ഇന്ത്യന്‍ സ്‌നാക്‌സുകള്‍ ജീവിതത്തെക്കുറിച്ച് പഠിപ്പിക്കുന്നത്; ട്വീറ്റുമായി ഹര്‍ഷ് ഗോയങ്ക


'നമ്മുടെ പ്രിയപ്പെട്ട സ്‌നാക്‌സുകളില്‍ നിന്നുള്ള അറിവ്' എന്ന കാപ്ഷനോടെയാണ് ഗോയങ്ക ട്വീറ്റ് പങ്കിട്ടിരിക്കുന്നത്. 

ദോക്‌ല | Grihalakshmi (Photo: Pradeep N.M.)

ഏറെ രുചികരവും ആരോഗ്യപ്രദവുമാണ് ഇന്ത്യന്‍ ഭക്ഷണങ്ങള്‍. ഇത്രയേറെ വൈവിധ്യങ്ങള്‍ നിറഞ്ഞ ഭക്ഷണസംസ്‌കാരം ലോകത്ത് മറ്റൊരുരാജ്യത്തുമില്ലെന്ന് പറയാന്‍ കഴിയും. കാരണം, ഇന്ത്യയിലെ ഓരോ സംസ്ഥാനത്തിനും പ്രത്യേകം രുചിക്കൂട്ടുകളുണ്ട്. അതില്‍ത്തന്നെ പ്രാദേശികമായ രുചിഭേദങ്ങളുമുണ്ട്.

ഇന്ത്യന്‍ ഭക്ഷണങ്ങളില്‍ ഏറെ പ്രശസ്തമാണ് സ്‌നാക്‌സുകള്‍. മധുരവും എരിവും പുളിയുമെല്ലാം നിറഞ്ഞ സ്‌നാക്‌സുകളില്‍ ഏതെങ്കിലും ഒരെണ്ണെങ്കിലും ഇല്ലാത്ത വീടുകള്‍ ഇല്ലെന്നു തന്നെ പറയാം.

ഓരോ ഇന്ത്യന്‍ സ്‌നാക്‌സും ജീവിതത്തില്‍ നല്‍കുന്ന സന്ദേശങ്ങള്‍ എന്താണെന്ന് പങ്കുവെച്ചിരിക്കുകയാണ് വ്യവസായി ഹര്‍ഷ് ഗോയങ്ക. 'നമ്മുടെ പ്രിയപ്പെട്ട സ്‌നാക്‌സുകളില്‍ നിന്നുള്ള അറിവ്' എന്ന കാപ്ഷനോടെയാണ് ഗോയങ്ക ട്വീറ്റ് പങ്കിട്ടിരിക്കുന്നത്.

ദോക്‌ല, പാനീപൂരി, ജിലേബി, ചായ എന്നിവയുടെ ചിത്രങ്ങളാണ് ട്വീറ്റിലുള്ളത്. സ്വയം വില കുറച്ച് കാണരുത്. ഏറ്റവും മൃദുവായ ആളുകള്‍ക്ക് വലിയ സമ്മര്‍ദങ്ങളെ നേരിടാന്‍ കഴിയും-ദോക്‌ലയുടെ ചിത്രത്തില്‍ ഇതാണ് സന്ദേശമായി പങ്കുവെച്ചിരിക്കുന്നത്. പ്രതീക്ഷ ഒരിക്കലും നഷ്ടപ്പെടരുത്. ചിലപ്പോള്‍ ജീവിതത്തില്‍ തിരിച്ചടികള്‍ ഉണ്ടായാലും ആ വിടവില്‍ നല്ല കാര്യങ്ങള്‍ നിറയ്ക്കുക-പാനീപൂരിയുടെ ചിത്രത്തിനൊപ്പമുള്ള കുറിപ്പില്‍ പറയുന്നു. ജീവിതത്തില്‍ നിങ്ങള്‍ ഒരുപക്ഷേ വലിയ നിലയില്‍ എത്തിയുണ്ടാകില്ലാരിക്കും. എന്നാല്‍, എപ്പോഴും മധുരതരമായി ഇരിക്കുക എന്നതാണ് ഏറ്റവും വലിയ കാര്യം. ജിലേബിയുടെ ചിത്രത്തിനൊപ്പമുള്ള കുറിപ്പില്‍ പറയുന്നു. ഒരുപക്ഷേ നിങ്ങളുടെ സാന്നിധ്യം മാത്രം മതിയാകും ഒട്ടേറെപ്പേരെ ആശ്വസിപ്പിക്കാന്‍. അതിനാല്‍ എപ്പോഴും കൂടെയുണ്ടാകുക-ചായയുടെ ചിത്രത്തിനൊപ്പമുള്ള കുറിപ്പില്‍ ഇപ്രകാരം പറയുന്നു.

ഇതേസന്ദേശങ്ങള്‍ നേരത്തെ ഓണ്‍ലൈന്‍ ഫുഡ് ഡെലിവറി ആപ്പായ സൊമാറ്റോയും പങ്കുവെച്ചിരുന്നു.

ഗോയങ്കയുടെ ട്വീറ്റ് ഒരു ലക്ഷത്തില്‍ പരം ആളുകളാണ് ലൈക്ക് ചെയ്തിരിക്കുന്നത്. ഇന്ത്യന്‍ സ്‌നാക്‌സുകളോടുള്ള തങ്ങളുടെ ഇഷ്ടം പലരും ട്വീറ്റിനു താഴെ കമന്റുകളായി പങ്കുവെച്ചു. ഈ സ്‌നാക്‌സുകള്‍ നമ്മെ ധാരാളംകാര്യങ്ങള്‍ പഠിപ്പിക്കുന്നുവെന്ന് ഒരാള്‍ പറഞ്ഞു.


Content Highlights: indian snacks teach us about life, viral tweet, harsh goenka, food


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
sreenath bhasi

1 min

അവതാരകയെ അപമാനിച്ച കേസ്; ശ്രീനാഥ് ഭാസിയെ ജാമ്യത്തില്‍വിട്ടു, കേസുമായി മുന്നോട്ടെന്ന് പരാതിക്കാരി

Sep 26, 2022


rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022


wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022

Most Commented