിസ്ടി... കൊതിയൂറും അതിഥിവിഭവങ്ങളുമായി പൂക്കോട്ടുംപാടത്ത് ഒരു ഹോട്ടല്‍


സജിത്ത് പൂക്കോട്ടുംപാടം

പൂക്കോട്ടുംപാടം ചന്ത റോഡില്‍ പ്രവര്‍ത്തിക്കുന്ന ആസാം മുഹമ്മദ് ഹോട്ടലിലാണ് ഈ കൊതിയൂറും വിഭങ്ങള്‍

പൂക്കോട്ടുംപാടം ചന്ത റോഡിൽ പ്രവർത്തിക്കുന്ന ആസാം മുഹമ്മദ് ഹോട്ടൽ

പൂക്കോട്ടുംപാടം: അതിഥിത്തൊഴിലാളികള്‍ക്ക് ഏറെ പ്രിയപ്പെട്ട ഒരു ഹോട്ടലുണ്ട് പൂക്കോട്ടുംപാടം അങ്ങാടിയില്‍. ഇതരസംസ്ഥാന വിഭവങ്ങള്‍മാത്രം വിളമ്പുന്ന ഈ ഹോട്ടലില്‍ സദാസമയവും നല്ല തിരക്കാണ്. അതിഥിത്തൊഴിലാളികള്‍ തന്നെയാണ് കൂടുതലും. ഇത്തരം തൊഴിലാളികള്‍ക്ക് ഏറെ പ്രിയമുള്ള ഖാദ, ഹാജ, ഗോദ, കൊച്ചുറി, മുറുമ, ബുറിന്റെ, നിംകി, മിഠാക്കുംചരി, മിസ്ടി, ഖുലാബ്ജാം തുടങ്ങിയ വിഭവങ്ങളും പൊറോട്ട, പൂരി, റൊട്ടി തുടങ്ങിയവയും ഹിന്ദി സ്പെഷ്യല്‍ മീല്‍സുമെല്ലാം ഇവിടെ റെഡി.

പൂക്കോട്ടുംപാടം ചന്ത റോഡില്‍ പ്രവര്‍ത്തിക്കുന്ന ആസാം മുഹമ്മദ് ഹോട്ടലിലാണ് ഈ കൊതിയൂറും വിഭങ്ങള്‍. പൂക്കോട്ടുംപാടം സ്വദേശി പൊട്ടിയില്‍ ചെറിയാപ്പുവാണ് ഉടമ. തൊഴിലാളികളെല്ലാം ഇതരസംസ്ഥാനക്കാരാണ്.

മൊയ്ബൂല്‍ ഹുസൈന്‍, അസ്ലം, ഇമ്രാന്‍ എന്നിവരാണ് വിഭവങ്ങള്‍ തയ്യാറാക്കി വില്‍ക്കുന്നത്. പുലര്‍ച്ചെമുതല്‍ ഹോട്ടലില്‍ നല്ല തിരക്കാണ്. പുലര്‍ച്ചെ അഞ്ചിന് തുറക്കും. രാത്രി പത്തുമണിവരെ പ്രവര്‍ത്തിക്കും. അതിഥിത്തൊഴിലാളികളുടെ നാട്ടില്‍ ലഭിക്കുന്ന ഭക്ഷണവിഭവങ്ങളെല്ലാം ആസാം മുഹമ്മദ് ഹോട്ടലില്‍ ലഭിക്കാന്‍ തുടങ്ങിയതോടെ പൂക്കോട്ടുംപാടം ടൗണിലെ തൊഴിലാളികള്‍ക്കുപുറമേ ചോക്കാട്, കാളികാവ്, കരുളായി, നിലമ്പൂര്‍, വണ്ടൂര്‍ ഭാഗങ്ങളില്‍ താമസിച്ച് തൊഴിലെടുക്കുന്നവരും പൂക്കോട്ടുംപാടത്തെത്തുന്നുണ്ട്.

എണ്ണക്കടികള്‍ക്കും ഹിന്ദി സ്പെഷ്യല്‍ ചായയ്ക്കും എട്ടുരൂപയാണ്. ഹിന്ദി സ്പെഷ്യല്‍ ഊണ് 25 രൂപയ്ക്ക് ലഭിക്കും. തങ്ങളുടേതായ രുചിയില്‍ ഭക്ഷണം കിട്ടാന്‍ തുടങ്ങിയതോടെ മുറികളില്‍ ഭക്ഷണം പാകംചെയ്തിരുന്ന പലരും ഹോട്ടലിനെ ആശ്രയിക്കുന്നുണ്ട്. രാവിലെയും വൈകീട്ടുമാണ് ഹോട്ടലില്‍ വലിയ തിരക്ക്.

ലോക്ഡൗണ്‍ സമയങ്ങളില്‍ അതിഥിത്തൊഴിലാളികള്‍ ഭക്ഷണത്തിനായി അലയുന്ന കാഴ്ച കണ്ടതോടെയാണ് ഇവര്‍ക്കായി ഒരു ഹോട്ടലെന്ന ആശയമുദിക്കുന്നത്.

ഹോട്ടലിന് മികച്ച പിന്തുണയാണു ലഭിക്കുന്നതെന്നും ഉടമ പൊട്ടിയില്‍ ചെറിയാപ്പു പ്രതികരിച്ചു.

Content Highlights: A hotel in kerala exclusive for Migrant labourers guest labourers recipes


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented